أستفسارين أرجو منكم الإفاده .

السلام عليكم ورحمة الله وبركاته

بالنسبة لجامعة الملك عبدالله بامكانك انك تراجع موقعهم واعتقد في منحات دراسية داخليه بس صعب الحصول عليها لان التركيز حاليا على الدراسات العليا

بالنسبة للتقديم على ارامكو راح يبدا في شهر اوقست ( شهر ثمانية انقليزي )

اتمنى اني افدتك

جزاك الله ألف خير ^^

طيب ممكن تعطيني التاريخ
لأني خشيت موقعهم وما حصلت شيء

بالنسبع لتقديم ارامكو بداا من زماان الحق عليه قبل لاينتهي

تقديم ارامكو للبعثات انتهى واختبروا الطلاب وخلاص من اسبوعين



وفيه برنامج ثاني من ارامكو تدريب فقط سنتين اسمه التدرج بدا التقديم فيه وينتهي السبت


اي استفسار عن ارامكو انا حاظر

الله يجزاكم ألف خير

طيب أخوي هذ البرنامج عن أيش بالظبط تدريب أيش يعني ((أي تخصص)

وبعدين وش هي الشهاده الي راح يعطون هيا بعد ما اخلص
وهل فيه أبتعاث
وومكن تعطيني رابطهم المباشر
الله يخليك ويجزاك ألف خير

التدريب الله يحفظك

طبعا ياخذونك ارامكو ويدربونك عندهم سنتين بمكافأة قدرها 2500 والسنة الثانية 3000

وبعد السنتين يعينونك على حسب تخصصك اذا كنت علمي غالبا يحطونك في منطقة نائية و تاخذ بدلات و رواتب زينة

و اذا كنت شرعي اما يحطونك امن ولا اداري

الرواتب تبدا من 4 الاف وشوي يمكن 4300 تقريبا
ويكون عندك ثلاث رواتب بدل سكن وراتب رمضان وراتب كل سنة

غير البدلات البدلات للامن شهريا 40% تقريبا
والمشغلين واللي في مناطق بعيده ياخذون فوق 70% تقريبا

طبعا مافي شهادة علمية لكن يعطونك شهادة انك كنت تتدرب عندهم


أنا اشوف اذا انك مجتهد وواثق انك بتجيب في الجامعه فوق 4 من 5 كمل جامعه

واذا ماتقدر تواصل هذا البرنامج هو الافضل

تفضل الرابط ماباقي ع التقديم الا يوم www.saudiaramco.com

جزاك الله ألف خير على تعاونك أنا فكرت أنها تعطيني شهدة بكلاريوس
لا إذا كذا بخش جامعه أفضل
شكرا لك ^^