احم احم
ماحصل في ملتقى البرنامج الثامن طلاب وطالبات امريكاء يوم الاحد - الاثنين
بسم الله نبدا
طبعا اول شي شفنا اسامينا اذا موجوده او لا على الجدار بعدين اخذنا البطاقات وقبل دخول القاعه
مررنا البطاقه عند الموظفه وهذي البطاقه لازم يتم تمريرها عند الدخول والخروج في يوم الاحد والاثنين
المهم بداء المحاضره بالدكتور وائل حضرمي
وتكلم عن خطوات ماقبل السفر.. وهي
أ.. القبوول << وتم توزيع القبولات للبعض والبعض الاخر بكره والبعض بعد اسبوع ياخذ القبول من مكتب igec والبعض عن طريق رسايل تخبرهم باستلام القبولات
بعد القبول يأتي
ب. التأشيره الي هي الفيزا .. وتتم عن طريق حجز موعد من السفاره الامريكيه بجده واخذ موعد وقبل الموعد بيومين تروح للوزاره وتبلغهم انك على موعد مع السفاره لعمل مقابله شخصيه والوزاره راح ترسل خطاب للسفاره توضح حالتك وبعدها تسوي المقابله وتصدر لك الفيزا طبعا لاتنسووون المرافق يكون معكم ولازم يكون معك صوره من I 20 وهو يجي مع القبول
يقول ان رقم الطلب مهم في كل شي يعني تعطيهم رقم طلبك ومن الرقم يطلع كل معلوماتك لهم ..
وبعد ماتصدر الفيزا لازم تروح الوزاره عشان تحصل على قرار الابتعاث وايضا اصدار التذاكر وطبعا لازم يكون جواز السفر معك وغير كذا قال ان السفاره تاخذ وقت فلازم حز موعد اما عن طريق الموقع الالكتروني للسفاره او الذهاب لهم واخذ موعد
مكان الوزاره في الرياض هو حي الغدير .. ادارة الابتعاث .. برنامج خادم الحرمين الشريفين الدور الارضي .
انسأل سؤال عن الي عندهم قبول غير قبول الوزاره فرد عليهم ..
اذا كان القبوول من جامعه معترفه فعليك ان ترسل خطاب وترفق القبول تبع الوزاره وقبوولك الي جبته وتنتظر رد من الوزاره على الموافقه وفي حال الموافقه يجب الغاء القبول تبع الوزاره وذلك بأنك تطلب منهم ذلك
بعدها جاء الدكتور محمد البقمي وناصر الفوزان
تكلموا عن مابعد صدور القرار ...
دور الملحقيه ..:
أ. فتح الملف .<< بمعنى الوثائق والاوراق وحسابك البنكي .
ب. الحصول على الضمان المالي وهو من تاريخ المباشره
ج. معرفة المشرف الدراسي .. وهو مسؤل عن كل شي يخصك وضروري كل ماستجد شي او احتجت لشي او اردت ان تغيير المعهد او الجامعه او اي شي لازم ترووح له
كمان قال اذا احتاجت دراسه اللغه الى تمديد راح تتمدد لـ6 اشهر فقط
وبالنسبه للدراسه من بكالوريوس او ماستر او .... تتمدد الى سنه واحده فقط ( تصدقون نسيت مدري سنه او ترم صيفي فقط الي يجي بعدي يقوول
..)
بعدين اخذنا بريك صلاة المغرب مع بوفيه ...
بعدها رجع لنا الدكتور وائل وقال انه تم التواصل مع السفاره الامريكيه بتحديد مجموعات كل مجموعه مكونه من 20 طالب او طالبه في فترات محدده وتحديد موعد لهم ...؛< يعني سهلووو لنا المهمه
الله يعطيهم العافيه
واتفق د.وائل ود.عبدالله الموسي من بكره يتم كتابه المجاميع على حسب بداية شهر دراسه اللغه الاقرب فالاقرب
وطلب منا المعلومات التاليه ...
الاسم
رقم الترشيح
الجوال
عدد المرافقين
ووتترسل للدكتور محمد البقمي ويتم اخذ موعد لنا مع السفاره.
جاء الدكتور عبدالله الموسى
واعطانا نصائح وقصص لما حصل معه منها الي اتذكرهـ
تقوى الله
اتباع الانظمه المحدده وعدم المخالفه لان امريكاء افضل دوله في الالتزام بالانظمه والقوانين
وقال نصايح كثير ماتحظرني الان اذا تذكرتها كتبتها لكم لاني طافيه اب انام
بعدين جاء وقت توزيع القبولات
منهم من تم تسليمها اليوم
ومنهم غدا
والبعض بعد اسبوع من مكتب igec
عطونا مطويه عن مكان المكتب نمرهم بعد كم يوم وناخذ القبول
في اسئله كان من ضمنها الاجابات التاليه
لمن نوصل لامريكا علينا احنا السكن والضمان المالي يمكن يجلس شهرين مانستلمه ولازم نسارع في الحصول على حساب بنكي وكمان ضروري من خلال دراستك للغه تبحث عن قبول جامعه اكثر من 3 جامعات احتياط حتى ماتتعطل ..
طبعا الي يتاخر عن المده الي حددتها الوزاره له سوف يدرس على حسابه
يعني مثلا لو كان الماستر 3 سنوات وانت ماخلصت خلالها واخذت مدة التمديد وكمان ماخلصت فاراح تكون تكملة الدراسه على حسابك الخاص ..
طبعا خلال الملتقى تم توززيع اوراق وكتاب عن البلد المبتعثه
ولمن خرجنا مررنا البطاااقه ومشينا
وسلامتكم اذا في زياده كملوووا
so0oso0o-usa November 23rd, 2008, 10:13 PM
LinkBack URL
About LinkBacks
يسير تريحيني من الكتابة عن ماحصل بالملتقى
لكن اذا في اشياء نسيتيها راح اذكرها...