للحين على اعصابي : تم استلام طلبك وجاري مراجعته

ياااااااااااااااااااااااااااااارب يتم قبول الطلب ..ويتم مفاضلتك ..وانشاءالله تبشرنا بترشيحك للمقابله .....لاتشيل هم يغالي وصدقني فيه كلام منتشر في المنتديات انه راح يخفظون درجة قبول الدبلوم

.. وعليكم السلام والرحمه ..

اخوي اذا انت مو مطابق للشروط .. لاتعصب ولا شي يعني ريح نفسك انت مو مطابق ..

انتظر يمكن ربك يفرجها وتنقبل .. والله يوفقك يمكن ناسيينك والا شي ..

يمكن ربك فتحها بوجهك .. كل شي جائز .. ( إن الله على كل شيٍ قدير ) ..

بالتوفيق للجميع .

.

انا مطابقة للشروح وللحين جاري مراجعة الطلب

وانا بعد جاري مراجعة الطلب ومطابقة للشروط الله يستر

انا ولله الحمد مطابق للشروط ولم يحصل شي لحد لآن لكن أقترح واحد من الأخوان أن يروح الوزارة ويشوف وش السالفة بالضبط والا لا يا شباب والله ولو أني بالرياض كان رحت وسألت لكن نطلب من شباب أهل الرياض يروحون ويسألون أتمنى ذلكوتحياتي لكم..................

يااخوان لا تشيل هم ولا شي انا اعلمكم السالفه
امس اتصلت على مدير النظم اظن اسمه سلطان ان ماكنت غلطانه
المهم
قلي يوم 19 يعني السبت في مجال للتعديل
سالته ليه ناس ترشحو في الثمانينات وناس بالتسعينات ماجاها خبر
قال هذا النظام يقرا البيانات والي تنطبق عليه الشروط يرسله مو من عندهم ويمكن الي جالهم رساله مفاضله مايترشحون ةالي ماتنطبق عليه الشروط يرسلوله رفض طلبك
قلي وش متخرجة منه قلتله كلية التربيه
قال يمكن لسع ماجاء دورها يقرا بيانات كليه التربيه يعني هم يمشون حسب الجلمعات وحسب المراحل يقرا النظام ويشوف مدى المطابقه للشروط
الشغل هذا كله حق كمبيوتر يعني يمكن غلط وماعرف يقرا بياناتك ونط اسمك وراح للي بعدك
بعدين في شهر 7 يجيك الجد وحيقراها المسؤلين وواحد موظف بالمحاسبه قلي احتمال ياخذون التسعينات بس لان الاعداد كبيره
والله الموفق
اخوان لا تشيلون هم الرساله ام المفاضله الترسيح الحقيقي في شهر 7

شاكر للجميع تعاطفهم مع الموضوع

يا نوف مايصير الكلام اللي قلتيه

اتوقع ان الكمبيوترات متطوره الان وتعالج ملايين الطلبات في ثواني وليست مبالغه

لان هذا هو الحاسب الالي وهكذا يعمل ، كيف يطمر اسمي ويرجع لي بعدين ؟

حتى لو طمر اسمي مو مشكله نقول طمر بالغلط ههههههههه ، معقوله الى الان مارجع لي ؟

خليني اقنعك بجهاز حاسب الى سرعة المعالج فيه 2800 على سبيل المثال

احنا تخصص الحاسب نعرف انه يعالج العمليات في ثواني وليست دقائق

عدد المتقدمين مثلا 40 ألف شخص = 40000 عمليه يعالجها الحاسب

التقديم صار له فاتح خلينا نقول 10 ايام بس

اليوم فيه 24 ساعه

والساعه فيها 60 دقيقه

والدقيقه فيها 60 ثانيه

احسبي كم ثانيه مررت على مرور 10 ايام بس

60 ضرب 60 ضرب 24 ضرب 10

لحظه اشوف الناتج

864000

تقسيم 40000 عدد الطلاب اللي قدموا طلبات

الناتج 21.6

هذا يعني ان الحاسب في حالاتنا المذكوره بامكانها معالجة الـ 40 ألف طلب بمعدل 22 مره لكل طلب

22 تقريب لـ 21.6


ممكن يكون كلامي تفاهات لكن هكذا انا أرى

عملية الفرزز تتم يدوي الان من قبل موظفين ، بالترتيب من الاعلى الى الاصغر حسب المعدل او نسبة تخرج الثانويه العامه

وهذي انا شفتها بعيني ان نظام الوزاره يقوم بترتيب اسماء الطلاب حسب المعدل


نصبر الى يوم الاعلان النهائي اصرف

ماعاد فيني صبرررررررررررررررررر الله المعييييييين

انا بعد مثلكم ومليييت

اختي نوف كلامك منطقي


على كل حال اللي كاتبه ربي بيصير لاتشيلوا هم مره