هل الوزاره مسئوله عن احضار القبولات الجامعيه لمرحلة الدكتوراه

أهلا أختي.. والله ارتحت يوم لقيت أحد بيقدم دكتوراة معايا..
وأنا حاسة بمعاناتك في القبول لإني حست بقوة ..
أنا كنت أظن إن الوزارة تجلب قبولات معهد فقط..
عشان كذا بديت أقدم على جامعات أمريكية عسان أجيب قبولات لنفسي..
لكن لمن أرسلت للوزارة أسألهم بخصوص بعض الجامعات المعترف بها،، ووضحت لهم إني أبغى أجيب لنفسي قبول
كان رد الوزارة كالتالي:

" أختي الفاضلة.. بالنسبة لحصولك على قبول الدكتوراة في دولة أمريكا
سوف تتكفل الوزارة بشأن القبول الدراسي ..
فعليك إجراء الأمر الأول.
التسجيل وحصولك على رقم طلب وترشيح نهائي فقط.."


شوفيني وقفت عملية التسجيل في الجامعات..
قلت خلي تقديم الوزارة يخلص وبعدين أبحث عن الموضوع أكثر..
مع كذا قلت خليني أوريكي ردهم يمكن ينفعك..

وبالتوفيق أختي..

الوزارة ماتوفر لكم قبول

الماستر بعضهم حصل على قبول ليس الجميع

النظام ينص على ان طالب الماستر والدكتوراه مسؤول عن احضار قبول لنفسه وفيه تعميم بهالخصوص

http://wwww.mohe.gov.sa/ar/studyaboa...Pages/001.aspx

هذا الكلام عارفينه يا أخي دوح البلابل من زمان ..
لكن إحنا نتكلم عن رد الوزارة على سؤالي.. لإن جوابهم كان واضح،، وعن احتمال أن يكون لطلاب الدكتوراة في أمريكا حالة استثنائية..
لأن معظم طلاب الدكتوراة ما يحتاجو معاهد لغة لإن معظمهم درس ماجستير باللغة الإنجليزية..
راح ناخذ التوفل والله يسهل لنا..إذا جابت لنا الوزارة قبول الله يعطيها العافية وإذا لأ .. ما قدامنا إلا نشد حيلنا..

شيري عارفه انا دارسه الماستر في امريكا و دحين ليه سنه و شويه وانا احاول احصل على قبول دكتوراه مالى لاقيه

لانو مشكلة قبولات الدكتوراه في امريكا انهم يطلبو منك اختبار جيمات او اختبار جي ار اي شرط من شروط التقديم على الدكتوراه والدرجة المطلوبه 550 لكن المشكله لو في طلاب جابو علامه اعلا من المطلوب يختاروهم انهم يدرسو عندهم يعنى العمليه منافسه

والجامعه ما تقبل اعداد كبيره لبرنامج الدكتوراه في امريكا............ علشان كده انا مره خايفه نفسي اختار امريكا بس خايفه ما اقدر اجيب علامة الاختبار فاهمه و التقديم للدكتوراه في امريكا مره في السنه فاهمه يعنى لو فاتك التقديم تستنى سنه كامله

بس مالى عارفه ايش الدوله اللي اختارها علشان ادرس الدكتوراه ......... الحلو في استراليا ونيوزيلندا انهم ماعندهم اختبار الجيمات ولا اختبار الجي ار اي اهم شيء المعدل عالى وبس

ما ادرى انا لو اضمن انو الوزاره هيا اللي تجبلنا القبولات الجامعيه على طول اختار امريكا بلا منافس ........ بس المشكله ما اضمنهم
ما ادرى انتى ايش رايك

ما شاء الله عليكي،، طالما الماستر من أمريكا أتوقع إن فرص قبولك أعلى من غيرك..
أنا بقول لك إيش ناوية أسوي..
بختار أمريكا كخيار أول.. وبحاول أختبر توفل وجي أر إي الفترة الجاية قبل ما يسكر التقديم بالجامعات الأمريكة..
وبقدم في عدة جامعات (8 - 10 جامعات)..
والجامعات اللي اخترتها يتراوح مستواها من قوي - أعلى من المتوسط - متوسط - أقل من المتوسط..
وأشوف القبول من فين يجيني ..
ولو لا سمح الله الوزارة وافقت تبتعثني على أمريكا بس ما جاني القبول خلال المدة المحددة راح أغير الدولة..

انتى ناويه تطلعي دكتوراه في ايش ....... يعنى ايش راح يكون تخصصك ان شاء الله

عارفه انا ايش افكر ........ انا مو محتاجه لغه الحمد الله فأنا قلت مو فترة اللغه سنه انا قلت ادخل معهد كابلن في امريكا و ادرس الجي ار اي لأنو هذا المعهد مختص لتحضير الطلاب لهادى الاختبارات و بعد مرور ثلاثه شهور دراسه ابدأ أدخل اختبار الجي ار اي كل شهر ألين أجيب علامه حلوه وأبدا أراسل الجامعات في امريكا........... لأنو انا جربت راسلت جامعات كتير وأغلبهم قالولى لازم اعيد اختبار الجي ار اي يبغو علامه 500 و اعلا فاهمه........ ايش رايك في تخطيطي

و الجامعات في امريكا لبرنامج الدكتوراه ما يطالعو في اوراقك لو ما كانت كامله يعنى ماعندهم قبول مشرووووط

وأنا أقول لك لا يهمك كلام الوزارة والصحيح الكلام اللي في التعميم

يستحيل ان توفر الوزارة القبول للجميع. قد يوفر لبعض التخصصات فقط

ناوية آخذ الدكتوراة في الفيزياء النووية.. وأقسام الفيزياء بالجامعات الأمريكية معقدة بقووووووة وشروطها تجيب المرض..

تصدقي !! مرررة عجبتني فكرتك.. ما جا على بالي أدرس هناك الجي آر إي..

تصدقي بفكر أسوي زيك لو ما اجتزت الاختبار هنا من السعودية.. لإن مررررة نفسي أدرس بإمريكا..

لإني كل ما أراسل جامعة (حتى لو كانت من الجامعات اللي ماهي قوية ومعروف إنها تمنح قبول مشروط) يردو عليا ويقولو للأسف الدكتوراة شروطهم غير!
حاسة فيكي والله ..