تغيير القبول الجامعي .. ماهو الحل ؟؟؟

December 28th, 2009, 09:31 AM

السلام عليكم و رحمة الله وبركاته ,,,

يا جماعة الخير هل فيكم أحد غير القبول اللي جابوه الوزاره ؟ ما يصير كذا يجبرونا على المكان اللي هم اختاروه لنا !! أنا ماني فاهم ايش المشكله لما يخلون كل واحد يجيب القبول لنفسه (للي يبي يجيب لنفسه قبول) ؟؟

في المرحله السابقه راحول لهم ناس و قالوا لهم احنا نبي نجيب قبول بنفسنا. و قالوا لهم الوزاره : تفضلوا هذا الضمان المالي و روحوا جيبوا قبول بنفسكم على شرط أنك ما تتأخر عن سته شهور و إلا نلغي البعثه حقك .. و راحوا الشباب و في أسبوعين جابوا قبولات لهم . و انتهى الموضوع

ألحين أنا شخصياً مرافق مع زوجتي لأمريكا و معي بنت عمرها شهرين , و جايب قبول جامعي لي و لزوجتي و طلعت الفيز على القبول اللي جبته ، و بعدين جابوا لنا قبول في ولايه لويزيانا , و أنا سمعت أن هذه الولايه ليست مناسبه للعوائل ، و رحت لهم الرياض (أنا من الشرقيه) ولقيت أزفت معامله من د.ماجد الحربي ; جلست يزعق علينا و معصب فينا و لا يقبل يقابل أي واحد جاي علشان تغير القبول ، قلت له أنا طلعت الفيزا ، قال : مالي شغل فيك روح غير الفيزا .ليش ؟؟؟

برأيكم ماهو الحل ؟

• نشر عبر تويتر
• نشر عبر فيسبوك
• نشر عبر جوجل