ابي انسان صادق يوجهني

شوف يا عزيزي انا بقول لك الي انا اعرفة من واقع فرفرتي بهذا المنتدى ..

1 - بعد ما تخلص من تطبيقك و تستلم وثيقة التخرج .
2 - بسرعة البرق تروح لاقرب مكتب يجيب لك قبولات للجامعات + المعاهد .. لابد يكون معترف فيها
3 - تخلية مره وحده يجيب لك موعد للسفارة ( الامريكية - البريطانية - الكندية ) محل ما تبي .
4 - بعد ما تجيك الفيزة بإذن الله تحجز الطيارة
5 - بوجهك على امريكا و بالتحديد مطار دالاس - ستيرلنق - فرجينيا ( اتركك من الي يقول لك مطار واشنطن تراه بفرجينيا اصلا )
6 - تفتح ملف دارس على حسابة الخاص و تاخذ رقم الملف
7 - تدخل على موقع الوزارة و تقدم طلب التحاق بالبعثة
8 - بعد ما تقدم انسى الموضوع اصلا و شيك كل اسبوع او اسبوعين .
9 - اذا جاتك البعثة قبل ما تدخل الجامعه خير و بركة
10 - اذا ما جاتك بدري ، الملحقية ملزمة غصب عن عنيها انها تدخلك في البعثة اول ما ينزل جدولك لاول ترم في الجامعه .


غير كذا مافي شي ابدا و اتركك من كثرة البربرة الي في المنتدى ، اما عن المعادلة و غيرها فصدقني ماعندي اي خلفية تماما .

اما اذا معدلك ممتاز .. انسى كل الكلام الي فوق ، قدم على البعثة للمرحلة السابعة ، و الله يوفقك