رحت اليوم لتدقيق اوراقي وشوفوا اش صار معايا(بكالوريس)

September 11th, 2007, 01:10 PM

الحمدلله رحت اليوم دققت اوراقي بعد الشحططه اتيسر كل شيء(بكالوريس)
سلام ياجماعة كيفكم اش اخباركم؟
طبعا حبيت أسأل هل في احد راح دقق اوراقه والزموا عليه يجيب شهادة طبق الاصل؟
طبعا انا امس الاثنين انهيت كل اوراقي وكان بس باقي لي تصديق الشهادة من المدرسة الثانوية حقتي
طبعا رحت المدرسة مافيها مديرة والموظفات الله يعلهم مو راضين يختمولي الشهادة مره بحجة الغرفة مقفله ومره بحجة الختم في
الدولاب والمفتاح مع المديرة والمديرة رجلينها انكسرت بالمستشفى>>وطبعا كنت شايله هم اروح الفندق متأخر والقى زحمة فقمت
من الساعة6صباحاً((دوام مدارس)) وطبعا المدرسة مارضيت تختمها حاولت من هنا وهنا ورحت لتعليم البنات طبعا اعطوني تعميم
انو ممنوع تختم الشهادة طبق الاصل(( مشالله هذا وصحبتي قبل يومين كانت خاتمه شهادتها من نفس المدرسة بس لازم من حظي النحس))
:95:
بعد كدا قلت مافي غير اروح الفندق واجرب حظي النحس يمكن ربي ييسرها
ورحت الفندق الساعة 9.30ودخلت طبعا القاعة حقت التقديم فاضية وماكان فيها غير امكن3موظفات
اخذت الموظفة اوراقي وكنت انتظر منها بس تقلي شهادتك مش مختومة طبق الاصل ((زي اللي على راسوا بطحة))
واعطتني بينك فايل وعبيت البيانات ورتبتلي الاوراق وانا اعبي جات جنبي موظفة ووحده بنت
طبعا خاتمة شهادتها وكل شيء بس شهادة حسن السيرة والسلوك تبع البنت مش مختومة
الموظفة الثانية كانت جداً معقدة جلست تقلها شهادتك السيرة والسلوك مو مختومة والبنت من ينبع قالت لها معقوله ارجع تاني للمدرسة
بينبع واختمها
كان رد الموظفة بكل برود :والله ينبع تبعد عن المدينة ساعة تقدري تروحي وترجعي ماياخذ وقت لازم تختميها وهاتي جوازك اطابقوا وكرت العائلة
وكل التعقيد كان مع الموظفة التانية وانا انتظر الموظفة تبعي تكملي اوراقي والحمدلله كانت جداً سلسه وكملت اوراقي وعدلتلي بيانتي
وكل شيء والموظفة التانية كل شويا مطلعة للبنت خلل بااوراقها لكن الى كانت ماسكه اوراقي كانت تقلها خلاص مشي مشي مو
لازم هاتي انا اوقعلها اذا يحتاج الامر....:113:
والحمدلله الله يجزاها خير
مشت اوراقي الصور كلها حتى من غير ما تسأل عن كرت العائلة الاصل او جوازت السفر..
وكنت كمان خايفة من شيء تاني طبعا زي ماطفشتكم من اول اني كتبت نسبتي في الابلكيشن89وكنت خايفة يسولي كلام
الموظفة اصلا ماسألتني ليش غلطت بالنسبة وراحت عدلتلي هيا من عندها89.13وتخيلوا خرجت من الفندق ورجعت تاني
أسألها انها تعدلي النسبة قالت خلاص من اول انا عدلتها

الله يسعدها انشالله كنت والله جالسه على اعصابي واتوقعت اوراقي راح تنرد من كثر ماكل يوم اشوف واحد بالمنتدى
كاتب انهم معقدين وانهم طلبوا الاصول وانهم على اتفه البيانات يرفضوا والله العظيم التدقيق مااخذ مني10دقايق

*بس سؤالي هنا انا شهادتي مش مصدقة تتوقعوا لمن تروح الرياض تدخل في الترشيح ولا حيرفضوا لانها مو مصدقة طبق الاصل؟
وشكراااااااااااااااا

وعلى فكرة البنت الى جنبي كانت جايبه نسبة99.52بس هيا من خريجات عام1427-1426هجري وانقبلت في المبدئي
يعني اتوقع الشغلة شغلة الاعوام
:123:

• نشر عبر تويتر
• نشر عبر فيسبوك
• نشر عبر جوجل