رسااااااااالة إلى أعضاء مبتعث من شووووق

يجـــــــــــــــــــيب الله مطـــــــــــــــــــر

ترااااااا الاعضاء ما ينلامون يعني هم واقفين على اعصابهم لاليلهم ليل ولا نهارهم نهار وفيه بعض الاشياء الي مستغرب منها
1- دامك تقولين ان عندك واسطه هناك وهو الي علمك النتيجه معناتها انه واصل لو هالكلام صحيح ليش ما جاب لك القبوول
2-كيف يعلمك النتيجه ليلة الجمعه لانه اجازه عامه ولو فرضنا انه علمك الاربعاء ما اظن بتتحملين يومين بعدها تكتبين لنا الخبر

3-لو فعلا تم رفضك اكيد بتصير نفسيتك تعبانه ولا اظنك رايقه تكتبين مواضيع وتردين على العالم

فعلاً كثير من الاعضاء قلوا ادبهم للأسف سواءاً في موضوعك او مواضيع اخرى .. ونتمنى انها فعلاً مجرد ازمة وتعدي وسببها تأخير الوزارة والتوتر النفسي وما يكون اسلوبهم دائماً بهذا الشكل ..

وانتِ ايضاً يا اخت شوق كان يفترض انك تعطينهم معلومة او توضيح لطريقة معرفتك بالنتيجة على الاقل ولا تزيدينهم حيرة وتوتر على ماهم فيه ..

وفي الاخير مهما حصل المفروض يكون عند الواحد ايمان بالله وبما كتبه وقدره ثم مبادئ وضمير حيث مهما استفز او توترت اعصابه ما يفقد السيطره على نفسه ويبدأ بسب ناس ما قصدته ولا قصدت تستفزه مثل ما حصل معك .. وانا منهم احياناً للأسف ..

وعذراً على الاطالة وشكراً ..

اختي ما عاش من يجرحج بس كلامج كله صج
تقبلي تحياتي

اسمح لي أخ saudi700 هالأسئلة مرت علي قبل كذا وما رديت عليها لسببين ..
السبب الأول لو فكرت فيها شوي كان عرفت الإجابة من حالك ...
السبب الثاني عدم رضاي على الطريقة اللي سألوني فيها >>>>> حسيت أني متهمة أمام المحمكة ..... ومع ذلك راح اجاوبك على أسئلتك :-

1- من قالك أن اللي جاب لي النتيجة ماراح يجيب لي القبول .. مو لأنه واصل وبس .. لأني بعد استاهل وتنطبق علي الشروط ...

2- النتيجة عندي من ليلة الخميس واعتقد فيه أمور شخصية كثيرة تأخرني عن كتابة الموضوع .أبسطها أن في حياتي ناس كثيرين أشاركهم مشكلتي قبل أعضاء المنتدى الموقرين .

3- عدم قبولي ما يعني أني انتحر ولا انهار واعتزل العالم ....... الحمدلله أنا طموحي ما يتوقف على بعثة ....

صدقني أنا لما كتبت الموضوع هذا مو لاني مقهورة أني ما راح أروح ( لأني مؤمنة تمام الإيمان أن ما في أحد يمنع عنك رزقك إلا اللي رزقك ) ولا لأني اتسلى واضيع وقت زي ما قال بعض التافهين... أنا كتبته بس عشان اوريكم أن كل شي جايز في زمن العجايب وأني مقهورة ليه اترفض وأنا مستوفية الشرووط ... وكل ما في الموضوع أني بكل عفوية وأمل في أعضاء المنتدى أنهم يشاركوني همي ويخففون علي كتبت هالموضوع بس للأسف اكتشفت أن الناس تغيرت وصار كل واحد همه نفسه وبس ......
والمفروض أننا نكون أكثر تحكم في أنفسنا وما نفقد أعصابنا واحترامنا للآخرين لمجرد أننا مضغوطين نفسياً .. لأن مثل هالمواقف تبين حقيقة الإنسان أمام نفسه وامام الناس ...

الحين الناس اللي من اول التقديم وهي تجيب الأخبار وتقول عندنا ناس نعرفهم ما عرفت هي مقبولة اولا


يجي واحد اسمه شووق 2004 ويقول ما طلع اسمي

طيب هاللي عندهم واسطات وراهم ما كشفوا اسماءهم وجو يبشرونن ويقولون

سأحكي لكم قصة حدثت الأسبوع الماضي وأقسم بالله العلي العظيم على صحتها حتى
يعلم الأخوة هنا أن المقدمين على الدراسات العليا فرصهم كبيرة في القبول وأن بعض
القصص الواردة هنا لاتدخل العقل ولايصدقها إلا جاهل أو أحمق أو من به مس من جنون :

أحد أقاربي خريج أصول دين ومعدله تقريباً 2.90 يعني أقل من المعدل المطلوب
رفض موقع الوزارة إدخال طلبه
فما كان منه إلا أن قدم على إحدى الجامعات البريطانية وأحضر قبول جامعة وقبول لغة
ثم استخرج فيزا وذهب بأوراقه كاملة للوزارة وعرضها عليهم وأخذوها وقالوا سنعرضها
على لجنة ونتصل بك فيما بعد
وفي الساعة الثانية من ظهر ذلك اليوم اتصلوا به وقالوا تم قبول طلبك
وتعال الأسبوع القادم لإستكمال باقي اجراءات البعثة من قرار ابتعاث وتذاكر وونحوها


وقد حدث مايشابه ذلك لأحد ابناء عمي أيضاً


وأقسم بالله على ذلك وأسأل الله أن يحرمني التوفيق إن كنت كذبت أو بالغت في القصة
بل قد تركت بعض التفاصيل المثيرة

ما أريد قوله أن على الجميع خصوصا طلاب الدراسات العليا أن يتفاءلوا خيرا
وأن الأمور سهالات إن شاء الله

بصراحة يا أخت شوق ما تستهالين وعوضك الله خيرا منها ولكن ودي أقولك انه ما أخترتي التوقيت السليم لطرحك موضوعك

رفضي وقصتك اللي ذكرتها أكبر دليل على أنه مع هالوزارة كل شي جايز وعجيب .......... وما أقول غير الله يخلف علينا دام هذا مجتمعنا