خريجين جامعة الملك فهد للبترول والمعادن .. خلونا نفيد بعض ونستفيد

يمكنك تجاوز سنة اللغة اذا عديت اختبار التوفل انا زيك خريج البترول ونفس الاسئلة عندي كشف الدرجات باللغة الانجليزية ما ادري وش يبون بيه بالعربي وكيف نجيبه اسف اذا ما عندي الاجابات اخوي بس ودي اطلب منك طلب ولا تردني تراني مرة ضايع وما صدقت لقيت واحد من جامعتي
انا باقيلي اقدم الربورت حقي يعني مشروع التخرج عشان اتخرج والى الحين ماني قادر اخلصه والله ان نفسيتي زفت مني عارف كيف اخلصو انا قسمي ماركتنج تسويق تعرف اي احد ممكن يرسلي الربورت حقه بس اشوف الفكرة اكيد ما راح اكتب زيه تمام بس ودي اشوف الفكرة ومو مشكلة لو مافي تسويق اي ربورت ينفع او تعرف رقم احد يسويلي هوا ارجووك لا تردني

طيب اذا انت لسا ماتخرجت يا أخي الكريم مو خايف الوزارة تدري عنك وتلغي (لا سمح الله) موضوعك؟


في طلاب ثانوية قدموا ولسا ماتخرجوا والوزارة اعلنت اليوم انها الغت لهم ..


بما انك تسويق اسمعها مني .. لا تستعجل على شي واتخرج براحتك وروح اشتغل سنة (الف من يتمناك) وبعدها البعثة .. انا هذا اللي قاعد اسويه واتمنى يكمل على خير ..


بخصوص الريبورت فأنا والله من زمان متخرج ومخلص الريبورت وسويته في 4 اشهر ولا عجب الدكتور الا بطلوع الروح لانه كان جديد وكنت انا اول طالب تدريب عنده ..


ريبورت الكو اب تلاقي نسخه منه عند (حنيف) اطلبها منه في قسم التسويق .. واتبع الموضوع بالحذافير ..


هذا اللي انا سويته وربي اكرمني وتخرجت بعد معاناة 7 سنوات ..



اسأل الله ان يوفقك للي فيه الخير

لا انا ودي اطلع مع زوجتي مرافق يعني وانشالله يقبلوها وشكرا على النصيحة بس انا ودي لو اشوف ربورت جاهز عشان افهم الموضوع اذا ممكن وجزاك الله خير

للأسف ما عندي والا والله ما اقصر معك ..

بخصوص قبول الزوجة (كمرافقة) فممكن انت الحين تقدم لك ولها ويصير لو واحد منكم جاه قبول يصير الثاني مقبول (من الوزارة) ويتبقى بعد ذلك القبول من امريكا وهو ان شاء الله سهل

ترانسكريبت بالعربي!!
طيب وليه!!
وشهوله هالتعقيد
وليه مانكتب من بدري ضمن آلية التقديم مع بافي التعليمات واللي كتبوها مع بداية فتح باب التقديم!!
أخاف أروح للمسجل الضراب أقله أبيه ترانسكريبت عربي يقوم يضحك علي!! ما ألومه والله

من جد تخلف .. يعني احنا رايحين لدول اصلا ما تتكلم عربي .. ليش ترجمة كشف الدرجات بالعربي؟

يمكن عشان الموظفين في الوزارة ما يقرأون انجليزي؟ ممكن


عموما ننتظر ونشوف بعدين .. انا بصراحة شايل هم اروح ارجع هناك واشحذ توصيات من الدكاترة .. اكثرهم عيال 60 في 70 لو تموت ما يعطونك شي .. كانها بفلوس

يا شباب البترول انا قبلت في الجامعة تنصحوني اروح بعثة ولا اكمل دراسة مثلكم


تكفووون ردوا

بصراحة الدراسة في جامعة البترول صعبة ويبغالها التزام بالمذاكرة والحضور في الوقت للمحاضرات .. يعني مو لعب ..


راح تستفيد من تنوع ثقافات الدكاترة (أمريكا, بريطانيا, كندا, ماليزيا, الهند, الدول العربية) وغيرهم .. وراح تستفيد لغة قوية معك بعد التخرج ان شاء الله ..


نصيحتي اذا انت مو قد الأجواء الصعبة للدراسة ومو قد التحدي لا تدخلها والله يوفقك في اي ممكان ثاني ..


انا لو ارجع 3 ثانوي ما ادخل بعدها الا جامعة البترول .. مع اني طولت فيها سنتين زيادة بسبب الاستهتار أول سنتين دراسة.



الله يوفقك

اذا كنت متخرج من البترول .... اغلب جامعات امريكا راح تقبلك من غير توفل ...وهذا احدى مزايا جامعتي الحبيبة (جامعة الملك فهد للبترول والمعادن)

معلومة بسيطة لكل طالب متخرج من البترول (( ارفعوا راسكم جامعتكم الاولى على مستوى الشرق الاوسط لاخر تصنيف)) اضغط على اللينك

http://www.webometrics.info/top100_continent.asp?cont=meast