تدقيق جده وتغيير المعدل واللي سار معي

August 2nd, 2008, 11:22 AM

السلام عليكم

اليوم كان موعد التدقيق حقي وأنا كنت مزودة بالمعدل

هو 3.61 من 5 وأنا حطيته 3.61 من 4

لأن الموقع رفض يسجلني في البداية ... قلت نجرب

المهم بعد ما قرأت كذا موضوع هنا عن ناس مغيرين بالمعدل ومشت اوراقهم اتحمست ورحت للتدقيق

لكن اللي سار معي اني عديت مرحلة ترتيب الأوراق ووضعها بالملف لكن وقت التدقيق اخذت الهوية تتأكد .. وسألتني إذا فيه بيانات عندك يبغالها تعديل قلت ايه رقم الجواز اللي حطيته اول في الموقع منتهي وأنا جددت الجواز وبحط الرقم الجديد وأعطتني ورقه قالت حطي فيها التعديلات اللي عندك وفيها جدول: البيانات واللي مكتوب والتعديل
ومن البيانات كان مكتوب الإسم المعدل وأشياء ثانيه نسيتها

عموماً بعد ما كتبت رقم الجواز والتصحيح قلت خلني اكتب المعدل الصحيح

وسلمتها الورقه ولمن قرأت قالت لا معليش خذي اوراقك معانا تعليمات انه ما نعدي ال3.75
وسلمتني اوراقي ... ولميت الورق ودموعي <== تحطيم لكل الآمال والأحلام
عند الباب سألت وحده قلت لها يا أختي والله ما تجرأت أجي الا إني قريت ان فيه ناس معدلاتهم أقل مني وسوو زيي وفي التدقيق أخذو أوراقهم وشجعو الناس انهم يجو
قالت عادي ما عليك قدمي السنه الجاية .... قلت لها لا شكراً

بعد اللي سار لي قلت أجي اقولكم ... يمكن فيه أحد مثل حالي وعايش الحلم الوردي

• نشر عبر تويتر
• نشر عبر فيسبوك
• نشر عبر جوجل