بخصوص الموضفين

بالنسبه لي اشوف انه ما تقدم استقاله الا بعد ما تستلم قرار الابتعاث في يدك واذا مره مستعجل تقدر تقدم استقاله بعد ما تستلم الفيزا ...... مع العلم انه لو استلمت قرارا الابتعاث معناته البعثه في جيبك خلاص الحمد لله ومعاك 3 اشهر الين تروح للبلد الي انت مبتعث اليه.... واضن 3 اشهر كافيه انك تقدم استقاله وتخلص امورك

مووضوعك ممتااز ..

أقلك أنا إيش سويت ...

من يوم ماطلع إسمي في القبول المبدئي وانا مزبطة حالي في شغلي (قطاع خاص) ... وسألت واستفسرت وخليتهم يستفسرولي عن اجراءات الاستقالة ... الخ ..

والحمدلله كانوا جدا متعاونين معايا وانتشر الخبر بينهم كلهم لووول ... وكلهم عندهم خبر إني طالعة بعثة ... لكن متى بالضبط قلتلهم بعد 6 شهور ؟؟!! وتوقعاتي انها أقل ...

المهم في الموضوع ... اقنعتهم وهما كمان الحمدلله قبلوا الشي داه ... اني مااقدم استقالتي إلا بعد مااظمن نفسي قبول بالجامعة وقرار الابتعاث بيدي ... وفي خلال أسبوعين اقدم استقالتي وأخذ كل حقوقي المادية ... يعني ماني محتاجة اجلس عندهم بسبب خطاب الاستقالة 3 شهور او شهر زي ماهو متعارف عليه ...

وبالتالي انصحك تكون صريح مع مديرك عشان لا يعكسوها معاك عند الاستقالة ويتماطلوا في إعطاء حقوقك المادية ... ويأخروها لك ومن هذه التصرفات الرخيصة ...

ياالله ياشباب رووني مشاركاتكم المثمره عشان الفايده تعم الجميع ......


أخوكـــــم العجـــــــــمي :85:

سواء كنت تعمل في القطاع الحكومي أو الخاص لايحق لأي منهم أن يرفض استقالتك لكن الفرق
أن القطاع الخاص وهم الذي يعملون وفقاً لنظام العمل يقدم الموظف إستقالته قبل تركه العمل بشهر ويسمى الشهر بشهر الإنذار بعد هذا الشهر لايحق لأي شخص أن يرفض إستقالتك أو يجبرك على العمل .

أما القطاع الحكومي وهم الخاضعين لنظام الخدمة المدنية فالطريقة على النحو الآتي تقدم الاستقالة و حق المدير أن يقبلها فوراً ولابد له أن يرد على خطاب الاستقالة فإن سكت وأمتنع عن الرد خلال 90 يوماً من تاريخ تقديم الاستقالة تعتبر الاستقالة نافذة من تاريخ تقديمها ويحق للموظف الراتب عن الفترة التي عملها وتحتسب من خدماته فإن رد الرئيس المباشر برفض الاستقالة ( وللعلم لايحق له رفضها وإبقاء الموظف غصيبه هي ) فهنا يعمل الموظف لمدة ستة أشهر من تاريخ تقديمه للاستقالة وبعدها يعتبر حراً طليقا بما يعني أن رفض المدير للاستقالة ماهو إلا تأجيل لها للمدة المذكورة سابقاً .
ماسبق هو الاتجاه النظامي ، ولكن قد يكون جو العمل مشحون ومستهلك بالتصرفات غير النظامية فهنا أنصحك أن تحسن علاقتك مع رئيسك المباشر قبل تقديمك للاستقالة حتى تحصل على كافة حقوقك وتكسب بعثتك وراحتك النفسية يكفي ما جانا من الوزارة

بنت بسبوسة
سلميلي على مديركم أو مديرتكم المتعاونة
تصدقين إني كنت أشتغل في قطاع خاص( لو خبرتكم بإسم الشركة ما راح تصدقون ) وما قلتلهم إني طالع بعثة ، ولما طلع إسمي في الصحف ( القبول المبدئي ) بداء مشروع الفصل من العمل وتداركت نفسي وقدمت الاستقالة !!!!!! شفتي حسد أكثر من كذا

لكن بجد كنت رافع ضغطهم وحارق دمهم

انا لحد الحين ما قلت الا الي اوثق فيهم قلتلة على البعثة
وانا كلت المدير أني بستقيل بعد فترة علشان اكمل دراستي
قالي مو مشكلة بس قبلة بشهر علمنا علشان نجيب واحد يمسك بدالك(ما يقدرن يستغنون عن خدماتي)

والله انا يا اخوي الحمد الله ان المديره حقتي متعاونه شوي حبتني يعني ما الومها ( :

بس المديره العام قشششششششره وما انتظرها تاخذ عقوبات جزائية فيني عشان لو تركتهم فجأة

اضطريت اتكلم مع المديره اللي حبتني وقلتلها كــــــــــل شيء يعني ممكن فجأة اتركهم وخلاص كذا ارتحت وعطيتهم خبر

الزبــــــــــــــده شف اي مدير اقرب لك وعطيه الخبر قله احتمال كذا وكذا

وانصحك بالكذب

الكذب مو بزين بس في هذه الامور زين

قولهم ان زوجتك مبتعثه او اختك لو منت متزوج

اول شيء تبعد عنك امور كثيره منها محد يقعدلك فيها خصوصا لا عرفوا انك رايح بعثه لاموظفين ولا ادراة كلهم ما يعطون خييييييييييير

ثاني شيء ترتاح من قرقتهم

انا موظفة ولكن ماكملت سنه حتى الان فمنحقي امشي في اي وقت خلال هذه السنه ولو رفضوا مالي حقوق عندهم ما انكر اني متخوفه بس لو علمت مديري المباشر ما حيصدق خبر ويقضبني الباب من بكره لكن كل الي اقدر عليه اني معتمده على الله عزوجل والله يعيننا

الله يعينا وياكم

انا قدمت استقالتي وباقي اسبوعين وارتاح من العمل ابريح شوي قبل البعثة واعتقد ان امور البعثة خلالاص تيسرت ما بقى الا القليل ان شاء الله

والصراحة هاذي بعثة مب وظيفة جديدة لازم نريح شوي قبل لا نروح