اول شي وحدي الله يالغلا
ثاني شي بيني وبينك نفس السالفه صارت لواحد من اهلي كان يدرس في الجامعه الامريكيه في لبنان وايام الحرب ابوه شال فكره يكمل دراسته بنفس البلد وطلب تحويل الى دوله اخرى وتعقدت الامور كل مره يرفضو وعلى كلامه الاسباب ماهي مقنعه ابدا طبعا هالكلام عن طريق المراسله
يقولي طلعولي شيب من ردودهم الغبيييه ...وحجز وسافر للرياض طبعا مع ابوه ودخل عالوزير وشرح له الوضع بالكاااامل ويقول ماطلعت من الوزاره الا والموافقه بيديني والحمد لله هو الحين في بريطانيا واموره تمام
يعني الزبده هالاشياء ماتنفع معها لا مراسلات ولا اتصالات خل ابوك الله يحفظه يسافر للرياض وانشالله مايرد الا وامورك مخلصه
ثاني شي بيني وبينك نفس السالفه صارت لواحد من اهلي كان يدرس في الجامعه الامريكيه في لبنان وايام الحرب ابوه شال فكره يكمل دراسته بنفس البلد وطلب تحويل الى دوله اخرى وتعقدت الامور كل مره يرفضو وعلى كلامه الاسباب ماهي مقنعه ابدا طبعا هالكلام عن طريق المراسله
يقولي طلعولي شيب من ردودهم الغبيييه ...وحجز وسافر للرياض طبعا مع ابوه ودخل عالوزير وشرح له الوضع بالكاااامل ويقول ماطلعت من الوزاره الا والموافقه بيديني والحمد لله هو الحين في بريطانيا واموره تمام
يعني الزبده هالاشياء ماتنفع معها لا مراسلات ولا اتصالات خل ابوك الله يحفظه يسافر للرياض وانشالله مايرد الا وامورك مخلصه
December 29th, 2010, 04:18 PM
السلام عليكم ورحمة الله وبركاته ،،،والله ماني عارفه كيف ابدأ قصتي ،، كل اللي اعرفه ان مستقبلي الدراسي ضاااع وانهدمت احلامي وطموحاتي كلها بعد رفض الوزارة لطلب تحويل بعثتي
الشكوى لغير الله مذله ،،، بس انا بحكي قصتي يمكن احد عنده حل او يقدر يفيدني
القصه بدايتها قبل 4 سنوات تخرجت من الثانويه العامة ،، وحلم طفولتي ادرس طب بشري واكون اكبر جراحة << مثل معالي وزير الصحة دكتور الربيعه
المهم قدمت في جامعة الملك سعود وماوفقت في القبول لعدم اجتيازي المقابله ،،، السبب قالوا لي انتي هادئة والطب مايبغى له هدوء !
تأزمت نفسيتي ولكن قدمت بعدين على بعثات المتميزين ،، والحمدلله حصلت قبول ،، كنت مقدمه على البحرين بس مافي اماكن وقبلوني احتياط ،، ولما رحت اقدم اوراقي قالوا المكان اللي باقي لبنان فقط وفيها جامعتين العربيه والامريكيه ،، اختاري وحده واخترت الامريكيه لأن حلمي اتخرج من امريكا عشان دراستهم افضل واكون طبيبة ناجحه بإذن الله ،،،
المهم رحت لبنان على خير والحمدلله ،،، واكتشفت ان الجامعة ازفت منها مافي والمعاملة زفتتتته ووضع البلد أبدااا مايطمن بخير ،،، ومره من المرات صارت حرب اهليه ونزلتنا السفاره عن طريق سوريا لأن المطار كان مسكر ،، وكان الوضع مخييييييييييييف جدااااااااااااااااااا وكنت على الخط مع اهلي في السعوديه يعني الفاتورة كسرت ظهر البابا بسبب هاليووووم المشؤووم الله لايعيده
قبل ماابدأ بشيء بقول لكم ان الجامعة دراسة الطب فيها على النظام الامريكي يعني اول شيء بكالريوس احياء 4 سنوات ،، بعدين طب 4 سنوات ،،، وقبلها سنة اللغه يعني المجموع 9 سنوات ،،، ولكن بعثتي 8 سنوات كانت فقط! ،، بدأت 2007 وتنتهي 2014 م
المهم كلمنا الملحق الساابق ،، الله يسامحه ،، وقلنا له ان بعثتنا ناقصه سنة ،،، قال مو مشكلة قبل ماتخلص بسنة قدموا طلب تمديد وبسهوولة تتمدد مش من الحين تمددوا لازم في الاخير ،، واحنا صدقناه ومشينا على كلامه وياليتنا ماسمعنا كلامه :@
المهم قال لنا الملحق السابق ان التحويل للسعودية مفتووح او لأي بلد آخر ،، فقط لطلاب لبنان عشان الوضع المأسآآآوي للبلد ،، قدمت تحويل لجامعة الملك فيصل ،، وبعد سنة ردوا ان الطلب مرفووض ،، والسبب اني بعثه مايصير اروح ببلاش الحين ،،، طيب الحين لما خلصت سنة اللغة وجاني الرفض على الفيصل ،، قدمت على جامعة اهليه على اساس بنتحول من بعثه الى منحة ،،، قدمت على كلية ابن سينا بجدة وطبعا التفكير ياخذ سنة ،، لما خلصت السنة التحضيرية (سنة 2 في لبنان) جاني الرفض واني بعثه مااتحول لمنحة ولازم اقدم على دولة اخرى وبتحول ،،،
المهم تأزمت مش عارفة اعمل ايش ،،، بعدين في بنت جابت لها قبول من جامعة الشارقه وقدمت تحووويل للبعثه ،،، وتم رفض تحويلها والسبب ان الجامعة الجديده اقل مستوى من الجامعة الحالية!!!
فعرفنا ان موضوع النقل كلام فاااضي ،،، وكلمنا الملحقية بخصوص وضع الجامعة وان المعاملة زفته ويرسبونا ومحنا مستفيدين شيء ،،، غير الهم والغم ،، وقالوا لنا حاولوا تنقلوا على امريكا عشان نفس النظام والجامعات هناك مستواها اعلى من جامعتكم والمواد بتتعادل لما تروحوا امريكا فقدموا على امريكا ،،،
او الخيار الآخر ،، وهذا كان كلام الملحق السابق الله يسامحه ،،، قال ظلوا في لبنان وقبول كلية الطب مضموووون اضمنة لكن مليوون بالمئة وراوانا ورقة مكتوب فيها ان السعوديين حالة خاصة ومقاعدهم محجوزة في كلية الطب ،،، وقال لنا ترى في امريكا مو مضمون قبول الطب اذا ماجبتوا علامات عالية في الاحياء ،، فأقتنعنا بالكلام واستمرينا بعد في الدراسة على امل ان قبولنا مضمون (ظليت سنتين زيادة يعني سنة 3 و4 في لبنان) ،، قبل نهاية السنة 4 ،، تطلع نتائج قبول كلية الطب ،،، طبعا انا لسة باقي لي سنة على اخلص الاحياء لأن اول سنة لغه وتالي 3 سنوات احياء وبقى سنة ،،، بس الدفعة اللي قبلنا خلصوا الاحياء،، فقدموا على كلية الطب وعلاماتهم نازلة طبعا بسبب وضع الجامعة اللي اشتكينا منه وقالوا لنا الملحقية مو مشكلة وكل الامور اووكي ،،، المهم الدفعة ماانقبل منها ولا شخص!!!!!
والكل تشرشح كيف كذا وكلموا عميد القبول في كلية الطب ،،، قال انا مابيني وبين السعودية اتفاقات ولا لكم مقاعد محجوزة ولا كلام فااااضي !!
والملحقية وش كان ردها ،،،، كل واحد يروح يدور له قبول في جامعات اخرى او عيدوا مواد عشان ترفعوا درجاتكم وتنقبلوا واحنا مانقدر نسوي اي شيء !!
المهم انا بعد ماشفت كذا ،،، قلت مستحييييل اتخرج بشهادة الاحياء من جامعتي لأن اللي تخرجوا ابتلشوا مايقدروا يقدموا ماستر ولايقدروا يقدموا طب ،، لأن العلامات زفتتتته فماحد قبلهم وماهم مستفيدين بالشهادة وحل الوزارة لهم ان خلاص يرجعوا السعودية بشهادة احياء لاتفيدهم في شيء ولاتفيد المجتمع وبظلوا عالة على المجتمع!!
انا بداية هذي السنة مارحت لبنان وقدمت طلب تاجيل للبعثه عشان اجيب لي قبووول في هالفترة من امريكا ،، والحمدلله تأجلت بعثتي لهذا السمستر ،، وجبت لي قبول من جامعة اخوي ،، هو وزوجته مبتعثين في امريكا وجبت لي قبول في نفس جامعتهم ،، وقدمت على الفيزا وحصلت عليها بعد والحمدلله ،،، وبقى نقطة واحده وهي تحويل البعثه ،،
طبعا الملحق الساابق تغير والحمدلله ،،، والملحق الجديد ماقصر وحاول يخدمنا بقد مايقدر ،،، طبعا طلبات تحويل الدراسه من قبل كانت تنرفض من الملحقية ولاترفع للوزارة وهذا كلام موظف في الوزارة لأحد الطلبة وقال له شوف ماانرسل الطلب لنا من الاساس الملحقية اللي رافضة تحولكم مش الوزارة ،،،
الحين الملحقية وافقت على التحووويل والحمدلله ولكن صارت المشكلة في الوزارة
بس حصلت على القبول علطول قدمت تحويل في بوابة الطلبة المبتعثين ،، مع العلم ان بيعادلوا لي جميييع المواد وماراح تزيد سنوات البعثه غير سنة واحدة وهي السنة الناقصه (سنة اللغه اللي ماحسبوها من البعثه من الاساس) ،، وامس جاني الرفض من الوزارة وهذا السبب:::
عدم الموافقة على الانتقال إلى أمريكا حيث بدأت الطالبة دراستها الأكاديمية منذ أربع سنوات للانتهاء من بكالوريوس علم الأحياء ولم تنتهي منها بعد وطلبها الحالي الانتقال لإكمال نفس الدرجة والتخصص والذي يتطلب قرابة أربع سنوات أخرى
مادري من وين جابوا ان بتزيد 4 سنوات؟!!! انا لسة بعثتي باقي فيها 4 سنوات تنتهي 2014 م ،،، وغير كذا انا ماخلصت الاحياء لأن دراسة الاحياء 4 سنوات وقبلها لغة وانا صار لي 4 سنوات في لبنان خلصت اللغة و3 سنوت من الاحياء ،، فطبيعي اني بجيب لي قبول نفس التخصص احياء كيف اجيب قبول طب وانا ماخلصت الاحياء؟!! مافي احد ياخذ بكالريوس في 3 سنوااات فقط!!
وغير كذا انا حاطة لهم كشف المواد اللي بيعادلوهم ويشوفون ان المواد كلها بتنحسب يعني مابدرس احياء من جديد بس بكمله في سنة وصيف فقط ،،، طيب يعني حتى لو بتزيد ،، خلاص يكملوا بعثتي واللي يزيد لايدفعونه وال4 سنوات اللي ظالة لي من البعثه يصرفوها علي في امريكا بدل لبنان ،،، خصوصا ان محرمي في امريكا وبكون معه ومع زوجته في امريكا ونفس الجامعة
المشكلة ان البابا الله يحفظه ،،، مو قابل فكرة اني ارجع لبنان لوحدي خصوصا ان الكل يتنبأ بحرب كبيررررره وعظيييمه ،،، ومتخووف اني ارجع هناك بدون محرم ،، صحيح انا رحت بدون محرم بس الحين الوضع صار مخيف وبابا قال لي ياتروحين مع اخوك يااخوك يجي معك ،،،، واخويا مايقدر يجي معي لأن الجامعة الامريكيه صارت مو معترف فيها من الوزارة سحبوا منها الاعتراف ،،، يعني الحل الوحيد اني اروح معاه
والقبول وجاني والفيزا وجاتني والسكن وجاهز هناك مع اخويي وكل شيء جاهز مابقى الا احجز طيراان فقط لاغير ،،، وجاني رفض الوزارة وخسرني كل شيء
مع العلم ان دراستي تبدأ 10 جانيوري مابقى شيء عليها والمفروض اسافر يوم الاربعاء الجاي ان شاء الله كحد اقصى
مررررره متأزمه ولاادري ايش اسوي حراااام يضيع علي القبول والفيزا والدراسة تروح عليي خصوصا اني لو بأجل لازم على السمستر الجديد في شهر 8؟!! وش اظل اسوي في البيت طووول هالفترة وبعثتي ما أقدر أأجلها اكثر من سمستر
ياليت لو في احد يقدر يفيدني ولو بشيء بسييط ،، طووولت عليكم بالقصه بس حبيت افضفض شوي