الأعضاء الإشتراك و التسجيل

الملتقيات
ADs

وقفة مع أعضاء مبتعث << ترى العنوان منفر عارفة إنكم مارح تقرأو الموضوع

وقفة مع أعضاء مبتعث << ترى العنوان منفر عارفة إنكم مارح تقرأو الموضوع


NOTICE

تنبيه: هذا الموضوع قديم. تم طرحه قبل 6001 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية sooma1989
    sooma1989

    مبتعث مستجد Freshman Member

    sooma1989 غير معرف

    sooma1989 , أنثى. مبتعث مستجد Freshman Member. , تخصصى Engineering >> interior design , بجامعة USM
    • USM
    • Engineering >> interior design
    • أنثى
    • Penang \ Jeddah, west/ Makkah
    • غير معرف
    • Oct 2007
    المزيدl

    October 23rd, 2007, 08:54 PM


    ترى مانقول غيرالله يعين .. بس




    قلتلكم نحنا لازم نروح عند دكتور نفساني قبل ما نسافر ترانا تعبنا من كتر القلق وانتظار المواعيد الوهمية ..
    ...

    ...

    ...

    ...

    ...

    قال دكتور قال <<<< ترى نازلتلي مادة علم نفس ده السمستر ومن خلال الشوية اللي درستها الكم أسبوع ديه اقر بل أجزم بأنه حتى الدكتور النفسي ترى ما رح يقدر كمان يساعدنا ويفيدنا
    لأنه لما كان يدرس علم النفس ترى ماكانت موجودة مشكلة البعثات والضغوط والاضطرابات المصاحبة لها على أيامو
    يعني تراه مارح يعرف يقدر حجم المشكلة اللي نحنا فيها

    الدكاترة النفسيين اللي موجودين ديه الأيام تراهم مادرسوا في زمنهم مشكلة البعثات والضغوط اللي بنمر بيها ديه الفترة << ترى ده رأيي الخاص مين يأيدني ؟؟


    ترى وربي الضغوط اللي نحنا نعايشها ديه الفترة ماهي هينة <<< ترى ربي اللي مصبرنا <<< ربنا هو اللي جعل مبتعثي المرحلة الثالثة أكثر صبرا واكثر تحملا وجلدا دائما في وجه الصعاب

    ترانا حنخلي الصعاب ترضخ عند سماع اسمنا احتراما وتقديرا لمن وقف في وجهها يوما وتحداها رغم أنها المنتصرة دوما .. فليبدأ عهد التحدي الجديد ...


    فليكن هذا شعارنا [ الجلودين ]<< الجيل الثالث من متحدي الأيام الصعبة في عصر البعثات

    ترى ده عهدي بجميع أعضاء مبتعث ذلك فلا تخيبو ظني وظن بلدكم فيكم << خليكم قدها وقدود ..


    ترى عندي طلب غريب <<< تراه كمان في مكان غلط في الموضوع بس اسمعوا

    ترانا نبغى واحد من المبتعثين اللي بيننا متخصص في ده المجال إنه يساعد أخوانو وأخواتو اللي في ملتقى مبتعث ويعانو من ضغوط نفسية تراه راح يفيدنا اكتر من الدكتور حتى لو ما اخذ شهادة الدكتوراة بس على الأقل عايش معانا الأحداث وحاسس باللي نحنا فيه من غير مانشرح



    ترى يكون في لعلمكم ما في احد راح يساعدنا غير رب العالمين لا دكتور ولاهم يحزنون وإذا حاسس بضغط وبضيق قوم اتوضا وصلي ركعتين ولا أقرأ شوية من القرآن ترى ده اللي راح يريحنا ولا تننسوا تريحوا اهلكم يعني لا تزعلوهم ترى بر الوالدين ضروري وترى دعاهم لنا هوا اللي راح يفرج عننا بإذن الواحد الأحد ويزيل همنا واتذكرو انو دعاء الوالدين لأبنائهم من اهم اسباب النجاح والتوفيق في الحياة ..



    عارفين يا حقون الاشاعات لو إنكم ما أديتونا أي موعد واستنينا إلين ماربي يفرجها ترى أحسن من > الإشاعات واللعب في الأعصاب
    اللهم أرنا الحق حقا وارزقنا اتباعه <<< المواعيد الصجية
    وأرنا الباطل باطلا وارزقنا اجتنابه <<< قصدي الإشاعات




    كفاية اللي بتعملوا فينا


    ترى حرام عليكم يا أصحاب الإشاعات اللي بتعملوا فينا عارفة انه بعضكم نقلنا الخبر عن نية صادقة انه قصده يفرحنا بس تراه لما يحط خبر مهو مؤكد يورط غيره معاه ..<< تراه كده يأذينا من غير ما يدري ..


    يعني بالعربي اللي عندو خبر مهو متأكد منه 100% أو جاب الخبر من شخص أول مرة يقابلو تراك لازم تتأكد انه ده الشخص مصداقيته 100% قبل ما تكتب لنا حاجة << ترى الله رقيب عليك وممكن اللي تكتبه ينقلب عليك قبل غيرك



    ولأي أحد يحط اللوم كله على الوزارة عشان اللي فيه من حقه بس ترى برضوا الوزارة عندها اشغال تانية غيرنا ماتدروا كمان ايش ظروفهم ترى كل واحد عنده ظروف وترانا كمان لازم نكون مزوقين شوية ونعذرهم تراهم بيشتغلو عشاننا ترى لو ماكنا موجدين تراهم مارح يتعبوا نفسهم ده التعب كله الله يعينهم على اللي بيسوه عشاننا وعشان بلدنا الحلوة



    طفشتكم بكلمة ترى <<< بس تراني احبها

    حزروا كم مرة في الموضوع قلت كلمة ترى ؟؟؟



    ترى ان شاء الله موفقين << لاتشيلو هم حاجة << ولاتنسوا شعارنا يا شريحة مبتعثي المرحلة الثالثة



    مع تحياتي وفي انتظار ردودكم تراني على احر من الجمر
  2. هاي سوما مشكورة عالموضوع الرائع الطويل الى جلست اغش في قرائته بس فهمتو واكثر نقطة شدتني



    عارفين يا حقون الاشاعات لو إنكم ما أديتونا أي موعد واستنينا إلين ماربي يفرجها ترى أحسن من > الإشاعات واللعب في الأعصاب
    اللهم أرنا الحق حقا وارزقنا اتباعه <<< المواعيد الصجية
    وأرنا الباطل باطلا وارزقنا اجتنابه <<< قصدي الإشاعات




    ترى انا مره مقهورة من مروجين الاشاعات وال عندهم حس اهبل زي داك العضو الى كاتب موضوع تراها قربت وندخل نلاقي انو فقط من احساسو دخل الموقع ولقى خطأ مدري كم وقال انهم بيسوا صيانة وانو اكيد بيدخلو الاسماء
    ترى مره قهرني
    وفي غيرو كتير من الى اتصل على الوزارة ليش ياجماعة مستعجيلن على رزقكم مصير الحي يتلاقى وان ماكانت النتايج دي السن انشالله لو ربي احيانا حتكون السنة الجية وان ماكنت الجية الى بعدها خلينا كدا ترى الصبر حلو
    وفي واحد ايضا من الاعضاء يرفع الضغط كاتب موضوع انو النتايج بعد شهر او شهرين
    وموضوع تاني انو النتايج بعد 72ساعة الاخ حاسبها بالساعات مدري على ايش؟؟



    المهم ترى قلتيها شكلك عشرمية مرة ولونتيها بالاحمر شاطرة لو انا كان اتاكسلت تعرفي مافي شيء يستاهل الكلفة والتعب
    يلا سيا فريند سوما
    7 "
  3. مشكورة على المرور والتأييد

    وإذا على كلمة ترى وتلوينها بالأحمر عادي يعني أنا كم منتدى عندي عشان اتعب نفسي عشانو غير مبتعث يعني عملتها حركة للفرفشة والتسلية

    أظن موضوعي مارح يعجب باقي الأعضاء
    قصدي حقون الاشاعات بس الصراحة مواضيع الاشاعات تنرفز
    وأنا ما هجمتكم بس ياليت صوتي يوصلكم

    see you مراسيل العلم
    7 "
  4. حبيبتي سوما اي رد جاك مش حلو خذيها قاعده مني وكلمة الحق ماتزعل اعرفي انو.من مروجي الاشاعات........بس خليني ساكته وموضوعك حلو ورائع والى مو عاجبو يقص حواجبوا((كانت ينتف ههههههههههههههههههههههه))
    7 "


  5. ترى يكون في لعلمكم ما في احد راح يساعدنا غير رب العالمين لا دكتور ولاهم يحزنون وإذا حاسس بضغط وبضيق قوم اتوضا وصلي ركعتين ولا أقرأ شوية من القرآن ترى ده اللي راح يريحنا ولا تننسوا تريحوا اهلكم يعني لا تزعلوهم ترى بر الوالدين ضروري وترى دعاهم لنا هوا اللي راح يفرج عننا بإذن الواحد الأحد ويزيل همنا واتذكرو انو دعاء الوالدين لأبنائهم من اهم اسباب النجاح والتوفيق في الحياة ..

    هاذا الكلام صحيح يعني الواحد قبل صلاة الفجر يصلي ركعتين وبعده يسجد سجدة لله يدعي فيها بكل ما يبي خاصة أحنا الي ما ننام في الليل ، وبعدها يقوم يصلي الوتر على الاقل ركعة وحده .
    وعاد بعدها يجي يقلي ايش الفرق قبل الصلاة وبعدها .

    عارفين يا حقون الاشاعات لو إنكم ما أديتونا أي موعد واستنينا إلين ماربي يفرجها ترى أحسن من > الإشاعات واللعب في الأعصاب
    اللهم أرنا الحق حقا وارزقنا اتباعه <<< المواعيد الصجية

    وأرنا الباطل باطلا وارزقنا اجتنابه <<< قصدي الإشاعات

    هاذول الي يبغون يجنوني في هاذا المنتدى والله حرام عليهم

    في الاخير يعطيك العافية سوما على موضوعك الي أتمنى من الجميع قراءتة والعمل بما فيه .
    7 "
  6. المشاركة الأصلية كتبت بواسطة Basma-66
    انا احس اللي مشغول بشئ ماارح يعيش بضغط نفسي

    ومن رأيي كل واحد الحين يحط خطة مبدئية اش رح يسوي لو ما جاءته البعثة مو تشاؤم لا بس يكون عنده تخطيط في حياته

    وثانكس لصاحبه الموضوع

    ليت كل الناس مثلك !!!

    يا أخوان هناك كلمات ترددها تغني عن مليووووووووووون دكتور نفسي !!

    والله العظيم اني صادق تبغى تعرف وش دي الجملة


    تعال معايا
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    انزل تحت
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    علمنا رسول الله صلى الله عليه وسلم أدعية حري بنا أن نستعملها في النوازل والمصائب ومنها قوله عليه الصلاة والسلام

    ((ما أصاب أحد قط هم ولا حزن فقال: اللهم إني عبدك ابن عبدك ابن أمتك، ناصيتي بيدك، ماض فيّ حكمك، عدل فيّ قضاؤك، أسألك بكل اسم هو لك، سميت به نفسك أو علمته أحدا من خلقك، أو أنزلته في كتابك، أو استأثرت به في علم الغيب عندك أن تجعل القرآن ربيع قلبي، ونور صدري، وجلاء حزني، وذهاب همّي، إلا أذهب الله همّه وحزنه وأبدله مكانه فرحاً، قال: فقيل: يا رسول الله ألا نتعلّمها؟ فقال: بلى، ينبغي لمن سمعها أن يتعلمها)).
    7 "
  7. جزااااااااااك الله خير يا سوووووما ... و الله كثروا الاعضاء اللى يحذروا من كثرة الاشاعات .. بس اش نقول غير الله يهدي الجميع و يوفقنا ..

    و ترى اصلا كل اللى بيصير معانا دا .. من توتر و حرقة اعصاب هو اختبار من الله و ابتلاء فلازم نكون اقوى من كدا و نصبر و ان شاء الله ربي يرزقنا اللى نتمناه و اكثر ..

    اخواني و اخواتي في مبتعث الجميل .. اكثروا من الاستغفار و الدعاء باسم الله الفتاح ليفتح علينا في بعثتنا الجميلة و يفتح علينا في حياتنا ..

    شكراااا على الموضوع الرائع و الاسلوب الفلللللله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.