مبتعث مبدع Amazing Member
المملكة المتحدة
عسولة جده , أنثى. مبتعث مبدع Amazing Member. من السعودية
, مبتعث فى المملكة المتحدة
, تخصصى متخرجه
, بجامعة جامعة الملك عبدالعزيز
- جامعة الملك عبدالعزيز
- متخرجه
- أنثى
- جده, لندن
- السعودية
- Nov 2007
المزيدl July 31st, 2008, 06:18 PM
July 31st, 2008, 06:18 PM
مسا الخير
كيف الحلوين ان شاء الله بخير
بما انو انا خلصت تقديم اوراقي ... حبيت أفيدكم ولو بشي بسيط من اللي صار اليوم في مركز التدقيق والأخطاء اللي وقع فيها البعض
اول شي لما تروحي الاوتيل ( رديسون ساس) ... تدقيق اوراق البنات في الدور الاول
اول ماتطلعي حتقابلكـ وحده تقولك انتي اليوم موعدك .. طيب شوفي اسمك في الاوراق المعلقه وشوفي رقمكـ ( هذا الرقم يكون جنب اسمك اللي موجود في الورقه المعلقه)
بعدين تقوليلها رقمك وتعطيها الهويه عشان تتاكد بعد كدا تدخلكـ للقاعه
حتدخلي قاعه لازم تمري ب 4 مراحل في هذي القاعه ::
المرحله الأولى : حتكون في لجنه مكونه من 3 حريم وقدامهم 3 كراسي
اذا بدأتي عند وحده خلاص كملي عندها
اول شي لماتجلسي نفس الحكايه حتقولك رقمك وهويتك و تحط صح عند اسمك عشان تتاكد ان موعدك اليوم
بعدين تعطيكي ورقه تعبيها
1- استمارة الطلب مرفقه ولاغير مرفقه وتحطي جنب مرفقه صح ( يعني انك جبتيها)
2- صوره من هويتك (أو) كرت العيله وتحطي جنب مرفقه صح
3-صوره من جواز سفرك
4- اقرار ولي الامر (انتبهوا هذا موجود في موقع الوزاره لان بنت جابتوا بخط يد أبوها)
5-طلب الالتحاق بالجامعه (هيا 4 صفحات لازم توقعي في نهاية كل صفحه من هذي الصفحات الاربعه)
6- 3 توصيات
7- صوره من الشهاده المترجمه
8- صوره من كشف الدرجات
بعد ماتخلصي من تعبئة هذي الورقه تجي المرحله الثانيه:
تروحي لنفس الحرمه اللي جلستي عندها وتعطيها الورقه انو كل شي مرفق واوراقك كلها كامله
هيا تبدأ تتأكد من دا الشي يعني في دي المرحله تشوف اوراقك وترتبها على حسب الترتيب في الورقه اللي في المرحله اللي قبلها لما تتأكد ان اوراقك كلها اوكي
تعطيكي زي الملف تعبيه .. الاسم الرباعي و مكان الميلاد .. المدينه ورقم السجل المدني وماجستير ولا بكالوريوس والدوله اللي حابه تروحيها ومعدلك وسنة كم تخرجتي
بعد ماتخلصي من هذا الملف تحطي اوراقك جوا الملف وتروحي لنفس الحرمه اللي جلستي عندها من البدايه حتكون عارفتك اصلا ... لما تتاكد انكـ خلصتي تعبئة الملف حتعطيكـ رقم عشان تدخلي للجنه تانيه تدقق كل ورقه وكل حرف في الورقه وكدا نكون خلصنا المرحله الثالثه
بعد كدا المرحله الرابعه واللي هيا الأخيره ...
تدخلي تنتظري اول ما وحده تخلص تدقيق اوراقها انتي اجلسي مكانها لانهم ماياخذوا بالارقام
اول شي تطلب جواز سفرك وبطاقة الهويه حقتك
وتشوف اذا اوراقك كامله ... وتدقق كل شي بالأصل وفي النهايه تعطيكي سند لازم تحتفظي فيه يكون فيه اسمك ورقم طلبك والمرحله اللي متقدمه لها
وبس بصراحه كانوا جدا متعاونين ولما بنت يكون ناقصها ورقه ماطبعتها في الاوتيل في نت تقدري تطبعي منو وحتى الة تصوير في
واللي يكون عندها خطأ في البيانات اللي في الطلب يعطوها ورقه تحط هيا غلطت في ايش وتصحيح الخطأ
** لاتزودوا في الاوراق هما مايبغوا الاصوره وحده من الاشياء اللي كتبتها لكم اذا زودتوا ماحد حيتعب الا انتوا لانهم مايطالعوا فيها اصلا
انتبهوا الاصل من الشهاده وكشف الدرجات وجواز السفر حقك بس وبطاقة احوالك
انا جبت جواز سفر اخويا وبطاقة احوالو ولاطلبوهم ولاشي
ان شاء الله اكون افدتكم ولو بشي بسيط 
أختكـــم / عســـوله 
مبرووووووك عسوله وعقبال القبول النهائي ياااااارب بس بسألك انا يوم دققت اوراقي ما اشروا على اسمي ولا قالوالي اسمك اليوم والا لا بس جيت وعبيت الملف من ورا واخذت رقم ودخلت للجنه جوا ودققوا الاوراق وكل شئ سليم واعطوني سند اني جبت اوراقي كلها وقالوا لي بالسلامه .....انا اشوف ناس يقولوا اشروا عند اسمنا وانا لا قالوا لي ايش اسمك ولا شئ ولا حتى اشروا عنده بالقلم ولا شئ
يعني اييييييييش السالفه ؟
أمير لندن July 31st, 2008, 06:24 PM
7 " الله يوفقك ياعسولة ويبشرك بالقبول النهائي ان شاء الله
انا موعدي بكرة ان شاء الله .. بس ندي مشكلة ان اسبيلنق اسم ابوي مختلف في جوازي عن الوثيقة وباقي الاوراق فهل شفتي احد مثل حالتي وش قالولهم .. وين فايت مرحلة راح يعرفوا .. او انا اقولهم في ايت مرحلة اقولهم. اني في خطا اسم ابوي في الجواز واخذ منهم موعد ...؟؟
تكفيييييييين ردي لي ...ترى مرة متوهقه وماني عارفة وش اسوي
to2 July 31st, 2008, 06:29 PM
7 " حبيبتي هذي المشكله لما تروحي قوليلهم مشكلتك والله مره متفهمين ومتعاونين ممكن يحددولك يوم تاني غلى بال ماتروحي الجامعه وتخليهم يعدلولك هوا
اللي اعرفوا ان الجامعه هيا بس اللي تقدر تغيرلك هذا الشي يعني تصلحلك اسمك في الوثيقه وبس
لاتكبري الامور ياقلبي وتشيلي هم والله انا امس شلت هم مو طبيعي ولما رحت اليوم حسيت اني تافهه وانو الموضوع مايحوج لدا كلو
انا لما جلست عند اللي تدقق قالتلي انتظري شويه واتصلت على بنت كان موعدها امس وقالتلها تعالي عشان ناقص توقيع في اوراقك يعني هما متعاونين لاتخافي من دي الناحيه بس اهم شي اول ماتدخلي تفهميهم خطأك عشان يقولولك ايش تسوي
عسولة جده July 31st, 2008, 06:40 PM
7 " والله التوصيات الكل يقول انها مو مهمه وانا حسيت من كلامهم بدا الشي بس في اول ورقه اعطونا هيا كان مكتوب توصيات باللغه الانجليزيه وتحطي جنبها مرفقه او غير مرفقه ودامك ماجبتيها حطي صح عند غير مرفقه وانا اتوقع انها مو مهمه لاني سمعت كتير بنات يتكلموا في دا الشي اليوم
بالتوفيق ان شاء الله
عسولة جده July 31st, 2008, 06:43 PM
7 " انا توني خارج من الفندق .. الحمد لله الامور ميه ميه
علعموم .. الله يستر من القبول النهائي .. ماني متوقعها .. بالرغم انهم اعطوني اوراق تعديل طلب
لكن يالله
المهندس حمد July 31st, 2008, 06:47 PM
7 " المهندس حمد خليك متفائل ........... وان شاء الله ربي بيسهلكـ كل خيــــــــــــــــــر
عسولة جده July 31st, 2008, 06:50 PM
7 " 
LinkBack URL
About LinkBacks
July 31st, 2008, 06:18 PM
بعدين تقوليلها رقمك وتعطيها الهويه عشان تتاكد بعد كدا تدخلكـ للقاعه
اذا بدأتي عند وحده خلاص كملي عندها
2- صوره من هويتك (أو) كرت العيله وتحطي جنب مرفقه صح
3-صوره من جواز سفرك
4- اقرار ولي الامر (انتبهوا هذا موجود في موقع الوزاره لان بنت جابتوا بخط يد أبوها)
5-طلب الالتحاق بالجامعه (هيا 4 صفحات لازم توقعي في نهاية كل صفحه من هذي الصفحات الاربعه)
6- 3 توصيات
7- صوره من الشهاده المترجمه
8- صوره من كشف الدرجات
اول شي تطلب جواز سفرك وبطاقة الهويه حقتك