اهل المحاسبهـ ..والتجارة الالكترونيهـ .. والتامين .. والتمويل .. والتسويق..

طيب هي ماجستير والا بكالوريوس

يا أخوي العزيز


أنا درست بكالوريوس محاسبة وطالع إن شاء الله لكندا برضوا ماجستير محاسبة ودرست بعض المواد التي تخص الادارة والاقتصاد والقانون



... أقدر أفيدك بالتالي :
المحاسبة : علم ممتع وجميل علم فهم وليس حفظ علم يحتاج أن يكون الطالب جيد الفهم ويركز تركيز بسيط ويفلح إن شاء الله .
طبعا تخصص مهم بالنسبة للعمل أو الوظيفة هو مطلوب في أي قطاع فيه فلوس حتي البقالات ويحرص القطاع الخاص ممثلا في الشركات والبنوك بتوظيف الاشخاص الحاصلين على هذا التخصص ... أيضا لا ننسى أنه تخصص مطلوب بإسمه في برنامج خادم الحرمين الشريفين بمعنى أن البلد محتاج لعدد كبير من المحاسبين السعوديين أو السعوديات .
الإدارة : تخصص حلو ومطلوب ولكن بقلة والدليل نلاحظ اعلانات الوظائف تحتاج لمدير خبرته 10 سنوات وبرضوا هو تخصص أكبر من المحاسبة لأن المحاسبة تدخل تحت الادارة إستانسوا يا حقين الادارة وأيضا هو تخصص غير مطلوب بإسمه في البرنامج وحل محله فروعه مثل التمويل والتسويق <<< إستانسوا حقين المحاسبة..
التسويق سهل ممتع مطلوب من ناحية الوظائف وخصوصا في الشركات اللي لها منتجات تحتاج الى تسويق مثل يعني على سبيل المثال المكياج أو شركة تنتج عصائر أو مأكولات مغلفة وما شابه أو الأدوية أو خدمات مثل السفر والسياحة (( الزبدة زين )) .
التمويل كويس تخصص تحتاجه الشركات والبنوك مطلوب بكثرة بس تراه أصعب من التسويق وأسهل من المحاسبة ..
بالنسبة يا أخي للتأمين هو له دخل بالاقتصاد بس أشوف في نظري إن التخصصات اللي فوق أفضل وهذي وجه نظر قابلة للرفض...
القانون تخصص ممتاز بس صعب جدا جدا مجاله محصور في التأمينات الإجتماعية والتدريس في الجامعات ومكاتب المحاماة ...
التجارةالإلكترونية ما أقدر أفيدك فيها والله لأني ما درستها...
طبعا جميع التخصصات جيدة ولكن تتفاوت بحسب طبيعة الشخص الدارس لها وطبيعة مجالات العمل التي تنتمي لها تلك التخصصات ..
هذا اللي أقدر أفيدك ولعل الأخوان يساعدونا في بعض الأشياء اللي نسيتها أوأجهلها ..

السلام عليكم
بما اني خريج تمويل ومبتعث لدراسه ماجستير تمويل فأقدر أفيدكم افاجه شامله ان شاء الله عن هذا التخصص
علم التمويل FINANCE هو علم جديد ويعتبر نادر في الخليج مقارنه بالدول الأوربيه وعندنا هنا مايفرقوا بين التمويل والمحاسبه مع العلم ان هناك اختلاف كبير بينهما
الماليه من اهم قرارتها التي تتخذها هي القرارات التمويليه او الأستثماريه للشركه واي الطرق افضل بالنسبه للشركه سواء من ناحيه الفائده او المده الزمنيه
والتمويل يتطرق لعده مواضيع او اقسام اذكر منها على سبيل التعداد لا الحصر:
الإداره الماليه(الأستثمار ,التمويل)
التحليل المالي
إداره وتحيليل الأستثمار
تحيليل القوائم الماليه وتحليل الأئتمان لغايات الأقراض
إداره المخاطر وتحيليل درجه الخطر
اعداد دراسات الجدوى الماليه والأقتصاديه
اتخاذ القرارت المتعلقه بالمشروعات الأقتصاديه
التعامل مع الأسواق الماليه (أسهم ,سندات,عملات,نفط,ذهب وفضه)

تلك هي بعض النقاط المهمه التي يتطرق لها علم التمويل والصراحه هو علم شيق جدا يعتمد على مهارات الشخص ومدى تفكير وابداعه
وخريج قسم التمويل يقدر يعمل في التأمين لأن يتطرق لكورسات كثيره في الخطر ومعدلات الخطر وتقييم العائد والمخاطره
جدير بالذكر ان هناك اسلوب في الماليه اسمه اسلوب المحاكاه يعني يجيبوا لك حاله شبه واقعيه لشركه مثلا عندها عسر مالي ...دورك في الحاله هذي انك تطلع مهاراتك وابداعاتك في حل مشكلات الشركه الماليه على اساس خلفيتك في علم التمويل
كأن الحاله اشبه بلغز يحتاج لحل بعد تفكير وتحيليل

ملاحظه:ارجع اذكر ان هناك فرق كبير بين المحاسبه والماليه

وبالتوفيق لكم جميعا
أخوكم :مـــحـــمــــد

التسويق وووووووووووصل : سجلي عندك
أنا خريج جامعة الملك سعود بالرياض تخصص تشويق >>بخاطره يمزح شوي
طبعاً دراسة كل التخصصات السابقة اللي اشرتي لها في البداية هي اساساً تكون فرع من إدارة الأعمال .. هذا اولاً
ثانياً : التسويق من التخصصات الممتعة واللذيذه جداً صحيح انها ماتحتاج لتعب مره بس يبيلها واحد راعي فنتق >>لاحد يسألني وشو يعني فنتق لأنها مقهومه من السياق
يعني شخصيه مبدعه تخلق الفكره من الاشئ ..وبنفس الوقت شخص اداري بنفسه قبل مايكون بعمله >> إداري خلقه يعني
ثالثاً : مجال العمل >>>طب وتخير وانا على كلمتي الين سنوووووات قدام لسبب جداً واضح ..لأن قسم التسويق في أي منشأه من الأقسام الرئيسية واللي ماتستغني عنها الشركات اياً كان نشاطها وعملها .والدليل يكفي انك تدز على المجلات والجرايد ومواقع التوظيف ومكاتب التوظيف وتشزف شقد الطلب على التسويق ..بنوك .. شركات طاقه ..شركات تأمين .. شركات تصنيع ..شركات توزيع ...شركات شركات معلوماتيه ...شركات شركات شركات