رجــعــت للمنتدى بســبــب هذا الإتصال ... موظف الوزاره

October 18th, 2008, 02:16 PM

أول شي بذكر أسماء ..

mjood - emmei - عسوله جده - الذيب - أبو راكه - الجحدلي - hylaly - عاطله والماجستير حلمي - hamsa - miss fefe - AL-7DDAD - aqeela - بنت - * Bayan * - مشتاقة لحلمي - تركي التميمي - الراحل 2000 - ((( ولـد سـعـود ))) - تالا33 - ملكه بإحساسي - (( أبو ثامر 2 )) - هارموني - little student - شهد الجنه - اشراقه أمل - قمر الليل - واقف انتظر الباص - أم ريان - (((( miss positive )))) - احساس روحي - albaraa - good luck - wmwm - h-art - دمعه حايره - rashaacct - mxmgirl - كفاني عذاب - يارب توفقنا - system administrator


وش أقول وش اترك وربي مهما قلت ماراح اوفيكم حقوقكم كلماتكم كانت للقلب مباشره وخففت عني الكثير الله يوفقكم على كثر مابقلوبكم نيه خير



من عرفت عدم قبولي او بالأحرى ماشفت تم ترشيحك ولا شفت رقمي ضمن الارقام وانا حالتي صعبه سجين غرفتي هالاربع ايام الماضيه اليوم قعدت أسأل نفسي ليش ماحطو السبب في عدم القبول أكيد فيه شي وقعدت اوسوس وقلت خلني ادق عليهم دامني عاطل باطل ماعندي لاهذي ولا هذيك
ومن الساعه 8 الصبح وانا ملصق الجوال بأذني ومسك معي الساعه 12 كلمت الموظف وشرحت له وضعي وطلب رقمي وسكت شوي وقال انت مقبول نهائيا

انا الله لايوريكم شكلي وقتها قلت كيف متى ليش وين وعلى اي اساس ولطالما وكيفما ولعلما

قال اسمك مدرج بالنظام مقبول نهائيا ماجستير امريكا انا فغرت ابو خمس دقايق

قلت الله يوفقك تأكد وقعد يضحك وقال والله اسمك قدامي قلت وش اسمي قال فلان فلان فلان الفلاني رقم هويتك كذا كذا رقم جوالك كذا كذا معدلك كذا كذا

انا خلاص شعره واصقع بالسقف مدري وش اقول خنقتني العبره تلعثمت تخربطت وقلت طيب ليش ماتغيرت حاله الطلب قال مدري لكن اذا ماتغيرت الاسبوع ذا لازم تجي الرياض وتقدم اعتراض يغيرو حاله الطلب

انا والله ماني مصدق الى الان احس اني احلم يعني خلاص بكمل دراستي خلاص شي اسمه عطاله راح انسساه يااااااااااااااااااااااااااااااااارب لك الحمد ياااااااااااااااااااااااارب

• نشر عبر تويتر
• نشر عبر فيسبوك
• نشر عبر جوجل