هل قدمتوا دراسات عليا في جامعت المملكه وماذا كان الرد

السلام عليكم ورحمة الله وبركاته ...

الصراحة قدمت على عدة جامعات وهذه بعض محاولاتي

1- جامعة القصيم :
قدمت عن طريق الانترنت وللاسف موقعهم فاشل عطاني رقم وكل شي ولكن بعد فترة انحذفت ايقونة ادخال الرقم لمراجعة الطلب وكل يوم احاول اتابعهم او اوصل لطلبي ولكن ما عندك احد والغريب اني اشوف اخبار عن المقبولين ولكن تصميم الموقع وإدارته كانت وراء ضياع طلبي الصراحة استغرب من جامعة طول وعرض مو عارفه تسوي موقعها زين وين راحو طلاب الحاسب وهندسة الحاسب ... لا تعليق

2- جامعة ام القرى:
هذه الجامعة شروطها تعقيديه وتخصصات غير مناسبة انا ما ادري ليه الشروط وخاصة انه ما عندك تخصصات تستوعب هالشروط .. ايضا لا تعليق

3- جامعة حائل:
هذه الجامعة مضحكة جداً موقعهم بالانترنت انجليزي والمضخك فيها ان طلابها على اساتذتها على اداراتها لا تجيد اللغة الانجليزية والظاهر حتى العربية لا تجيدها
جامعة عربية في وطن عربي في ديرة شبه بدائيه حاط الموقع انجليزي اذا مره شايفين فلاحة وفن حط لغتيين على الاقل ... الهدف من تنويع اللغة خدمة المستخدم مو طرده.

4- الجامعة الاسلامية:
قدمت عليها وحاطين شروط معقولة ولكن العدد المطلوب 10 او اقل لمجموعة تخصصات يعني بكل اختصار تقول الجامعة حنا عندنا تخصصات ولكن مافي حالنا ندرسك ..
والغريب والمضحك في هذه الجامعة انه لا يوجد تنسيق بين عمادة الدراسات العلية والكليات يعني هم ضاييعن كل واحد مو داري وش المطلوب من عميدها الى مراسلها ..
بصراحة لما جيتهم كنهم كانو نايمين وفجأة جاهم فاكس في انه عندكم دراسات عليا وصحوا ما يدرون ويش يسون يعني بكل اختصار ما عندك احد.

5- جامعة الطائف:
هذه الجامعة الجديدة والكتكوته الى درجة ما تجي مستوى كليه واحدة حاطة شروط مسوي نفسها جامعة لا وطالبيين تخصصات عليمية بحته يعني شر البلية ما يضحك انا ما ابي اتكلم على ها الجامعة لاني صائم والا اخليها لكم فص فص .

6- جامعة الملك سعود:
هذه الجامعة القبول في يشعرك انه مطلعها من جيبه لا شروط ولا تخصصات ..
جامعة واسطة 100%

7- جامعة طيبة:
اعلانات وزحمة واثناء التقديم الموقع يهنق ويقفل لا حتي مافي مراعاة الوقت محسوب المفروض جامعة تشوف موقعها اذا بهذا المستوى تاجل موعد انتهاء التسجيل يعني تعطي فرصة مو تقول امشي مية خطوة بـ 3 ثواني والصراحة موقعهم يسد النفس وانت تقدم عليهم تقول يارب ما يقبلوني
محاولات عن بعد في جامعات اخرى
جامعة الملك فيصل الصراحة اعلانات وزحمة ولكن ما تدري وين تروح.
جامعة الملك خالد شكله مسوين موقعهم بالبوربوينت

جامعات كثيرة ولكن كلها مالها داعي ... الحمد الله انه ما اقبلوني

عاد مع محاولاتي انجنيت قلت خلني اقدم على جامعة الملك فهد للبترول والمعادن
رغم اني تخصصي ادبي يعني صكت الابواب بوجهي .. ولكن الحمد الله ان الرازق هو الله

الصراحة محاولات وتعبئة بيانات ايش اقولكم ولكن الله يكتب اللي لنا فيه خير

يعني لا تستغرب اذا جامعاتنا في اقل مستوى في العالم من العشوائية اللي فيها

شعاري كان لا يأس مع الحياة و لا حياة مع اليأس

الله يوفق الجميع لما يحب ويرضى