خريج جديد يحتاج توجيهكم

المرحله الرابعه مقتصره على دول اسيا والمانيا اما النسبه حسب موقع الوزاره من 3.75 من 5 فما فوق ومادري اذا يقبلون اقل ولا لا

بارك الله فيك اخوي

طيب الموقع اللي نقدم عليه
هل النموذج نفسه يقبل اقل ...؟ من المعدل المحدد

حياك الله اخوي

التقديم يكون عن طريق موقع وزارة التعليم العالي ...

والله يوفقك

بارك الله فيك اخوي

ماشاء الله خريج تازا على مايقولون يعني توك متخرج جديد الف الف مبروك
والله يسهلك كل امورك

ان كان على التقديم مافي مشكله تقدر تقدم ان شاء الله انا ماني شايفه في مشكله

وان كان على المعدل كم معدلك تقريبا؟؟

وعموما يمكن يكون في المرحله الرابعه غير الثالثه
والمعدل يقل لا نستعجل الامور
وهذا مايمنع ان في عدد لاباس به كان معدلهم قليل والان هو في احد دول الابتعاث

والدنيا فرص ونصيب يمكن لك ويمكن لغيرك

واسال الله ان لا يحرمنا من خير الدنيا والاخره

اخوي نواف والله ودي اقولك شي بس اخاف يكون مو صحيح
انا سمعت من واحد من الشباب تخرج من جامعة الامام وقدم على ابتعاث وقالو له الجامعه مو معترف فيهاا ولا رضو يعادلوله الشهاده
حبيت اني اعطيك الخبر اللي عندي وانت تاكد من نفس الجامعه وانشالله يكون الكلام مو صحيح
والله يوفقك انشالله واسف مره ثانيه بس حبيت اني اعطيك الخبر وانك تتاكد منه الله يوفقك على العموم

بارك الله فيكم جميعا شاكر لك تواجدكم

........

اخوي وش دعوه ليش تتاسف احسن من قاصرها عرفتها ومااجلس احلم باشياء مستحيله

بس والله ان جامعة الامام كلية اللغه الانجليزيه انها صعبه جدا وندرس فيها الادب الانجليزي بمختلف مواده واللنقوستك والصوتيات والترجمه وكل المواد المهاريه خصوصا الخطه القديمه اللي انتهت بنهاية الفصل الماضي .

لكن الشكوى لله

ما شاء الله تبارك الله ..
منت بعيد عني ..
انا ان شاء الله هالترم اتخرج من كلية المعلمين ..وربنا يوفقنا ان شاء الله ..
بالنسبة للمعدل لا تشيل همه ان شاء الله ترم عن ترم تتسهل الامور ...
الدفعه الثالثة من 3.13 تقريباً فما فوق كلهم راحو ( من البنين بس ) اما البنات وقفت على الاربعه وعليها ...


ربنا يوفقك ان شاء الله ...

خلي املك بالله كبير ما تدري يا اخوي يمكن اللي قالي الخبر مو صادق فيه
انت تاكد من الجامعه وقولهم هل شهادتكم معترف فيها دولياُ ولا لا
انت سوي اللي عليك والباقي على رب العالمين ما تدري وش يصير بعدين