فواز آل علي في نقاش حاد مع صالح آل شيخ..

May 9th, 2006, 09:52 PM

السلام عليكم....

كيف الحال يا شباب ويا شابات ؟؟

كيف النفسيات؟؟ أتوقع انكم مستعدين لتقبل اي شئ مفرح ومحزن..

فواز العلي(اللي هو انا) في نقاش حاد مع صالح آلشيخ عصر يوم السبت..

بعد الاعلان عن إكمال المرحلة الاولى من البعثات فرحت فرحا شديدا وو أقدمت على

سحب ملفي من الجامعه صباح يوم السبت (ظنا مني أن المعانات انتهت)

وخصوصا بعد استفساري من الاستاذ زامل عن الذي ليس لديه خطاب توصية فقال

كلهم راح يصدر لهم قرار..وولكن...

ولكن الذي حدث>> إصطفيت مع الشباب عصر يوم السبت و تم توزيع الارقام

وانتظرت حتى جاء دوري.. دخلت الغرفة وكان فيها موظفان سعودي و سوداني

سلمت أوراقي و وقعت على الالتزامات وقال لي الموظف: أنتظر إسبوعين او ثلاث

صرخت في وجهه لماذا؟؟ ألم ينزل قرار إنهاء الاحراءات خلال هذا الاسبوع!؟؟

لماذا هذا التاخير ودراستي بعد كم يوم!!؟ رد علي قائلا: هذا اللي عندنا..

أخوكم في الله دخل وهو ظان أنه سيخرج بالقرار!!

طبعا صدموني بهالكلام.. قلت له وين صالح الشيخ قال في الغرفة الثانية..

إستجمعت قواي وطرقت الباب.. ودخلت وسلمت عليه وكان معاه موظف ثاني

شكله له منصب.. الوكاد قلت ياابو فيصل(إسلوب استعطاف) أنا أوراقي كامله ما عدا

خطاب توصيه وقال لي الموظف بعد إسبوعين وأنا دراستي تبدأ بعد 5ايام..

قال : صحيح لازم تنتظر اسبوعين اقل شيء ..

قلت: ليش التأخير .. مادام تبون تبتعثون الطالب !؟ نفس الشيء الحين زي اسبوعين!

قال: كيف تبيني ابتعثك وما عندي فلوس ابتعثك فيها!؟(وكأن هو اللي يصرف علينا)

قلت: يعني شلون؟؟

قال: أوراقك لازم تروح وزارة المالية حتى يصرفون لك ميزانية..

قلت: طيب والعمل؟؟

قال: أخرّ دراستك..

قلت : ما تستاهل ااخرّ علشان اسبوعين!!

قال ويا ليته ما قال..قال : إحتمال كبير اللي ما معه خطاب ما يصرف له قرار ...

قلت: كيف؟؟؟؟؟؟

قال : يعني مو اكيد يصدر لك قرار... وبعدين أنتم عجيبين قبل كم يوم أخرنا البعثات

ثلاث شهور وهالحين سوينا فيكم معروف وفتحنا لكم اكمال الاحراءات!!!!

قلت : يا خي ليش هالمرمطة هذي كله !؟ لو تركتوها نفس أول كان أحسن!!

قال : كيف نفس أول !؟؟

قلت: يعني لو كانت على شهر رجب أحسن من هالمرمطة والبهذلة.. أقل شيء الواحد

جالس عند امه ومعين من الله خير ..

سكت صالح الشيخ وفي عينيه علامات تعجب كثيرة....

قلت: ابو فيصل الفزعة الفزعة دبر اموري والله اني جايك ابي فزعتك لأني متاكد

ما تخذلني..

قال: والله ما بيدي شيء ولا أعرف أحد في وزارة الماليه(طبعا بدا على وجهه علامات الاحراج)

وبعد ان يئست وفقدت الامل... قلت يعطيك العافية و السلام عليكم..


الله المستعان الله يعين الشباب على التاخير من تاخير لأخر..

وبعد ذلك بيوم دخلت على الوزير..... وهذي سالفة ثانية لازم أكتبها في موضوع مستقل

إن سنحت لي الفرصة باذن الله............


فواز العلي

• نشر عبر تويتر
• نشر عبر فيسبوك
• نشر عبر جوجل