اصحاب المعدلات (جيد جدا وممتاز) لو كنتو خايفين ايش نقول احنا اصحاب الجيد؟؟؟؟؟؟

فاذر دومك تتفائل بتجيك ان شاء الله وبعدين معلومه لعلها تكون مقنعه بالنسبه لك ان النصيب الاكبر على حد علمي من البعثات للماستر اكثر من البكالريوس والدكتوراه فلا تشيل هم ابد وتفائل

القبول يعتمد على معطيات كثيرة , عدد المتقدين من اهمها ومعدلات اللي مقدمين .
صدقني مافي شي مضون بس الوزارة أو جهة العمل تعرف شي عن طموحك أو تعرف شي عن رغبتك في تحقيق ذاتك وانك تثبت للجميع انك قادر على النجاح وتحقيق الصعب ؟
أكيد لأ
بس الوزارة او جهه العمل مافي قدامهم غير سجلك الاكاديمي ومن خلاله راح يحكموا واكيد راح يفضلوا اصحاب المعدلات العالية .
كل واحد ياخذ على قد التعب اللي تعبه في الجامعة وهذه سنة الحياة

اخوي انا اتمنى منك التحلي بالصبر وذكر الله اولا .

لا تخلي البعثه كل تفكيرك انا قدمت على البعثه وخليتها ثانويه عشان ما يجيني صدمه لما اني ما انقبل . عشان كذا حول انك تدخل دورات مثل الحاسب او اللغه وهذي راح تفيدك في توفير فرصت عمل لكن انك تقول اصحب المعدلات العاليه المفروض ما يكون لهم الاولويه فأنا اخالفك الراي الان الهدف من البعثه هو تطورير العلوم و الثقافات واخذ النافع من عادات الغرب ليستفاد منها في البلد وافضل من يكون كفو لهذي الاشياء هم الطبقه الاكثر ثقافه وهم اصحاب المعدلات العاليه .

اتمنى لك التوفيق ولا ياثر عدم قبلوك في البعثه على مستقبلك وحياتك .

انا موافقك لدرجه كبيرة في مقولتك عزيزي لكن احب اوجهلك وللكل سؤال فكرول فيه وجاوبوا على ضوء تجاربكم الشخصية و تجارب كل من حولكم....

كم نسبة المتفوقين في الثانوية استمروا كما هم في الجامعه؟؟؟؟ والعكس بالعكس الى كانوا ضعفاء في الثانوية فشلوا في الجامعه؟؟؟؟

واحسب عليها عاد في السفر لمى يتغير عليك المجتمع وتتغير عليك الظروف هل ستظل كما انت عليه في بلدك ام ستتحسن ام تتدهور لا قدر الله هل الجواب على هذه الأسئلة هو المعدل؟؟؟

أم : الإحساس بالمسؤولية - الجدية - التأقلم والتكيف مع التغيرات المحيطه - تحمل مصاعب الغربه - والأهم هو الرغبة الملحه في الدراسه .

انا دوبي جاي من ماليزيا درست فيها 4 اشهر وخالطت الشباب السعوديين وشفت المرحلة الثانية ايش طلعت والله نسبة كبيرة رايحين سياحه وان الترم لسى في نصه وهم ماخدين حرماااان
لمى تسألهم ليش يقولك : فلوس وبتجيك فلة وبتفلها روحات وجيات مع الشباب سياحة ما تحلم بيها وماحد راح يسألك الا بعد مرور 7 شهور عالأقل!!!
والله على ما اقول شهيد وطبعا اغلبهم بكالوريوس وهندسه كمان وتخصصات جامده..

فكل اللي المفروض يصير قبل المعدلات والأمور الورقية والإدارية الخالية من الإحساس والعدل
ان الوزارة تجيب محللين نفسين متخصصين لعمل مقابلات شخصية تمحص المتقدمين وتفرقه الجادين واللي راح يرفعوا راس البلد من اللعابين .... لأن كل مبتعث سفير لبلده... وشكرا

واسف عالإطاله بس ودي اعبر عن ما يجول بخاطري..

ههههههه يا عزيزي جروح مين قال ان البعثه كل تف كيري(هادي دعاية جبنه)؟؟ انا باعتب على الشروط اللي بيها قصور وما بتقدم فرصه متساوية للكل ..... وبالنسبة للدورات انا عندي ولله الحمد درزن دورات وتوفل لغة انغليزية ومن خارج السعودية وفرصة العمل حكاية اخرى خليها في وقت اخر ثم اني كنت موظف بشركة كبيرة الا وهي (موبايلي) تركتها عشان اكمل دراسه يعني انا مو قاعد اتحسر او اني سلبي لا بالعكس انا اسوي المستحيل وفي غيري مليان

وافضل من يكون كفو لهذي الاشياء هم الطبقه الاكثر ثقافه وهم اصحاب المعدلات العاليه؟؟؟؟؟!!!:116:

لا اوافقك بنسبة 90% في هذه النقطه عزيزي على اي اساس بنيت كلامك انت عارف الفرق بين الثقافة والعلم؟؟؟انا عاذرك لأنه باين عليك خريج ثانوية . وغير كده انت لو درست في احدى الجامعات السعودية راح تعرف ان المعدل رهن بعوامل ما تقتصر على اجتهاد الطالب بل على عقلية الدكاترة ومعاملتهم وحظك تطب عند مين فيهم؟ الله يسامحهم بس..

هذا يعتمد على المدرسة اللي اتخرج منها الطالب , اذا جاب معدل عالي في مدرسة حكومية نسبة نجاحه في الجامعة اكبر من طالب اتخرج بنفس المعدل ويمكن اكبر بس من مدرسة اهلية , وانا ما اعمم هنا بس بشكل عام المدارس الحكومية اكثر عادلة من المدارس الاهلية
انا اوافق معاك في هذه النقطة الى حد ما , طلاب البكالريوس مو جاهزين لأنهم يطلعوا يدرسوا الجامعة برة بس مو الجميع فيه شباب بكالريوس مرة ماشيين صح ومن اشطر الطلاب في الدفعة وانا اعرف كم واحد . ومبتعثات البكالريوس عندهم فرصة في النجاح اكبر من المبتعثين لنفس المرحلة بحكم وجود محرم معاهم وخصوصا اذا كان الوالد او اي شخص عنده احساس عالي بالمسؤولية
بس الوزارة انتبهت لهذه النقطة وخصصت اغلب مقاعد المرحلة الثالثة لطلاب الدراسات العليا فصعبة انك تقول انه طلاب البكالريوس اخذوا مقعدك في البعثة علما بأني متخرج من جامعة الملك سعود تخصص محاسبة ومقدم على ماستر
فكرة المحلل النفسي فكرة ممتازة جدا جدا بس اذا كان عدد المبتعثين ما يزيد عن 20 شخص بس في حالتنا اذا طبقوا هذه الفكرة يمكن ما راح يخلصوا قبل 3 او 4 سنوات
وانك تقول انه معدل الجامعة غير عادل وانه المعدل يعتمد على عقلية الدكتور كلام فيه جانب من الصحة بس السؤال هو كم نسبة الدكاترة اللي زي كذا ؟ رأيي الشخصي ما راح يزيدوا عن 5% من مجموع الدكاترة اللي درسوك . بس صدقني اللي تعب وذاكر ودرس وسهر جاب معدل عالي حتى لو طاح مع كم دكتور بايخ .
وزي ما انا بأتمنى الخير لنفسي بأتمناه ليك وللجميع بس انت بشكل ما بتحاول تقلل من الشي اللي سويناه في الجامعة وبتقول انه المعدل معيار غير عادل وهذا الكلام غير صحيح

عفاك اخوي على التنوير انا اتقبل وجهات النظر واقتنعت بوجهة نظرك الله يعطيك العافيه و بالتوفيق .

فصعبة انك تقول انه طلاب البكالريوس اخذوا مقعدك في البعثة (حرام عليك لا تفتري)
فكرة المحلل النفسي فكرة ممتازة جدا جدا بس اذا كان عدد المبتعثين ما يزيد عن 20 شخص بس في حالتنا اذا طبقوا هذه الفكرة يمكن ما راح يخلصوا قبل 3 او 4 سنوات (كلامك غير صحيح وماله اساس من الصحه وهذه وزارة مو لعب يقدرو ينجزوا امور ما تتخيلها في وقت قصير ثم انه مافي غير محلل نفسي واحد يتيم حيجيبوه؟؟؟!! اسأل نفسك)
وانك تقول انه معدل الجامعة غير عادل وانه المعدل يعتمد على عقلية الدكتور كلام فيه جانب من الصحة بس السؤال هو كم نسبة الدكاترة اللي زي كذا ؟ رأيي الشخصي ما راح يزيدوا عن 5% من مجموع الدكاترة اللي درسوك (انت ما اعتقد انك كنت تدرس معايا ولا لا ؟؟) . بس صدقني اللي تعب وذاكر ودرس وسهر جاب معدل عالي حتى لو طاح مع كم دكتور بايخ .
وزي ما انا بأتمنى الخير لنفسي بأتمناه ليك وللجميع بس انت بشكل ما بتحاول تقلل من الشي اللي سويناه في الجامعة وبتقول انه المعدل معيار غير عادل وهذا الكلام غير صحيح[/quote](غير صحيح عزيزي لازم تتعلم تفهم الأمور بشكل صحيح انا ما اقلل بل بالعكس شي رائع انك تقدر تجيب معدل حلو وياريت الجميع يقدر .... وان المعدل معيار غير عادل برضو انا ما قلت كده انا بأقول انه المعدل مهو المقياس الوحيد عرفت قصدي؟؟!)