للي جاب قبوله بنفسه..وطلع قراره

جزاك الله خير اخوي عالرد............ يعني ماتخلص في نفس اليوم....... الله المستعان.......

يب اخوي mressam007

كم يوم اخذت من يوم ما سلمتهم الفيزا والاوراق بالظبط؟


على اساس ابغى احسب حسابي ! اجلس في الرياض ولا اسلمهم الاوراق وارجع؟

وبالمناسبة ينفع اسلمهم الاوراق بدوام المساء؟


وشكرا

نسيت سؤال واحد , كيف تعرف انهم انهو الاجراءات ؟ وتروح تستلم التذاكر؟ هل بتجيك رسالة ولا اتصال ؟ ولا تروح بنفسك وتشوف؟

يا شباب هدو اعصابكم , يوم تروح الوزارة ادخل على دكتور الجبيلي و قوله انا من خارج العاصمة و ابغى اعتمد قبولي و اطلع القرار ترا يراعيك لأنه طيب ابن حلال , هي الشغلة و ما فيها مجرد ادخال اسم الجامعة في النظام و تصوير نسخ من القبول اللي عندك و تختيمها للاعتماد و بس يعني شغلة ما تاخذ دقايق , و بعدين قلت لكم جهز معك :

1- صورة من الآي تونتي
2- صورة من القبول ( المختم عليه انه معتمد )
3-صورة من اول صفحة من الآي تونتي اللي عليها التوقيع
4- صورة الفيزا
5- صورة جواز السفر
6 - صورة الهوية

و روح الصالة دبس اوراقك و عطها الشايب البقمي , و كلها ثاني يوم و قرارك صادر حتى يمكن بنفس اليوم بالعصر , كيف تعرف شيك على متابعة الطلب و تلقى مكتوب تم طباعة القرار ,

يعني الشغلة حقت يوم واحد بس تجلسه هناك و بعدين تستلم قرارك و تروح الميزانية توقع التعهدات بعدين الاتصالات و بعدها تقطع تذاكرك من الطيار و الف مبروك و عقبال التخرج

جزاك الله خير اخوي ماقصرت والله..........

بس نفسي اعرف انطق اسمك صح.......

تحياتي

انا بعد ما اعتمد لي القبول
طلب مني اوراقي كلها مره ثانيه
وقال لي تابعي موقع الوزاره متابعة الطلب وخلال ييومين راح يصدر لك قرار

وفعلا بعد يومين شيكت الموقع وصدر لي القرار ورحت الوزاره استلمه واعطاني معاه ورقة التعهدات وكانت لازم تتوقع من الوالد
ورجعت بعدها بيومين سلمتها لهم وقالوا لي تعالي بكرا حق امر الاركاب
ورحت اخذته وبعد كم يوم اخذت التذاكر من الاخ فايز


يعني السالفه مشاوير طويله عريييضه كان بأمكانهم يختصروها بكم يوم بس هذا اللي صار

<< شافت التذاكر ونست التعب

بالتوفيق للجميع

ميرسيه بينك........على قولتك كان بإمكانهم يخلصوها في واحد يوم ...........

وحسبنا الله.....