LinkBack URL
About LinkBacks
واللـــــــــــــــــه تسلم متصدق اني احتريك من الصبح تسلم كفيت ووفيت ....ومن جد الولد باين عليه اخلاق....لكن شغلة الواسطه ذي والله هم.....بس معقوله شغلة المقابله ...معقوله يخذوا مع 4000طالب على كذا بتكون المقابله زي مواعيد السفاره
7 " 
لقائي مع مسـئولي الوزاره والاجابه الشافيه على اسئلتكم عن الابتعاث..مهم جدااا..
لقائي مع مسـئولي الوزاره والاجابه الشافيه على اسئلتكم عن الابتعاث..مهم جدااا..
تنبيه: هذا الموضوع قديم. تم طرحه قبل 6551 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- مقابله مع الوزاره ؟؟؟؟؟7 "
ههههههههههههههههههههههههههههههه
اجل يلا من الحين يعطونا الرقم عشان نبدا نحجز !!!!!
و الله حااااااااااله .. اذا كان الواحد ياخذ مواعيد بكذا راحت البعثه خلااااااااص
باينه الشغله انها يبغالها واسطه و خلاص !!!!
مشكووور على الموضوع .. - 7 "يعطيك 1000 عافيه اخوووي ملك ..على الاسئله اللي وضعتها ..ويعطيك العافيه على الجهد الجباار اللي قمت فيه
الموضوع ..مازال محير .. ومصطلح يصررررف متكررر دائماً..وياخوفي من باكر
الله يعافيك ويطولي عمرك ماسوينا شي بخدمتك يالغالي - 7 "
مشكور ملك والله يعطيك العافية
صراحة اسألتك في الصميم ومعتقد انه في احد بعد مايشوف الموضوع يسأل ...
والله لا يحرمنى منك
الله يعافيك ويطولي عمرك
وحنا بخدمه الأعضاء والاخوان والاخوات اللي بالمنتدى
ومشكور على مرورك وتشرفك بردك الكريم - جزاك الله الف خير بس عشان تعرف كيف التصريف الي صرفونا هو في اخر اسبوع تري فنانين في التصريف شكلو المعجل اخد دكتوراه في التصريف ماقصرت اخوي7 "
- 7 "إذا انطبقت عليهم الشروووووووط!! المشاركة الأصلية كتبت بواسطة ملك المشاعر[SIZE="4"][COLOR="DarkOrchid"]
السؤال:ماوضع من خلص اوراقه كامله مع الفيزا وينقصه خطاب من الوزاره للسفاره؟
الجواب:الى الان لم يحسم امرهم بالوزاره ولكن المتوقع يقدمون من جديد بالشروط ومسوغات الابتعاث الجديده واذا انطبقت عليهم الشروط يجيبو اوراقهم كلها وياخذو قرار ابتعاث واحتمال كبير هذا اللي بيصير والمفروض ان تكون لهم الاولويه بس ماظن
أوراقي جاااااهزة أربعة شهور وما عندي خطاب السفارة وماعندي واسطة ما لك الا البعثات الجديدة!!!
والحين لازم تنطبق علي الشروط ..وين صارت هاذي يا عالم يا ناس!!
الوضع في هذه الوزارة وضع مخجل والله العظيم!!
أقسم بجلال الله أني كنت في الاسبوع قبل الماضي في الوزارة واحنا جالسين ننتظر الدخول على مدير البعثات الحميضي كانت الواسطات داخله طالعه تتوقع أوراقهم ويمشون واحنا نتفرج!!
وانا الحين اوجه النداء لكل ضحايا خطاب "البطيخ"
للتعاضد معاً وأيجاد الحل والا ضعنا وضاعت حقوقنا في البعثة!
أناديكم .....أما من مجيب؟! - انا مامعي خطاب النحس ونت برضو ياملك انا ارى انا نتجمع سوى ونروح سوى لمكتب الوزير وندخل عليه واذا شافنا سوى بيمشونا وتقفون تجمعوا سوى7 "
- الله يعطيك العافيه7 "
مللك المشاعر
كفيت ووفيت
بس تصدقون ماعطونا جواب شافي عن اللي مكمل أوراقه ولا نقصه الا الخطاب المنحوس - يعطيك العافيه ملك والله ملك على اسمك7 "
الله يوفقك ويكتبلك مافيه الخير ان شاء الله
بس عندي سؤال اذا قدرت تجيبلي اجابته
انا عندي قبول وفيزا بس ماعندي لا ضمان ولا خطاب ويوم رحتلهم قالوا لي مع البعثات الجديده
والحين يقولون غيروا المسوغات
سؤال هو هل الالتحاق با البعثه زي قبل ولا تغير ؟
لا هنت يا الغلي
مغليك
May 17th, 2006, 10:32 PM
السلام عليكمكيف حالكم ياشباب
ادري انكم تنتظرون اللقاء والله اني رايح تعبان وقلق ومواصل واول مره اروح للوزاره مع اني من الرياض بس بصراحه ماكنت اتشرف اروح لوزاره فاشله الا وربي لاجلكم ونشوف وشنهايه مشاكل الوزاره وكان اللقاء مع الاستاذ/زامل العثمان ومقتطفات من الدكتور المعجل
دخلت الوزاره الساعه 9 تماما
ووصلت مكتب الاستاذ زامل العثمان والا قدامي خمس طلاب صياح يعني اصواتهم طويله وقلق وجيت سالت واحد قلت الاستاذ زامل وين احصله قالي سم قلت انت قال نعم؟ قلت عندي كم سؤال الله لايهينك بخصوص الابتعاث قال والله مشغول قلت بس محترم الرجال قالي مو مشكله انتظر ياملك وراح للدكتور هو عنده اشغال وزحمه وانا جالس قلت للي جنب الزامل ياخي انتم ليش ماتنسقون من السفاره ماتعطي فيزا الا للي معهم خطاب ؟؟ وانلخم وسكت هههه قال واحد من الجالسين والله مايقدرون يفرضون على السفاره شي ههههههه حدهم الطلاب احس ذا الولد قافله معه قلت ياملك ياواد اسكت لاتسوي مشكله هي بليا الاعصاب نار خخ وكان فيه شخص الله يعينه السفاره قاللته معك 40 يوم اذا ماجبت الخطاب من الوزاره للسفاره تروح تاخذ موعد جديد ومقابله من جديد والمشكله انه سوى المقابله زي مايقول عند كاونتر8 وكان يضحك الامريكي بس عقده عند الخطاب..
المهم قلت اخطف نفسي لوكيل الوزاره قبل اللقاء مع الاستاذ زامل اشوف وشقصته واجلس وانتظر الوكيل وادخل عليه وقلت بالله عندي سؤال يحدد مصير الكثير قال وشو وشو خخخ يبي يلخمني بسرعه قلت طيب شوي شوي الله يسلمك ترا توني ماسالت وانت على طول وشو وشو خخخخ ابتسم وقالي تفضل قلت الحين اللي مخلص اوارقه والفيزا وماباقي له الا الخطاب وشبي.... بكمل كلامي قالي الاسبوع الجاي بتنزل شروط ومسوغات الابتعاث الجديد الاول انتهى بالامره خلاص قلت يادكتور لو سمحت خلني اكمل سؤالي للاخر قالي لاتكمله مايحتاج البرنامج الاول انتهى والاسبوع الجاي بتنزل شروط ومسوغات الابتعاث الجديد قلت يعني نجدد او بالاحرى نطلع ظمان مالي جديد ونجيب اوراقنا وناخذ قرار ابتعاث قالي وشدراك يمكن حنا مانطلع ظمان مالي يمكن البرنامج الجديد حنا اللي نراسلكم بس ومانقبل انت تجييب جامعه قلت مو معقوله؟ هذا مو نظام قالي الا حنا بكيفنا هه احس الوزاره وزارته ياشيخ المهم قلت سؤال اخر البرنامج الاول اللي جاب قبول المعهد من ولايه والجامعه من ولايه ثانيه قالي انتهى البرنامج الاول خلاص قلت ياخي بسال قالي مالك حق تســأل..؟؟ قلت كيف مالي حق قال ايه مالك حق قلت طيب الف شكر.. والله ان مامرمطتك بالجريده ماكون ملك خخخ مسوي شنب على الطلاب..
المهم قلت ياملك روح لزامل بس وشوف فضى والا لا
وانتظر عند زامل لين جا
وتبدأ تنهال عليه الاسئله من كل صوب وحدب
السؤال:هل الابتعاث قدم الى تاريخ 28/5/1427؟
الجواب:نعم ولكن الى الان لم ينزل في الموقع شي رسمي
السؤال:ماوضع من خلص اوراقه كامله مع الفيزا وينقصه خطاب من الوزاره للسفاره؟
الجواب:الى الان لم يحسم امرهم بالوزاره ولكن المتوقع يقدمون من جديد بالشروط ومسوغات الابتعاث الجديده واذا انطبقت عليهم الشروط يجيبو اوراقهم كلها وياخذو قرار ابتعاث واحتمال كبير هذا اللي بيصير والمفروض ان تكون لهم الاولويه بس ماظن
السؤال:طيب مافائده الخطاب اللذي يعطى من الوزاره للسفاره هل هو ظمان مالي يظمن البعثه وهذا ماقاله ال الشيخ؟
الجواب:قال لا والف لا الخطاب هذا لتسهيل اجراءات الحصول على الفيزا فقط واذا حلصت على الفيزا ماتحتاجه ابدا اما كلام ال الشيخ فهذا تصررررريف بس لاتقوله ياملك هههه طبعا ضحك
السؤال:هل ستتغير الشروط ومسوغات الابتعاث الجديده؟
الجواب:يمكن وفتح ورقه جنبه يوجد بها على ماظن انها شروط ومسوغات الابتعاث الجديد وقال لم تتغير ولكن سيكون فيه تقنين في الاختيار شيئا ما مثلا احتمال تكون فيه مقابلات للي بيروحون بس مش اكيد يعني ماراح يكون مثل الابتعاث السابق لان الوزاره لم تظع في الحسبان الكم الهائل اللي قدم عليها ولخبط اوراقها
السؤال:الدكتور المعجل يقول بتنزل الشروط والمسوغات الجديده الاسبوع القادم؟
الجواب:يصرررفك
السؤال:وشوضع الطلاب اللي اخذتم شهاداتهم وكل شي قبل اسبوعين وليس معهم خطاب من الوزاره للسفاره هل ستعطونهم قرار ابتعاث كما وعدهم صالح ال الشيخ؟
الجواب:لا مالهم الا مع البرنامج الجديد واللي قالهم انها بعد اسبوعين يصررررفهم بس
السؤال:وشالحل مع اللي ناقصهم خطاب فقط؟
الجواب:والله مالهم حل الا مع البرنامج الجديد يقدمو من جديد واذا انطبقت عليهم الشروط يجيبو اوراقهم ونعطيهم قرار ابتعاث بس الى الان لم يحسم امرهم واذا تبي يحسهم امرهم اكتبو بالجرايد وصدقني ياملك من بكره بيعطونكم
السؤال:ماشأن اللي معه خطاب يدوي من الوزاره للسفاره هل يأخذ قرار ابتعاث؟
الجواب:شأنه شأن اللي مامعه خطاب يعني ماله اي فائده لازم يكون نازله على الموقع بس واللي اخذ خطاب يدوي هذا بس علشان تتسهل اجراءاته لكن الوزاره تعتمد اللي نازله على الموقع الخطاب بس
السؤال:سمعت كثر عن الواسطات والاستثناءات وشقصتها؟
الجواب:معك واسطه تمشي امورك والله..والله ياخ ملك فيه ناس مامعهم ثانويه راحو ابتعاث السنه في المرحله الاولى بالاستثناءات من وكيل الوزاره وغيره طبعا مسئـولين كبار اما انا موظف..
السؤال:وشوضع اللي قالت له السفاره جيب خطاب علشان نعطيك الفيزا؟
الجواب:مستحيل نعطيه خطاب الا باستثناء من وكيل الوزاره وطبعا يحلم ياخذ من وكيل الوزاره شي فلا يتعب نفسه ويروح وينتظر واخر شي يصررفه وينتظر مع فتح البرنامج الثاني
السؤال:كم عدد الطلاب اللي سيبتعثون عددهم مره يقولون 2000 ومره 4000 لامريكا هل هي عدم مصداقيه من الوزاره؟
الجواب:كيف عدم مصداقيه طبعا لا..ياخ ملك العدد اصلا 7000 طالب4000 لامريكا
3000 لدول الشرق
اما العدد لامريكا فهو للسنه اللي قاتت 5000 وللسنه هذي 4000 حسب خطه الوزاره وميزانيه الابتعاث ولكن مع الظغط الهائل من الطلاب السنه اللي فاتت ابتعثو 7000 طالب والمفروض 5000فقط والاصل السنه هذي 4000 ولكن احتمال يحطونهم الفين لان الالفين اللي نقصانهم من البعثه القادمه هم من ابتعثناهم سابقا علشان ميزانيه الابتعاث وكلام الوزير قبل اربع ايام في الصحف انهم 4000 لامريكا وانشالله يبقى هذا العدد.واتركو كلام الجرايد مره 7500ومره مدري كم
السؤال:ماهي دول الشرق؟
الجواب:الصين..الهند..اليابان..كوريا الجنوبيه..نيوزلندا..استراليا..ماليزيا..سنغافوره
وفي النهايه امل من الله اني وفقت الى ارضائكم في الجواب الشافي هي هذه الاسئله مع انسان صريح جدا ولاقصر معي
اخوكم:gr_906:
ملك المشاعر
للتواصل maged_k_s_a2003@hotmail.com