الأعضاء الإشتراك و التسجيل

الملتقيات
ADs

اليوم الاربعاء31 مايو 2006 سويت زيارة للوزارة(خذ العلم)

اليوم الاربعاء31 مايو 2006 سويت زيارة للوزارة(خذ العلم)


NOTICE

تنبيه: هذا الموضوع قديم. تم طرحه قبل 6512 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية U.R.P
    U.R.P

    مبتعث جديد New Member

    U.R.P غير معرف

    U.R.P , تخصصى مهندس تخطيط , بجامعة جامعة الملك عبدالعزيز
    • جامعة الملك عبدالعزيز
    • مهندس تخطيط
    • غير معرف
    • غير معرف , جدة
    • غير معرف
    • May 2006
    المزيدl

    May 31st, 2006, 04:34 PM

    السلام عليكم ورحمة الله وبركاته

    الدرس المستفاد من الزيارة ان لاتسمع من احد عن الاخبار حتى اذا كان احد من الموظفين بالوزار

    انا من خارج الرياض ومبتعث لامريكا ماجستير اخذت الفيزا يوم 15 مايو اي قبل اسبوعيين
    سالت يمين ويسار هل اقدر اخذ قرار الابتعاث قالو انسي

    قلت شفلك يوم تروح الرياض وتشوف وضعك لان صار كل واحد يفتى علي
    رحت للوزارة قسم الابتعاث بالصالة قابلت الشباب على الكوننتر شفت واحد من المبتعثين يقولوله مافي امل يطلعلك قرار ابتعاث (قلت حياك الله) بغيت اروح وصارت واخذا من قاصرها بس ايش دافع تذاكر وحده وفندق علشان تسمع وتشوف هالمشهد الدرامي بس جاني احساس ان اللي عالكونتر عبدا مامور وماعنده سالفة قلت اجرب سميت بالله وصارت هذي المحادثة بيني وبين ابو غترة بيضا(اش دعوه ماراح يغيرها )
    انا:السلام عليكم
    هو:وعليكم السلام شعندك(قالها بقرف ابن الاكابر والترف)
    انا: هذا رقم الطلب وابي اشوف اش وضعي
    هو:عطني رقمك(افا)
    انا:من اليسار لليمين
    هو:والله شوف احنا مانقدر نطلعلك قرار ابتعاث
    انا :طيب
    هو :شوف فلان الشيخ(اسمع بالرجال هذا من زمان وكل واحد يقول هذ الكل بالكل) يمكن يفيدك
    انا :طيب وين القاه
    هو: ماداوم(الكلام هذ صار حو الساعه 10:30)
    خلصت المحادثة*********** انتهى
    انتظرت وطلعت ادخن قلت الحين خلاص ارجع للفندق ولا انتظر الشيخ علشان يقولي نفس الكلام
    قلت بسوي فيها واصل سالت قسم الاتصالات الادارية :منهو الكل بالكل بهذ المكان
    اعطوني اسامي
    د.الحميضي
    .العثمان
    رحت لمكتب العثمان قابلت السكرتير قال في اجتماع عنده ولما بغيت اروح قال ترى هو باجازة ويجي بعد اسبوعي
    بديت اعصب من اسلوب التصريف الغبي قلت له طيب كيف عنده اجتماع وباجارة تمنيت يقولي اجتماع عبر الشاشة علشان اطلع متخلف والوزارة متطورة

    رد علي فال روح شف الدكتور ايهاب الرسن هو اللي بيفيدك ويعطيك المفيد
    سلا سلام
    رحت للدكتور ايهاب بالحسب الالي سلام سلام
    هذا رقمي وابي اشوف وضعي
    قال عطني اوراقك (والله ياشباب ان الدكتور ايهاب انسان محترم ويعطيك المفيد)
    شفته يركز على تاريخ اصدار الفيزا
    قال انت امورك ماشية
    (بغيت اقوله الله يسلمك)

    قال روح للشيخ وكتب ورقه مكتوب فيها امل مساعدنه للحصول على قرار الابعاث
    (احيانا الله يسخرلك ناس ماتقدر تقول الا سبحان الله والحمد لله)
    رحت للشيخ وقال هات اوراقك واخذا وقال تعال يوم الاثنين
    بس مادري ايش راح يصير يوم الاثنين بس المهم عرفت وين موقعي من البعثة

    اتمنى ان الله ييسر اموركم وبالتوفيق

    امنياتي لكم
  2. السلام عليكم ورحمه الله وبركاته اخوي urp ابشر والله جالك الفرج وانشاء الله القرار بيدك يوم الا ثنين لان والله ال شيخ انسان محترم والله انوانشاء الله راح ساعدني كثير مع واحد اسمه العبدلي اما والله الموظفين الباقين والله ممكن اكثرهم جالسين علي الكمبيوتر يشوفون الاسهم وهي موثره كثير في نفسياتهم والله يعين ولاكن انت عليك تروح يوم الاثنين للشيخ وقله ( مستقبلي معلفق في البعثه ) ومن الكلام هذا والله اتمني للك التوفيق وانشاء الله راح نشوفك في امريكا وتعزمنا علي عشاء وشكرا...................
    7 "
  3. ياجماعة الخير ابي اقولكم شغله يمكن تستغربو منها انا كنت جايب واسطه على اساس اني اطلع قرار ابتعاث بدون خطاب سفاره تدري الموظف الي كان بيتوسطلي وش يقولي

    يقولي تعالي في اي وقت ماعادا وقت سوق الاسهم يكون شغال

    على فكررررره ولله مافي احد يستحق منصب في هلوزاره الي القليل القليل

    الله يعين...
    7 "
  4. والله خبر حلو مره يا U.r.p

    ...وانشاء اللة يوم الاثنين ..مايصرفونك ويعطونك قرار الابتعاث...

    اتمنى التوافيق لك ولغيرك ..اللهم يسر امرك وامر الجميع ..قولوا آمــــــــين

    احترامـــــــــي وتقديــــــــــر
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.