مساعده ضروري

هلا بك أختي
شفت موضوعك وما حبيت أمر بدون ما ارفعه

وبجاوبك باللي أعرفه وبيفيدونك أكثر الشباب أن شاء الله:

Void Cheque

هذا يعني شيك ملغي: يعني أول ما تفتحين حساب بالبنك بيعطيك شيكات مؤقتة وبعد أسبوعين بيعطونك دفتر شيكات, وهالشيك بيكون مكتوب فيه من تحت رقم حسابك والراوتنق ننمبر, فالملحقية يبون هالرقمين عشان يعرفون منها حسابك عشان ينزلون مكافئتك عليه ..
فأنتي تاخذين شيك من اللي عطوك البنك وتشخطين عليه بالنص وتكتبين عليه ملغي بالخط الكبير على الشيك كله عشان ما أحد يقدر يستخدمه وتكتبين بعد عليه بالأنجليزي (void) يعني ملغي وترسلينه للملحقية ..


Degree Copy

هذي أتوقع وماني متأكد أنهم يقصدون فيها صورة من درجتك العلمية, يعني صورة من وثيقتك

Specialization Enrollment Letter

هذي يقصدون خطاب قبول جامعي بالتخصص اللي أنتي رايحه عشان تدرسينه .. يعني إذا عندك قبول مشروط أو غير مشروط ترسلين لهم صورة من هالقبول ..

Decree

هذا قرار الأبتعاث

ESL Enrollment Letter - A new dated letter stating that you are currently enrolled


وهذا خطاب قبول اللغة اللي عندك, يبغونه بتاريخ حديث يبين فيه معهدك أنك حاليا مقبوله فيه, يعني لو كان عندك معهد لغة تروحين لهم وتطلبين منهم خطاب موجه للمحلقية السعودية أنك عندك قبول بهالمعهد, أو لو كان قبول المعهد اللي عندك تاريخه قريب أرسلي لهم صورة من الآي توني وتكفي


أتمنى أكون أفدتك وبرضو فيه بعض الحاجات ماني متأكد منها وإن شاء الله يصححون لي الشباب لو كان فيه شي غلط

والله يوفقك