في بلد الابتعاث .. وابغى أجل البعثة ..؟؟

والله شوف ياخوي

محد في هالدنيا من أول يوم يتأقلم وينبسط
لازم تواجه صعوبات
وأيام شديدة وقاسية وعدم ارتياح
لأن البيئة تغيرت عليك 180 درجة

لذلك حتى لو أجلت البعثة ورجعت بعد 6 شهور راح ترجع وتبدا بداية صعبة !!

كل شي في البداية صعب

لكن نصيحتي لك اقطع ايامك بحاجتين
1- القرب من ربك في الصلاة والقرآن
2- الاندماج مع المجتمع الي حولك

روح وشارك في نشاطات المعهد وخلك معهم ( لزقة ) وين مايقولون بنروح قل ابروح معكم
العائلة الي تسكن معها اندمج معهم
شوف زملائك السعوديين الي هناك والعرب يعرفونك على أسرار الدولة والمدينة الي أنت فيها ومخارجها ومداخلها
غير كذا انغمس في الدراسة ترى الدراسة تنسيك الوقت

الله يفرج همك وييسر دربك ودرب كل مبتعث
هذي نصيحة أخ لك لأني مااعرف طريقة تأجيل البعثة لكن الي اعرفه إنهم معقدين وفي الوزارة والله فيه ناس يعاملونك كأنهم مطلعينك تدرس على حسابهم ومن جيوبهم الخاصة شوي ويطسك !

الله يوفقك وعط نفسك فرصة شهر ونص وشوف وش وضعك اهم شي شيل فكرة الإلحاح الي ببالك عن تأجيل البعثة