ياشباب ارجو المساعده

اخوي انا ما راح اتكلم

راح اقول لك قصتي مع التنازل للموعد

وانت افهمها وهي طايره واتعظ

==============================

قبل شهر كنت احاول الحصول على موعد من السفارة ومحاولاتي كانت كلها فاشلة

إيميلات + فاكسات + إتصالات = النتيجة ما طلعت بموعد

تعرفت على شخص عن طريق الانترنت من منطقة الدمام وهو مفيز ومخلص

ولكنه يملك موعد ثاني وهو في 7 مارس

واعطاني معلوماته وقال لي اقدر اسوي لك تنازل بالموعد

((--- ماقصر جزاه الله كل خير ----)))

وبالفعل عملت الخطاب ورسلت للسفارة كذا مرة ورسلت لهم إيميل طبعا

وبعدها بأسبوعين

جاني اتصال من السفارة

والي كلمني / هي المسؤولة عن قسم الفيزا ((-- لبنانية او سورية )))

وهذي المحادثة الي صارت

=============

المسؤولة :- زميلك ارسل لنا فاكس يتنازل فيه لألك علشان يكون الموعد ليك انتا

انا ::-- ايوة اختي وانا كنت انتظر ردكم من زمان

المسؤولة ::-- اوكي فيني أخبرك انوا هونيك إحتمال إنوا نغير الموعد لأسمك

انا ::--- حلوو يعني موعدي صار 7 مارس..؟؟

المسؤولة :-- لحظة خليني افهمك

انا ::-- (( طبعا انا منشق نصين من الفرحة الحين )) تفضلي اختي

المسؤولة ::-- احتمال ما نغير الموعد وبيظل بأسم صاحبك..بس انت إذا جاء يوم الموعد تعال وهات معاك (( باسبورت ( جواز ) زميلك ))

وبعدها بتدخل وبتعطينا جواز زميلك لحتى نشوفوا ان اليوم موعدوا او لا.. وإذا موعدوا اليوم خلاص بتفيز انتا مكانوا...

انا ::--- بس..؟ يعني اجيب جواز زميلي معاي وادخل افيز..؟ ( وطبعا الفرحة مليون عندي )

المسؤولة ::-- ايوة بس

انا يعطيك العافية ومشكورة والله يخلييك ويحفظك ( ماظل دعاء ما قلته لها )

========================================

جاء يوم الموعد

ورحت ودخلت من البوابة (( طبعا كان طابور واقفين وربي لو واقف في طابور مخبز ارحم ))

المهم عدينا ودخلنا

ولما دخلنا داخل خذيت لي رقم والسوداني يقول كل واحد يعبي الابلكيشن

طبعا انا عندي نسخة من الابلكيشن ومعبيه وجاهز

وقفت انتظر انتظر حتى جاء رقمي

ورحت للشباك رقم 2

واعطيتهم اوراقي وجوازي

دقيقتين ورجع لي اللبناني وقال لي ما عندك موعد انت

قلت له ايوة انا عندي موعد زميلي بس انا جاي مكانه

قال لي مش لعبه هي يا انوا هو يجي او بلاش

قلت له يا اخوي انا مكلم المسؤولة وهي الي قالت لي كذا

قال هذي هي الاجرائات..!!!!!

انا الحين بدأت تقفل معي بقوة

رحت كلمت السوداني قال ما في يدي شيء كلم الي كلمتك

قلت له طيب عطني رقم تحويلتها

قال لي ما اقدر

قلت له طيب كيف اكلمها...؟

قال لي اطلع برى السفارة واتصل جوال وكلمها..!!!!!!

قلت بقلبي ::-- هين علشان ما عاد تدخلوني ها...

لفيت بالسفارة واشكي يمين يسار الين وصلت لها اللبنانية

((( طبعا بعد ما مريت على فريق سوداني كامل بالسفارة يا كثرهم )))

المهم اني لما وصلت للبنانية كان موجود مسؤول اكبر منها سوداني

وشرحت لها الموضوع وفهمتها الي صار معي

قالت لي ما يصير الطريقة الي انت عملتها...!!!!

انا انصدمت

قلت لها بس لما كلمتوني قلتوا لي كذا

قالت مين كلمت ...؟

قلت لها المسؤولة

قالت انا المسؤولة

قلت لها اجل انتي

قالت متى اتصلت

قلت لها قبل شهر تقريبا

(( والسوداني يطلع شرار من خشمه ويطالع فيها ويطالع فيني )))

قالت لي انا ما قلت إلك هيك انا قلت لك اذا قدرنا نحول الموعد اوكيه ما قدرنا خلاص

انا طقيت فوق راسي قلت لها انتي الي كلمتيني متأكده.....؟؟

قالت لي ايوة وتذكرت اسمك كمان

قلت لها انتي قلتي غير

قالت يعني انا كذابه...؟؟؟

((( انا هنا خلاص عرفت ان المسئلة ضف وجهك -- لانها متوهقه وفهمتني بالتلفون غلط والسوداني الي فوق راسها بيلعن جد جدها الحين )))

قلت لها شوفي يا اختي انا من الشرقية وجاي وقاطع مسافة 600 كيلوو ومصاريف سكن جاي قبل الموعد بيومين

والحين تقولين لي كذا..!!!!!

قالت انا ما قلت لك

قلت لها شوفي انتي الحين تدرين من داخلك انك غلطتي وفهمتيني المسئلة غلط يعني الغلط منك مش مني... بس ترى حرام عليك الي عملتيه

قالت لي انا راح اتساعد معاك ما دام وضعك كذا اعطيني اسمك ورقمك وراح نكلمك بكره ونعطيك موعد قريب

قلت لها وموعد اليوم..؟؟

قالت لي مستحيل........

اعطيتهم رقمي واسمي

ورجعت مكسور الجناااااااااااااااااااااااااااااح

وهذا اليوم الثاني طاف ولا كلمتني ولا شيء

وربي اني طول الطريق وانا راجع من الرياض طول الــ 600 كيلو ادعي عليها واتحسب الله عليها

================

فهمت ردي الحين يالغلا..؟