January 7th, 2008, 04:44 AM
السلام عليكم ورحمة الله وبركاته،،
صباحكم فل وياسمين وعسل وقشطة بالمربى وفول مدمس <<<وش بقيت ياخوي شكله مره جوعان يدور الفطور حضرة جنابه
المهم أنا عندي مشكلة وكما تعودنا كل مشكلة لها حل*_^
وأنتم الي بعد الله سبحانه وتعالى سوف تجدون لي حلاً لمشكلتي
التي أرى أنها قد تواجه البعض وإلى الآن لم يجدوا الإجابة الشافية
لا أحد يشوف الموضوع طويل ويحسبه مغثة
لا تشيلون هم أنت أقرى بس وراح تجده سلسل وسهل الهضم وخفيف على المعدة
<<<حشى ماصار موضوع صارت وجبة
ياجماعة الخير هلحين آنا جوازي راح يخلص 29-4-1429هـ
وعلى مااعتقد أنهم لا يسمحون بالسفر للي جوازه لم يكن صالح لستة أشهر
فألحين بعثتي لأمريكا فرضاً راح تكون شهر 2 فالجواز راح يكون غير صالح
فما هو الحل الآن ؟؟
،،،،
فعلى مااعتقد راح يكون في حلين من قبلكم وراح أرد عليكم
>>>عارفين حركات المسابقات
>>>على باله قدام جورج قداحي من سيربح المليون
>>>الأخ البعثة خربطته دماغه لا تلومونه
نرجع لمحور حديثنا
طيب أنتم راح تقولون وش المشكلة ؟؟
الحل الأول :: ياخوي روح وجدد جوازك وانتهت المشكلة!!
بأقلكم ياحبايبي بأروح أجدد الجواز ماعندي مشكلة
لكن المصيبة راح يتغير رقم الجواز برقم جواز جديد
فالوزارة عندهم معلومات جوازي القديم
كيف أقدر أبلغ الوزارة بمعلومات جوازي الجديد وأعطيهم إياها لو جددته
وخصوصا بعد ماعرفت أنهم هم الي راح يجيبون القبول
يعني ضروري لازم تروح تجدد معلوماتك!!
عشان القبول لمن تاخذه يكون صالح..
((بأقلك مافي مشكلة راح أرسل معلوماتي جوازي الجديد لهم))
كيف أقدر أوصلها لهم ؟؟؟
أجي الرياض ماأقدر مرتبط بعمل وأنا من الطائف
لكن لو في رقم فاكس أو أو أو حل غير الجية ياليت تخدمونا
^^^
طيب قد يقول قائل ياعمي ماراح يجيبون لكم قبول يامبتعثين بأمريكا وخصوصا أنك راح تدرس ماستر روح وجدد جوازك ودبر نفسك لأنه أحنا بالرياض ماجانا شي>>>من وين صار عمك
راح أقله من هنا حتى قيام فعاليات المتلقى بجده ممكن يكون وصلنا قبول
وشوي إلا وجابولي قبول بجوازي القديم
كيف راح يكون الحل ؟؟
الزبدة الي يقولي جدد جوازك راح أقله كيف أقدر أحدث معلوماتي عندهم وأبلغهم؟؟
------
الحل الثاني ::انتظر حتى قيام المتلقى بجده وأسألهم من قريب حتى تجد الإجابة الكافية!!
طيب بأقلك ماعندي مشكلة بانتظر لكن أفرض جابولي قبول بجوازي القديم
وقالولي يالطيب ترى جوازك غير صالح لازم تجدده
صح أنها غلطتهم لكن أنا صاحب الشان الغلط الأكبر علي لأني مااهتميت^_^
وقتها وش راح أسوي بالقبول >>> روح بله وأشرب مويته
وأطلع من المورد بلا حمص
وش أسوي ساعتها أروح أدور قبول والعالم جالهم قبول لين حدهم<<<صدق مسكين
الواحد يروح يدور الشقى وهو في غنى عنه
فكل ماأتمناه
تسألون لي من هذه الناحية ؟؟
لأني بصراحة حاولت أني أسألهم عن طريق التلفونات المعروضة في المنتدى
عجزت ماأحد يرد !! ماأدري ليه حاطينها
والله يجزاكم بالخير
،،،،
صيغة السؤال :: الي جوازه راح ينتهي بعد أربع شهور من الآن
ماهو العمل وخصوصاً أن جوازه راح يكون غير صالح للسفر ؟؟
هل يجدده ويرسلكم معلومات الجواز الجديد ؟؟
بيقلك ليه ؟؟
قله عشان إذا بتعملون له قبول تكون عندكم المعلومات الجديدة لأن القديمة غير صالحة!!ولكي يستفيد الطالب من القبول
أما إذا كانت الإجابة بنعم دايركت لازم يجدد جوازه
قلهم يعطونك العنوان الي أرسل عليه المعلومات!!
وكيف بعدين أتأكد أنها وصلت ولو في رقم بعد عشان أتأكد ياليت تاخذه..
وانتهينا كلها ماتكلفك دقيقتين بالكثير وأجرها عند الله كبير
كثر الله خيركم
أفيدونا أو أسالوننا للي رايحين الملتقى اليوم
الله يعطيكم العافية
وعساكم على القوة
،،،
يابخت الي مطلعين جوازات هلحين لا يشتكي من تجديد ولا شي
عيني عليكم باردة
بسم الله بسم الله تف تف
بانتظار الفزعة ياأهل الفزعات لا تخذلوني
لا تجمدون وتخلون الموضوع يعشش ترى أزعل
لا تخلوني أندم أني ماكتبت الموضوع باسم بنت
لا لا عشمي فيكم كبير إن شاء الله
بانتظار التفاعل والرد والحلول
وآسف على الإطالة وعدم التنسيق
مع التحيــة..
LinkBack URL
About LinkBacks
January 7th, 2008, 04:44 AM
<<<حشى ماصار موضوع صارت وجبة
ماهو العمل وخصوصاً أن جوازه راح يكون غير صالح للسفر ؟؟
بيقلك ليه ؟؟
قله عشان إذا بتعملون له قبول تكون عندكم المعلومات الجديدة لأن القديمة غير صالحة!!ولكي يستفيد الطالب من القبول
قلهم يعطونك العنوان الي أرسل عليه المعلومات!!
وكيف بعدين أتأكد أنها وصلت ولو في رقم بعد عشان أتأكد ياليت تاخذه..