كارثه

إن شاء الله خير
بصراحة الوزارة ماهي فالحه الا في حرقان الدم والمشوره على الفاضي "من جد هذا عمل وزارة الاول "

والله والله نفسي أفش غلي في الوزارة , بس ماني عارف كيف وجاه على بالي امس وانا جالس في صاله المبتعثين كيف بس الواحد يحرق الوزارة واللي فيه عشان يستريح ويأخذ حقه , بصراحه ماعندهم أي تخطيط ولا استراتجيه وكل اللي شغالين هناك أخذين الشغله سبهلله وفهلوه ولما تكلم أح فيهم تحاول تشرحله الوضع يقولك أنت بتعلميني شغلي لأنهم هم في الأساس مو شغالين عشان سواد عيوننا وما يهمهم مصلحت المبتعث كل اللي يهمهم ينفذ القرارات اللي عندهم وبس ذي الرجل الالي , لاعندهم استعداد يطور نفسهم ولا يبتكروا ولاحتى ينظروا لمصلحت الطالب , كل مبتعث واجه مشاكل وعانى كثير وكلها متشابهه وبتصب في النهاية في مجرى واحد لأن نقاط الضعف وحدة واللي المفروض انهم يعدلوا فيها واللي أهمها ان مو كل المبتعثين من منطقة الرياض فقط وخاصة ان بلدنا كبيره عريضه ومو كل مبتعث قادر كل يوم والثاني وهو ناقز للرياض عشان يحل مشكله من مشاكل البعثه مع الضغط في حجوزات الطيران وما يلزم السفر من مصاريف سكن وتنقلات وأنا أتحدى اذا ما كان كل مبتعث حصل على قرار الابتعاث ماصرف مبلغ لايقل عن 10 الى 15 ألف ريال عشان بس يحصل على البعثه , يعني بصراحة الوزارة لازم تنظر لدي النقطه وتعمل مكاتب مختلفه لمركز القبول في مختلف مناطق المملكة ولا تقل عن عشره مكاتب وكل مكتب مسؤل انه يفر لطلابه القبولات المطلوبه ويتابع مع المبتعث أدق التفاصيل , وأما بالنسبة للقبولات فبصراحة حرام يجلس كل طالب فترة لا تقل عن 3 شهور عشان يحصل على قبوله وأنا متأكد لو المبتعث اتيحت له الفرصه ان يجيب قبوله بنفسه راح تكون في وقت أقل لكن المشكله والمصيبه أن أي قبول عشان يعتمد لازم تعقد لجنه ولازم يتبهدل المبتعثه وبعدها احتمال يوافقوا ولا لا وبصراحة من السلبيات اللي بتضيع الوقت على المبتعث وبتكركب الاعمال فوق بعض وتعمل ضغط هو اجتماع اللجنه وعدم المرونه في اتخاذ القرارت وكل واحد يحاول يرمي بلاويه على الثاني لأن مافي لوائح واضحة المعالم كل مين بيجتهد على كيفه , وفي النهاية اللي بيتلعن أبو جده المبتعث , ولما تقفل في وجههم يروحوا متخذين قرار ومطيرين المدير العام وداه موضوع تاني عويص يحتاج لشرح الى ماله نهايه , عموما نتمنى ......نتمنى أنهم يعرفوا حجمهم الحقيقي ولو مو قادرين على المسؤليه يتركوها لغيرهم عشان يريحونا ويرحوا نفسهم .

الله يعينك اخوي ...

والوزارة ماعندها الا حرقة الدم .. حسبي الله عليهم

الله يكون في العون .

عندك حق اخوي في كل الي قلته بس عندي سؤال
انا مقدمه على حاسب ماستر وماجابو لي الوزاره والحين جبت لنفسي اداره اعمال وبروح السبت اعتمده بعد بيعقدو علي اجتماع علشان يعتمدوه او لاء ؟!!!

و الله الوزارة ياخي الكريم اخطاءها كثيرة و المشكلة انه حين يأتي الخطأ من قبل المتقدم يوبخ و يحاسب و ربما تلغى بعثته و لكن حينما تخطئ الوزارة فلا حياة لمن تنادي و لا حسيب و لا رقيب يعني بالعربي " اذا مو عاجبك دور لك جهة ثانية تبتعثك " و كأن الابتعاث مذلة و كأنهم يستغلون سلطتهم علينا متناسين ان الملك اطال الله في عمره امر ببتعاث ابناءه و معاملتهم كسفراء لهذا الوطن لكن للأسف .. و الأخطاء كثيرة حتى انا اخطأوا في قرار ابتعاثي اكثر من خطأ و لم اجد من يتجاوب معي لأن الخطأ من عندهم بالتالي سيبررون اخطأهم و لن تجد أي شخص يساعدك في هذا الموضوع و حسبنا الله عليهم ... لكن اخوي الافضل انك تسافر الآن قبل يغيروا آرائهم و الحق مكانك طالما ان اول سنة عبارة عن لغة و من ثم جيبلك القبول اللي تبغاه حسب التخصص اللي تريده و حول عن طريق الملحقية و كان الله بعونك ...

حسبي الله ونعم الوكيل .......

تخبط الوزارة وعشوائيتها في التنظيم وغياب الرقابة عليها وكل السلبيات اللي فيها هي شي قديم ومعروف من بداية ما اخترعوا شي اسمه التعليم العالي ...!
لكن والله كان بودي إنك استشرتي أي شخص له تجارب سابقة عشان تتفادين المشاكل المتوقعة والمعتادة... أعتقد كان من الأفضل لو خلصتي أمورك بنفسك من ناحية القبول .. لأن هم وراهم آلاف الطلاب اللي ملزومين بخدمتهم -ولو كانت خدمتهم سيئة- .. فـ 30 حالة بس حصل فيها أخطاء بالنسبة لهم رقم قياسي
الله يوفقك أختي ويسهل أمرك ..

أنا ما أتكلمت في الموضوع داه على اساس انه موضوعي لحالي أنا بأتكلم على أساس انه يوثار هو ومواضيع أخر في المنتدى ونحاول بطريقه أو أخرى نوصل صوتنا للوزارة , ومو عشاننا احنا بس عشان شعب بأكمله ولا احنا موضوعنا يعتبر منتهي بس الواحد مايحب يشوف الغلط ويسكت عليه وبالذات اذا كان عنده غيره على بلده وحب لمكلها اللي ماقصر وفتحلنا باب البعثات ..........وشكرا