ابي اقدم على بعثة بس خايفة ( الرجاء المساعدة )

السلام عليكم ,,

اختي ميموزا حياك الله بمنتدى مبتعث وبالعكس احنا يشرفنا خدمة اخواننا واخواتنا ....

اولاً : صلي صلاة الاستخارة وماخاب من استخار ..

ثانياً : اختي انتي قدمي على البعثة هذي السنة وانتي منتي خسرانة حاجة ان جات حياه الله وهو توفيق من الله سبحانه وتعالى وان ماجات لعلها خير .. اهم شي لاتفوتين فرصة التسجيل في الابتعاث لان كل سنة تتضيق من ناحية اعداد المبتعثين ..

ويمديك تغيرين محرمك في اي وقت ... يعني لو سجلتي المحرم اخوك ,, وانخطبتي وزوجك وافق على البعثة في ذيك الساعة يمديك تغيرين المحرم .

اهم شي صلي الاستخارة وماخاب من استخار ..

والله يوفقك ويكتبلك اللي فيه الخير ..

اختي توكلي على الله وسجلي وانشاء الله مايجي وقت السفر الا وقد تزوجتي،،،،،،،،

السلام عليكم ورحمة الله وبركاته




اختي الكريمه :

الحقيقه قرأة موضوعك عدة مراة ،،، لاني شعر بأنك تكتبين تكتبين افكارك كما تدور في عقلك .... وهذا شي قل ما اجده في المواضيع الاخرى..ت

راح احاول اكتب افكاري بنفس الطريقه التي استخدمتيها انتي

1- مشكلتك شقين الشق الأول في نظري وهو الاسهل ،،، ما يتعلق ببلد الإبتعاث البلد الي راح تدرسين فيه ،،،،، انتي متردده و خياراتك زي ما ذكرتي تدور على (امريكا و بريطانيا و كندا و استراليا) واضح من الخيارات انك تبحثين عن الدول المتقدمه التي تتحدث اللغه الانجليزيه. وهذا الشي في حد ذاته يعتبر نوع من انواع الحصر و التحديد ،،، بشكل مختصر انتي استبعدتي عدد كبير من الدول ،،،،،،، وهذي الدول الي ذكرتيهم هي نتيجة التصفيه..

* إذا انتي طلعتي بقرار اولي يحتاج شويت ترتيب فقط///// استمارة طلب البعثه فيها مكان لثلاث رغبات ،،، إذا انتي تحتاجين انك تستبعدين دوله من الدول الي تدور حولها خياراتك و كذلك تحتاجين ترتبين الدول الثلاث الباقيه .

الان نأتي لمرحلة دراسة الخيارات و تفحصها و تمحيصها ،،،، لديك (امريكا و بريطانيا و كندا و استراليا) معايير ممكن تستخدمينها (نظام الدوله ، الأمن ، مستوى الدراسه و أسلوبها ، نوعية المجتمع او طبيعة الشعب ، المسائل الماديه) ترتيبك للمعايير اكيد و حتما لابد يكون مختلف عن ترتيبي ،،،
من ناحية الانظمه يعني سهولة الاجراءات في التعامل مع الجهات الرسمية و غير الرسيمة هناك او صعوبتها ، كذلك يدخل تحت ذلك العقوبات و نوعية المخالفات (يعني مثلا هل شرب الدخان في الأماكن العامه مخالفه ، وهل العقوبه شديده ام اجراء عادي).
من ناحية الأمن وهذه النقطه واضحه ولكن للتوضيح اكثر ،، (هل الحياه هناك يكتنفها شي من الرعب و الخوف المستمر هل يخاف الانسان من الخروج في المساء بدون صحبه او لا، علاوتاً على ذلك ما يتعلق بالممتلكات هل يخشى عليها من السرقه طوال الوقت ولا فقط في بعض الاماكن و بعض الاوقات.
من ناحية مستوى الدراسة ،،، كذلك هذا المعيار واضح جدا ولكن اوضحه اكثر ( يعني الدراسه صعبه ولا سهله ،، نظام الدراسه سهل ممكن تنقبلين في التخصص على طول ولا لازم اختبارات كثيره ، القبول في الجامعه لازم اختبار توفل ولا انهاء مستويات معينه في معهد اللغه يكفي)
من ناحية طبيعة الشعب (المجتمع) واضحه جدا ما راح اوضحها.
من ناحية المسائل الماديه ،،،، يعني هل الحياه في ذلك البلد غاليه جدا بحيث لا تكون مكافئة الابتعاث كافيه في ذلك البلد (بريطانيا) من هذا النوع اغلب المبتعثين يشتكون من الغلاء بشكل ملحوظ.

هذه المعايير بإمكانك تطبيقها على الدول الاربع و ايضا تستطيعين انك ترتبينهم بالشكل الي يناسب اولوياتك ولكن كنوع من المساعده وهذا راي شخصي راح ارتب الدول على طريقتي

من ناحية السمعه بريطانيا بسبب غلائها انا استبعدها. لذلك يكون لدي ثلاث دول وارتبهم على الشكل التالي
امريكا
استراليا
كندا.
وهذا الترتيب راي شخصي.

من ناحية عمرك الان وحالتك الاجتماعيه وهنا في هذه النقطه يمكننا ان نخوض في بحر متلاطم من الفلسفات.
انتي بما إنك ذكرتي فكرة تتزوجين ثم تروحين للدراسه فهذه فكره رومنسيه ناتجه عن احلام يقظه و احلام منام كثيره في بحر الزواج بزوج رائع بكل المقاييس على غرار ما كان وما زال يدور في ذهني عن نفس الفكره الذهاب للدراسه انت وزوجتك و تكون شهر عسل طويل و دراسه

لكن واقعيا وبحكم انك بنت وبحكم عاداتنا و تقاليدنا كشعب وبحكم اني واحد من هذا الشعب ، وبحكم رجولتي وبحكم اني عايش افكار الجنس الاخر الي انت قد لا تستشعرنها ،،، أقول لك راح تتعبين على بال ما تلقين رجل تستطيعين انك كزوجه انك تصيرين مسيطره عليه او بشكل ابسط تقنعينه بأفكارك إلا وهذا استثناء كبير إلا اذا كنت من اهل جده فهناك انفتاح في الافكار و تساهل في التعامل مع المرأه على عكس المناطق الاخرى حيث الرجل هو الطرف المستبد، خصوصا و الموضوع الي تتكلمين عنه دراسه في خارج المملكه يعني (بشكل مبسطه صراع عنيف داخل لدى الرجل يوافق ولا لا مع العلم ان الكلمه الاولى هي لا وهذا تحت عنوان كبير جدا جدا (((( للأسف لا..... مبدئيا ومن ثم لا ... والسبب انتي عوره و انتي شرف وانتي كرامتني كيف اخليك تطلعين وهذا شي صعب )))) وانا كرجل متفهم لهذا الموضوع ولاني خضت صولات وجولات في هذا الباب و المضمار ما اقدر اقول لك في هذا الباب الا لا تلومين الرجل اذا قال لا ،،،،، لان لا هنا كلها خوف عليك اكثر من انها لا صلافه و رجعيه و عنجهيه وهذا حقيقه انها لا خوف على المرأه من صروف الدهر ونوائب الحياه و غدر الزمن في بلاد الغربه .............. وحل هذا الباب انك تكونين هناك تدرسين واذا خطبك اي احد من حقوقك كمرأه انك تشترطين عليه اي شرط وهو في حال انه وافق ملزم الزام تام و قاطع انه يطبق الشرط و يحافظ عليه ،،، انت اذا انخطبتي اشترطي انك تكملين دراستك وفي هذا الحال اذا هو وافق لن ولن ولن ولن ولن (((يستطيع)))) يقول لك اتركي الدراسه ولا خلينا نرجع لانه في حال ما قدر يجلس معك هناك قدامه حلين يا يجلس معك غصب او يخلي واحد من اخوانك يجلس معك وهو يرجع وفي كلا الحالتين انتي تكملين دراستك،،، لكن لو تزوجتي ممكن تدخلين في دوامه سبق توضيحها.

احاول اخلي كلام اكثر تركيز انت تقولين ااجل البعثه للسنه الجايه يعني معك سنه ،،، المرأه تنخطب في 99% من حالات الخطبه ،،، والي يخطبها هو الرجل يعني أنت ما راح تبحثين عن رجل لا انتي خلال هذه السنه راح تنتظرين رجل يبحث عنك ويخطبك ويكون من النوعيه الي مستعجل يعني الصيف الجاي يبغى يتزوج وممكن يكون واحد رايق و يبغى يتزوج بعمد ما يأسس نفسه سنتين وضيفه وإلخ ................ ((((( يعني لو انتي قلتي راح ابحث عن رجل يناسبني وهذا موب عيب ولكن هذه عادات المجتمع كان قلت لك العمليه سهله ،،، لكن بما انك راح تنتظرين فهذا شي يخض للحظ و النصيب بشكل كبير))))) إذا احسن لك لو تروحين هالسنه....

من وجهت نظري فقط لا اكثر ولا اقل يعني في الاخير كل الكلام السابق مجرد وجهة نظر وهي اقرب للخطأ اكثر منها للصواب...

وهي مستنده على خبره في العادات و التقاليد الاجتماعيه ......

بشكل مختصر

الدول على الترتيب
أمريكا
استراليا
كندا

تروحين تدرسين ثم تتزوجين وتشترطين على زوجك تكملين دراستك....

النقطه الاخيره ،،،،،،،، (يقول المثل العربي مقابل الجيش و لا مقابل العيش) .... بروح اتعشى و اكمل افكاري بعد العشاء


مع فائق احترامي و تقدري لك .....
متردد

قدمي على البعثة هذا السنة ما عندك غير صلاة الاستخارة في اختيار الدولة
ما عندك عذر في حكاية العريس ادعي ربك سواء كان في بعثة او لا اذا جاء النصيب ما احد يقدر يقول لا
والله يوفقك

صلاة الاستخارة من اجل دولة الابتعاث ،،،،،

الله يوفقك و يزوجك