صحيح ياناس الخبر اللي سمعته اليوم عن الوزارة جاوبوني؟

ان شاءالله الاخوان يفيدونك ,,,

طيب أنت ليه ماتطلب من المعهد المقبول فيه التأجيل الى شهر ثانس؟؟؟؟

ايه صحيح اجل دراستك على حسب رغبتك انت

هذ1 الي عندي

يابوشباب لا تمرمط نفسك وتركض من غير ترتيب وتنظيم الوزارة هدفها تمشي الناس باسرع وقت قبل دفعات الجاية لا تتخربط وكون واثق من نفسك وامورك كلها تمام هذي غربة ولازم تكون جاهز ونفسيتك طيبة لا تهتم ومشي امورك بانتظام اذا ساءت الامور اجل موعد الدراسة من المعهد
وطمنا ايش يصير معاك بكره ولو قدرت انك تاخذ معلومات عن شباب لي جاتهم قبولات متى يكون جيد

انت خاطب المعهد مباشرة

افضل من انك تدخل في تعقيدات الوزارة

فعلا طمنا يا اسلام ترا يمكن يصير لنا الحال مثلك

أهلين بنسبه لخبر الوازاره الي كتبت عنه بصراحهم ما سمعت عنه وانا اقول المفروض انك الله يهديك على طول تتصل على الوزاره وتتأكد بنفسك مستقبلك هذا يعني اتوقع اضمن لك و اسرع الشيء الثالث نصيحتي لك انك تراسل المعهد بشأن تأجيل الموعد إلى شهر سته
لأن بصراحه ما راح يمديك

والله يسهل امورك و عطنا خبر بالي يصير معك

اولا شكرا لك الأخوة والأخوات اللي تفاعلوا مع الموضوع( وشكرا لك شخص نصحني وأهتم بأمري). اقول لهم:

انا اتصلت في الوزارة يوم الثلاثاء 19/2 بعد ماذبحوني من القهر ردوا على التليفون وكلمني موظف وعلمته بالسالفه ولا عطاني جواب قال كلم المستشار الهذال وهو يفهمك . قلت له طيب : عطنا رقم تحويلته ؟؟ قال ما اعرفها ....عرفت انها تصريفه.
المهم سمعوا السالفه بعد ماقررنا نكلمهم وجه لوجه

احنا اخذنا القبول يوم السبت 16/2 وعطونا تعهد نقدم على السفارة خلال اسبوع المهم على بال مارجعت الشرقيه . يوم الاحد بالليل دخلت موقع السفارة و وما حصلت حجز الا يوم 3/3 ؟؟؟؟طبعا صعب جدا اننا نلحق على الدراسة وهو في 17/3 . قلت يا ر جال انت حج الوزارة ولا يحجونك ..لانهم شارطين الكل في شهر مارس رايح على بلد الابتعاث .
المهم بعد ماحجزت موعد وصورت نسخه منه وسددنا السيفيس واخذنا نسخه منه وعملنا نسخه من الi-20 قررت الذهاب للتعليم العالي بس بعطيهم خبر انه احنا ماشين في السليم ولو صار تاخير هو منهم ومن السفارة يعني خارج عن ارادتنا.
واحد من زملائي كان بيروح هناك المهم انا اعطيته الاوراق وصورة موعد السفارة وعلمته بالترتيب شنو يقول لهم ..طبعا اليوم الاربعاء20 /2 راح وقالهم كل اللي كتبته لكم فوق وايضا كان المعهد حاط تاريخ ثاني اللي هو في شهر 6 وقالهم اذا ما قدرنا نروح في التاريخ الاول بنروح في التاريخ الثاني. .( طبعا بعد ماشف الموظف الاوراق والتواريخ اللي انها صورتهم ..اقم الحجه بالحجه
كان رد الموظف كالتالي:
قال طيب خاطبوا المعهد واعطوهم خبر.. عشان يرتبونكم للموعد الثاني ...قالهم زميلي يعني انتم الوزارة ماعندكم مشكله ..قال: لا ابد ..اذا تأخرت الفيزا لا حول ولا قوة.
قال ا لموظف طيب انت ليه ماتعطينا الان صورة الجواز وصورة القبول i-20 واحنا نخاطب السفارة يمكن تقدر تروح على الموعد الاول.

اتصل فيني زميلي قال ارسل صور الاوراق الناقصه لي بالفاكس وانا اعطيهم الوزارة .
قلت لي اذا ماعندك شغل في الرياض خلاص تعال ..قال شلون ..قلت تعال لا شلون ولا لون بما انه قالك مافيه مشكله المهم اعطيناهم خبر.

لأنه ياجماعه بالعقل نتكلم هم متى بيكلمون السفارة؟ ومتى بيقابلونك؟ ومته بتطلع الفيزا وقرار الابتعاث والتذاكر؟ ..وغير ذلك وضعي انا موظف طبعا انا مرافق لزوجتي . ومتى بقدم على اجازة استثنائيه من عملي ولابد اخذ برنت من الخدمه المدنيه اني ما استلم اي مرتب لو حبيت اكمل دراستي هناك قولوا ان شاء الله ......كل هذا يحتاج وقت فوق الشهر وشوي.

الخطه اللي راح ان شاء الله اسير عليها اني اروح موعد السفاره في تاريخ 3/3 وان شاء الله تطلع الفيزا خلال اسبوعين ويوم 5او 6/3 بكلم المعهد اني باجيهم بشهر 6 عشان يرسلون i-20 بنفس تاريخ الدراسه .واذا ضبطت الامور وطلعت الفيزا اخذت قرار الابتعاث وورقه من الوزاره عشان مقر عملي وفي خلال اسبوع ان شاء الله تجي موافقة الاجازة الاستثنائيه.
طبعا الامور على الراحه ونرتب حالنا خلال هذين الشهرين ونسافر في امان الله
والله يوفق الجميع

اخوي اسلام



لا تفضح عمرك وتتسب في الغاء البعثة عليك


الحين لو تروح للوزارة تقول ابغى ورقة علشان اقدمها لجهة عملي علشان يعطوني اجازة استثنائية


بيقولون لك ان البعثات للي مو متوظفين وانت متوظف


يعني راح نلغي البعثة عليك



اتمنى انك تقدم استقالة من عملك او تاخذ اجازة بدون راتب من العمل بدون يدري العمل بموضوع البعثة




لك المحبة