مدة البعثة ومعادلة الشهادة

اخوي تبغى الصراحة الوزارة لاتعلم شئ
اسال في المشرف في الملحقية
والحين خلاص انسى الوزارة
شغلك كله مع الملحقية
انت شفت ايش قاعدين يتكلموا
ولو تعرف ان الدكتور الموسى عنده بكالوريوس تاريخ
وعنده ماستر حاسب
شوف الفرق
حلال عليهم وحرام علينا

فعلا معك حق
هذا اكثر موضوع مشغلني
حتى الاسئلة كثرت بهذا الموضوع
انا تخصصي مغاير تماما لتخصص الماستر
فهل معقول بدرس سنتين زيادده!!!

لازم معادلة مواد ولكن مين قال سنتان

الجامعة هي الي تحدد

بس شيء طبيعي واكيد لابد من معادلة مواد لك

اصلا المفروض انت الي تحرصي على معادلة المواد لانه بكل بساطة كيف تدرسي تخصص ماعندك اي خلفية عنه ؟!!!

يعني الي تخصصها تربية خاصة وتبي تكمل ماجستير حاسب لابد من معادلة مواد قبل ان تدرس ماجستير حاسب

المعادلة ممكن مواد قليلة وممكن مواد تعادل دراسة سنة او اكثر

الجامعة تحدد لا موسى ولا حربي ولا قحطاني

كما ان بعض الجامعات الي نص نص لاتطلب اي معادلة مواد



على ايش مستعجلين ؟

انتم مبتعثين على حساب الدولة ركزوا في دراستكم وانسوا الباقي

صادقين احنا نقدم الله اولا واخير
واللي سهل الاول يسهل التالي

المشكلة ياشباب انه في قرار الابتعاث
من الشروط والاحكام الي انت بتوقع عليها علشان تطلع القرار موجود شرط مضمونه كالتالي

5 ـ أقر بأنني قد اطلعت على ما تضمنته قرار لجنة معادلة الشهادات الجامعية 1418/8/1 بتاريخ 4/7/1418هـ وفهمت مضمونه فهما لا لبس فيه كما أبلغت من إدارة البعثات بأن حصولي على الشهادة من الجامعة التي سأدرس بها ومصادقة الملحق الثقافي عليها لا يعني حتمية معادلتها من لجنه المعادلات بالوزارة

باختصار ان الملحقيه ولجنة معادلة الشهاداة مافي بينهم اي اتفاق
يعني انا ولد عمي مبتعث لامريكا وتخصصه بالبكالوريوس اصول دين ومبتعث حاسب لكن قاله الملحق ان دراستك بتاخذ اكثر من الوقت المسموح علشان كذا لازم تغير التخصص
وغير التخصص من حاسب الي الى اقتصاد تخيلو التخصص مو مطروح من ضمن التخصصات المحددة بالبرنامج ما ادري كيف تصير هذي
المهم انا شخصيا في الملتقى سالت المسؤول عن معادلة الشهاداة المعذره لاني نسيت اسمه
سالته قلت له انا تخصصي يالبكالوريوس لغة انجليزية فيه امكانية ادرس ماجستير حاسب الي
قالي مستحيل والشهادة ماراح تعادل لك قالي مايصير نساويك بشخص درس بجامعة الملك سعود 7 سنوات مواد كلها متعلقه بالحاسب وانت تدرس سنه وسنتان وتبغى نسميه ماجستير حاسب
من جد رفع ضغطي قلت دام مايصير ليش يقبلوننا بالاصل
نروح نضيع سنين من عمرنا على الفاضي ناهيك ان انا موظف واستقلت من وظيفتي
بعدين بكل بساطه تقولي شهادتك ماتتعادل


الزبده يا اخوان
لا احد يبتعث على تخصص الا وهو متاكد من قسم معادلة الشهاداة بالوزارة انه اذا درسه بيعادلونه له
والا تعبه راح يكون على الفاضي
وااسف للاطاله

كل شي جايز الحين تخصص مو تخصصك

أختي وضحوا لنا في الملتقى ولو حصلت على الدرجة من جامعه معتمدة وما حققت معايير إدارة معادلة الشهادات فإن الدرجة لن تعتمد ، الإمكانية موجودة ولكن الضوابط لم أرها إلى الآن .


يسر الله لنا الأمر جميعاً

الله يسهل الأمر لنا ، انا كنت أعرف اننا بندرس مواد تكميلية ، ولكن مقدارها ، امكانية عدم اعتمادها من ادارة المعادلة كل ذلك أمر مقلق بعض الشيء .

أخوي كنت اتوقع ان الجامعة هي اللي تحدد الساعات التكميلية ، واعرف ان بعض الجامعات تعترف بالخبرة ، ولكن ادارة معادلة الشهادات لا تعترف بمعادلة الخبرة ، هنا المشكلة بأن بمنح الطالب الدرجة مع الاشارة إلى تغيير التخصص فهي لاتنفع في الناحية الاكاديمية لمن رغب التوظف في الجامعات .

اخوي كلنا بنطلع ان شاء الله ولكن كونك تطلع لأربع سنوات غير سبع سنوات هنا تفرق حتى على خطط الانسان


موفق للخير