نخيتكم لاتردوني

السلام عليكم ورحمة الله وبركاته
انا ضيفة جديدة دوبي اشتركت بالمنتدى (بصراحة لي سنتين اتابع مواضيعكم وردودكم و(فزعاااتكم ))الله يعطيكم العافيه ,,وحلمي ان اكون مبتعثة زيكم ماشاء الله لكن مانيل المطالب بالتمني وانا اشتركت بالمنتدى لانه بصراحه محد يقدر يساعدني الا انتوا ,,بالبداية اي انسان جاهل بالشيء الى أن يعرف به (صح ؟) وانا جاهلة بما يخص امور الابتعاث بالعربي وباختصار انا خريجة بكالوريوس احياء بمرتبة شرف واعشق الدراسة والعلم ونفسي اكمل دراستي بس صارت لي ظروف اعاقتني عن الدراسة وحلمي لازال وعندي امل احققه ((المهم انا من خريجات 1426هـ وكم مره قريت بالمنتدى بس للاسف مافهمت ماادري,,اللي ابيه منكم تردون علي على أني شخص لايفقه شيئا بامور الابتعاث يعني الف باء عشان امشي صح ((اولا : بالنسبة لها السنة 1432و1433هل بدأ التقديم للابتعاث لاني دايم ادخل موقعكم وموقع التعليم العالي ومافي شي بس جاني مسج ع الجوال يقول انو وزارة التربية تفتح لمنسوبيها الابتعاث هل هذا صحيح ؟ ولو انا حابة اسجل بالابتعاث من وين وكيف ؟ واشوف البعض يقول بالمنتدى لاتنتظر وراسل الجامعة وجمع اوراقك ((طيب اش اجنع وكيف اراسل اخاف اتوهق لانه كثير من صديقاتي اللي اعرفهم عن بعد ابتعثوا عن طريق برنامج الملك عبد الله هل لازم اقوم ببعض الاجراءات قبل قرار الابتعاث ..طيب يمكن اساسا ماانقبل وتعبي يروح ع الفاضي خاصة اني بمدينة وكليتي اللي تخرجت منها بمدينة اخرى واش معنى توصيات ؟ لازم اروح كليتي (كذا الشغلة صعبة ومن وين اترجم وثيقتي ؟ تكفون تكفون لاتهملوا مسجي وساعدوني الله يفرج همكم وحطوا نفسكم بمكاني وحبيت اسأل هل الطالبات السعوديات المبتعثات المتنقبات يتعرضوا لأي مضايقة لان حجابي حياتي وودي ارضي طموحي وارضي ربي قبل كل شي وتكفون ياالغاليين زي ماقلتلكم متى يبدأ الابتعاث واش اقدر اسوي قبل لايبدأ الابتعاث ؟ وع فكررررة انا باللغة مووو شيييي هل اقدر ادرس لغة ع حساب الدولة بعدين ابدأ بالماستر لاني قريت من شروط الابتعاث بصحيفة الوطن انه اجتاز التوفل ((على كذا ماراح اقدر ابتعث لانه الهدف من الابتعاث لغة صحيحة ودراسة تحققلي اللي اتمناه انتظركم بفارغ الصبر الله يثيب كل شخص يرد علي