مبتعث مستجد Freshman Member
السويد
naser , ذكر. مبتعث مستجد Freshman Member. من الأردن
, مبتعث فى السويد
, تخصصى x
, بجامعة x
المزيدl March 21st, 2007, 04:42 AM
March 21st, 2007, 04:42 AM
السلام عليكم :115:
اخباركم طيبين ..............
طبعا من زمان غايب عن المنتدى ولكن ! .... متابع له من خلف الكواليس ....
الموضوع وما فيه الله يسلمكم
انا نفسي طابت من الوزارة وسوالفها بس نصب وعدم مصداقية .....
صرت ما اهتم .... وقسم بالله صارت البعثه بارده لي ... وحماسي للدراسة برد
والسبب اجراءات تولي منصب الحكم بالسعودية عفواُ .... قصدي اجراءات البعثه .....
تقول نبي نجلس طول عمرنا برا ....
كل سنتين ومعاها 3 من خواتها وراجعين <<<< زين قل 5 سنوات ولا تعقدها :57:
-------------------------------------
بالصدفة قابلت مسؤول في وزارة الموهي .... .. خارج الوزارة
المهم قالي نويصر وش سويت
قلت والله ابدا دوام ونوم ... وكرهت البعثه من وزارتكم ذي <<< لاحظ الميانه طايحه
قال لي : والله شف اول سنة نبي نمشي بالنظام ونسهل الامور عليكم واكيد واجهنا مشاكل كثيرة
لانها البداية لنا وترا البعثات تأخرت بسبب المزانية ....
قلت له : الوزارة ما يهم اجراءاتها تهون ... بس حنا خايفين من اجراءات السفارة الامريكية والله ياهي هم كل مبتعث لامريكا...
قالي لا تخاف حنا نبي نحجز لكم مواعيد وندفع لكم جميع الرسوم وكل شيء علينا وفي مباحثات مع السفارة بتمديد مدة الفيزا اكثر من سنتين وانشاء الله الامور طيبه جداُ وما عليك إلا تجي تاخذ اوراقك قبل موعدك بيوم ..... وانت ما قريت خبر عن امر ملكي من الملك عبدالله بتسديد جميع رسوم اجراءات الفيز للمبتعثين.....
قلت زين انا حجزت على شهر مايو (حسب ما سجلت بالنموذج لمركز القبول) يمديني على اجراءات السفارة ...
صدقني راح تسافر قبل دراستك بمدة كافية وامورك ماشيه
قلت له : زين واذا حجزت موعد من اللحين في السفارة برقم اي تونتي اصفار عشان اتأكد .... واضمن مقعد للموعد ....
قالي : لا لا لا تحجز نهائياٌُ .... الوزارة دافعه فلوس على قبولاتكم..... مستحيل انها تغامر إلا بعد ما اجتمعت مع السفارة واضمنت حصولكم على الفيزا بإسرع وقت ممكن قبل بدء دراستكم ....
قلت له ... تدري وش المشكلة .... ودي نحط متحدث حق وزارة الداخلية اللواء منصور التركي عندكم 
<<< على هالعيون والله ما يطوفه ولا خبر إلا ناشره لنا لأن وزارتكم الله يسلمكم كل واحد يصرح من عنده حتى السكرتي حق البوابة يصرح ....
ياكثر تصاريحكم .... اللي ما ادري وين رايحه .... من جنب القدهـ ...
ضحك مسؤول الموهي وقالي ..... راح تذكر كلامي ... بعدين .... وتقول صدق ابو.....
متفرقات من اللقاء ...
- لم نتحدث طويلاُ عن الوزارة لان نفسي منها مسدودة
- في حركة قوية للابتعاث الجديد .... وفي ريحة راح تطلع بعد مدة عنه بالجرايد
- قالي ان اكثر اخبار الصحف كذب وتفتري على المسؤولين .... وتصرح من عندها
هذا ما بجعبتي ....
وانشاء الله الأمور طيبه ....
ولا أحد يستعجل ...
الاجراءات ماشيه والعجلة ماهي زينة ....
مشكـور أخـوي نـاصـر ويعطيـك العافيــه ....
بس تصـدق في شغلـه لاحظتهـا في ملتقـى أنـ كل واحـد يصـرح بشـي وبعضهم مايدرون شسالفه ...
يعني مثـال رحت لمكتبـ القبـول وقتلـه قالي أفضـل تنتظر لي يجي القبـول وقالـي لو سويتها الحين بدون اي توني بتصيرلكـ حوسـه وقولـه د .نبيـل قايـل ان وأصفـار وبيسقطون اي توني وفي أتفـاقـ قالي مدري واللـه ومتردد بكلامه وقتله بمنتدى قريته قالي مبتعث ولا مكتمل قلت لا قريته بمنتدى وزارهـ قالي ليه الوزاره لها منتدى قت ايه له ثلاث ايام < عرفت مايدري وين الله حاطه ..
ومحاظره مع دكتور نبيـل قالنا حطوها لتختصرون الامور وان سفاره الامريكيه عندها اساميكم وبتتسهل أموركـم ...
بس ياخي حوسـه كل موظف له تصـريح وكـلامـ ....
ربي يعين بـس واليوم افكر اسجل في موقع سفارهـ لمقابله ومتردد حيــل ...
اللــه يكتبـ فيه الخـير ..
الصــ الجــريح ــوت March 21st, 2007, 04:55 AM
7 " انا بصراحة ماراح أخذ موعد إلا بعد ما يجي القبول
B@N911 March 21st, 2007, 10:12 AM
7 " وربي الواحد ما يدري الله فين حاطه
كل واحد يدلي بدلوه
حسبي الله ونعم الوكيل
NEO March 21st, 2007, 11:32 AM
7 " قسم بالله ان هالوزارة رفع الضغط
شد بلد March 21st, 2007, 12:39 PM
7 " 
LinkBack URL
About LinkBacks
!!!
March 21st, 2007, 04:42 AM
بالصدفة قابلت مسؤول في وزارة الموهي .... .. خارج الوزارة
- في حركة قوية للابتعاث الجديد .... وفي ريحة راح تطلع بعد مدة عنه بالجرايد
- قالي ان اكثر اخبار الصحف كذب وتفتري على المسؤولين .... وتصرح من عندها
WWW.IHSAC.COM