الحمدلله التدقيق وافتكينا منه..((الرياض))

July 28th, 2008, 11:02 PM

وصلت لـ راديسون ساس((الرياض)) الساعه 6 ودخلت واخذت رقم من الجهازالي على يميني
وسألت وقالو انتظري ثواني...

ماأمداني اجلس الا نادوني وجلست وصارت ي بتاخذ اوراقي وحده اعرفها
انبسسسسسطت مره قلت في نفسي زييين بتمشيني
لاني كنت خايفه بسبب معدلي الي مغيرته وعمري بعد

المهم انا اوراقي كانت كامله واخذتها والي هي....:::
1- ورقة الطلب الالكتروني
2-ورقة طلب الالحاق.
3-الوثيقه بالانقلش.
4-صورة من جواز سفري.((مع الاصل للمطابقة))
5-ورقه اقرار ولي امر الطالبة.
6-السجل الاكاديمي(انقلش طبعا)
7- التوصيات (انقلش طبعا)
8-صورة من بطاقتي.(الهوية)

وقالت لي تفضلي للتدقيق هنااااك قلت في نفسي افاااا ليييييييه

سألتها ليش مو انتي تشوفين اوراقي قالت لا انا بس اتأكد ن انا كلها موجوده

وقلت لها كيف البنات هنااااك...اشكالهم شديدين لاني بصراحه مصغرة نفسي شوي بس ماقلت شيء عن المعدل

وقالت لا ان شاء الله راح تمشين..

ورحت وانا اذكر الله ولقيت مكان فاضي وناظرتني وحده بعيونها انو تفضلي هنا
وشفتها وقلت الله يستر...

جلست وعطيتها الملف الي فيه اوراقي..وخذته ولما صلت عند الوثيقه... انتظرها تقول برا ...قفلنا...خلصنا ابتعاث

وخذت الاصل وقارنتها وخذت الوثيقه الي بالعربي وشافتها وطولت وانا اقول يالله خلااااااااص انتهى وضعي..

وفجأه اشوفها تاخذ القلم وتحط صح على ملفي وبعدها اخذت الجوار والبطاقه وقامت تنااااااظر....

انتظرتها تقول شيء عن العمر لكن مسك القلم مره ثانيه وحطت صح

وقالت قومي الله يوفقك ويكتبلك الخير

وعطتني ورقه كتبت فيها اسمي ورقمي ومعدلي ((الصدقي)) التخصص

وقالت هذي عشان الوزارة بتسوي دورة للمبتعثين..

وورقه ثانيه فيها بيان باني جبت كل الوائق المطلوبة عشان لما يجي القبول النهائي اجيبها معي..

وطلعت والحمدلله وخلصنا..

• نشر عبر تويتر
• نشر عبر فيسبوك
• نشر عبر جوجل