اقتراح للقائمين على المنتدى وتساؤلات واستفسارات من هنا

صراحة انا مافهمت عليك مزبوط يعني وش المطلوب الحين ؟؟

انت مادام انقبلت مبدئي وسويت مقابلة وامورك تمام خلاص ابشرك راح تروح امريتسا

.. << قاعد يحاول يفهم وش المطلوب يعني من الموضوع ؟؟ بس ماطلعت بنتيجه

يعني انت اذا تبي تعرف وضعك ترا وضعك اووووووووووووووووووووووووووووووووووووووووكييييييك

منتاز قدا .. رح ولا يردك الا مطار جورج واشنطن مدري كنيدي المهم اللي هو ..

لا تنتف شعرك ولا شي ..

سلملم انت ..

اذا انت مو مشتهي البعثه انصحك لا تكمل اما اذا عندك طموح لا والله كمل مشوارك

باي

اذا ماتبي البعثة عطني اياها .. قول للوزارة انه في وحده اسمها نبض المشاعر تبغى البعثة وهي من المتعثرين وقاعده تركض وراكم 11 شهر وتراها بتنتحر اذا ما راحت امريكا ..

طيب اول شي اشكركم على مروركم على مشاركتي المتواضعه ولكن :اول شي نبدا بصالح : يا صالح سوالي واضح يا قلبي ما يبي له مفهوميه ويمكن انا ما وصلت المعلومه بشكل مباشر لاني ابي اثري فيك فن استخلاص المعلومه وتلخيص المشكله في سطر واحد الا وهو ضنك يعني بيقلصون العدد الى اقل من المقبولين مبدئيا والسوال الثاني يندرج تحت الاول الا وهو ان اللي بيروحون امريكا للبكلريوس 500 نفر يعني من بين هالسبعه الاف 500 بس فقاعد اقول وش بيكون مصيري اذا ما طلع اسمي والا انا فاهم غلط ترا مدري انا احيان تحليلاتي غير منطقيه وشكرا ..نروح للاخ طموحي كبير اللي يقول في خضم حديثه اذا مو مشتهي البعثه لا تروح .ابي اسالك سوال انا متى قلت مابي اروح والا مو مشتهي يعني اخوي حاول ان تستخرج المعلومه من النص بشكل صحيح ولا تتبلاني لول وشكرا على مرورك نجي للاخت نبض المشاعر اللي تبي تروح بدالي . ولله اقول لو ضامن انك بتنتحرين والنظام يجيز اني اتنازل لك بالبعثه ما راح اقصر اقل شي عتق رقبه هه وشكرا ئزيلا

Open 6 من قالك ان المقدمين لامريكاا 7000 ياحبيبي اللي مقدمين على كل الدول بمافيها شرق اسياا واللي ترشحو مبدئيا 7500 وانت منهم وفي تصريح للمعجل انهم يعتبرون مقبولين نهائياا يعني بالعربي حط في بطنك بطيخه صيفي ......... تشاوو

ترى بيصفون 155 نفر على قولتكلأن المرشحين مبدئيا 7655 ويبون 7500يارب يوفقك ويرشحوني انا وياك نهائي وروح بطياره سوى

اخوي جن اشكرك على المرور ولا تقعد عاطل تنتظر رحمة احد رح يخوي قدم في كل مكان لا تخلي مكان الا قدم فيه وخل وجهك قوي وادخل فيهم واشرح وضعك ما عليك باحد ما يفيدك الا نفسك والا واسطه تمشي امورك هاليومين واشكرك على الرفع من الروح المعنويه كح .اما بالنسبه للصوت الجريح ولله ضنتي ان احنا بنتكي انا واياك هنا هههههههههههه بس وسع صدرك ودايم تذكر قول الله تعالي :قال تعالى : (( و عسى ان تكرهوا شيئاً و هو خير لكم و عسى ان تحبوا شيئاً و هو شر لكم والله يعلم وانتم لاتعلمون )) اللهم اكتب لنا الخير في هالدنيا وااذا قلبنا بنروح انا وياك ونتكي هناك بس قل لي لامن قبلت ارقمك وترقمني عشان نخلص امورنا سوا >>>>>>>>>>>>نشبه لولبايز

اوكـــي عيوني اوبن ان شاء الله في تسعه شعبان تطلع الاسامي ...... يا نطق اصبع في سعوديه وله رحنا ويارب ويوفقنا ويوفق الجميع

اللي شفتهم سووا مقابلات هذولا اللي مقدمين بكالوريوس لكل الدول مو بس امريكا

وثانويه ودبلوم

وانا اللي سمعته انو راح ينقبلوا كلهم لانو المقابله الهدف منها مو التصفيه الهدف انهم يشوفوكم مستعدين ولا لأ


عموما الوزاره رشحت مبدئيا 7650 تقريبا والعدد المطلوب 7500

واظن هم متعمدين يرشحوا زياده احتياط لانهم عارفين انو بعضهم ماوده يروح من جد او عنده ظروف او غيرها


سوووو .. انت وضعك في السليم لا تخاف