تفاصيل زيارتي لمكتب ( ann , A2Z ) ..

October 26th, 2008, 07:31 PM

السلام عليكم ورحمة الله ..
كيف حالكم أخواني اخواتي الكرام ان شاء الله مستانسين ..

المهم بعد الخمبقة والأخبار الي نسمعها بين اليوم والثاني بخصوص المكاتب .. قلت مالي إلا أروح انا بنفسي وأشوف العلم الصحيح ..

رحت قبل شوي انا وزميلي Ahmad1986 لمكتب ann وقابلنا شخص سعودي ..
وللأسف ما حصلنا أسمائنا موجوده عندهم .. قال إذا تبون أجيب لكم قبول مجاني لازم تجيبون ضمان مالي من الوزارة .. ولا بـ $$ !!
المهم طلبنا منه الإطلاع على قائمة الجامعات الممنوعة .. والي أتضح لنا أنها ( فقط للغة ) !!
الجامعات الممنوعة 3 فقط في بريطانيا . أما اللغة فعدد الجامعات مكتوبة بورقتين وعددها ( 91 ) جامعة .. ممنوع أحد يجيب منها قبول في اللغة !!
وحاولنا نصورها من عنده ولكنه رفض .. وقال والله ممنوع .. ومدير الابتعاث ماجد الحربي !!
في هذه اللحظه جاه اتصال .. وقمنا عليها وصورنا الأوراق بالجوال
لكنه صادنا وقال اماانه تمسحونها ومدري ايش !! أبدري وش الممنوع فيها بس !!
المهم الي يبي يستفسر عن معهد معين أنا راح اشوفه هو ممنوع ولا لا .. وان شاء الله ان سمح لي الي في بالي أنزل لكم الصور راح انزلها على طول ..


=-=-=-=-=-=-=-=-=-=-=-=-=-=-=

بعدها رحنا على معهد A2Z وكلهم ماشاء الله سعودة ميه ميه في الاستقبال ..
وأخذت منه المعلومات التالية ::.

* المكتب يجيب لك أي قبول من جامعة حكومية مجاناً ! ، أما المعاهد الخاصة فـ لازم تدفع ( 150 - 200 ) باوند كتأمين .. وإذا داومت في المعهد يرجعونها لك .

* الوزارة ما كلفت هذا المكتب بإحضار أي قبول حسب كلام الموظف ، وهم قاموا باحضار القبولات المجانية فقط حتى يكسرون سوق المكاتب الثانية ..

* لمن هو خارج الرياض .. بإمكانه إرسال الأوراق على الفاكس أو الايميل ! ..

هذا ما طرى على بالي وانا أكتب الموضوع .. الإضافات أتركها لزميلي Ahmed1986 لأنه وعدني بأن يكتب لكم موضوع مفصل بهذا الأمر ..



موفقين جميعاً ...

• نشر عبر تويتر
• نشر عبر فيسبوك
• نشر عبر جوجل