منهو هذا اللي في مركز القبول وتعامله زي الزفت؟

June 20th, 2007, 06:54 PM

السلام عليكم ورحمة الله
سؤالي يا اخوان
اول ماتدخل الغرفة اللي فيها الدكاترة, (نبيل وجماعته) اول ماتدخل,, منهو اللي في اخر شي على اليسار؟؟؟ (بينه وبين مكتب نبيل الراجح طاوله في الزاوية الثانية!)
واحد حليق وتعامله الله يكرمكم, نفسه دايم خايسه
انا ماسبق وتعاملت معه (بس دائما اشوف تعامله مع المرجعين زفت), اليوم يوم رحت بطلع قرار الابتعاث قالو لي رح صدق القبول , دخلت على هالمكتب رحت لنبيل عطيته الاوراق وقلت ممكن تصدق القبول؟ اشر بيده على هذا الشخص "مدري هو دكتور ولا لا", رحت له وقلت له ممكن تصدق القبول؟
طالع فيني بطرف عينه, وقال تشوفني مشغول؟؟؟
"طيب وش دخلني فيك مشغول ولا لا, انت هنا علشان تنجز شغلي لي مو تقول مشغول؟؟ "
قلت له الدكتور نبيل قال لي تعال هنا؟
قال متى قال لك؟؟ "وهو يقولها حسيت اني اتعامل مع مدرس ابتدائية!"
قلت توو, قال لا لا ماعليك منه رح له او شف اي واحد ثاني؟؟
رحت لواحد ثاني اللي مكتبه اول ماتدخل يكون بوجهك "ابو عوارض, رجال وسبعين الف نعم فيه "
قام باقل من دقيقة خلص اوراقي "واخونا الاول مشغول بمدري ايش!"

انا نفسي اعرف منهو هذا؟؟
هو الحربي ولا الحارثي ولا مين؟؟
بس متاكد انه دكتور, وياحسافة شهادة الدكتوراه اللي ماعلمته الذوق وكيف يتعامل مع الناس
للأسف بعض عساكر المرور لما تراجعهم وهم اللي مامعهم الا ثانوي تعاملهم افضل منه بمراحل, وهم اللي ماطلعو من الرياض (حتى والله موظفي مركز القبول الشباب افضل منه, مرة كنت بستلم قبولي وقمت اسولف مع الموظف اقول له الجامعة في ولاية والمعهد في ولاية, قام يضحك يقول تراني ماعمري طلعت من الرياض لاتسالني عن هالامور, وكان يمزح معي وقال لاتنسانا من دعوة حلوة ) <= حتى هالموظف الصغير عرف كيف يكسب الناس وهالدكتور مافيه خير؟
, وان كان تعامل العسكر زفت فلانلومهم لأن هذا مستواهم التعليمي
لكن شخص امضى سنوات من عمره بالخارج واخرتها يرجع لنا بمستوى اخلاقي يترفع عنه حتى اقل عسكري بالمرور, فهذا والله اللي بلانا



الله يعسر على امثال هالدكتور اللي مطول الامور هي قصيرة ومعقد الناس
يعلم الله اني طلعت من الوزارة وفي نفسي شي من هالدكتور, الى هالدرجة صارت صعبة الابتسامة وقولة كلمتين حلوة تكسب فيها قلوب الناس؟؟

• نشر عبر تويتر
• نشر عبر فيسبوك
• نشر عبر جوجل