غيّر جو .. نفسية اجتماعية .. حالتنا صعبة ..

December 3rd, 2008, 10:14 AM

بسم الله الرحمن الرحيم
السلام عليكم رحمة الله
للكل الشباب والعجايز أمزززح الفتيات

بصراحة انا كاتب الموضوع هذا ابغى اسولف معكم بس
طبعا الابام اللي فاتت ايام عصيبه جدا فان من مبتعثي بريطانيا ورحلتي يوم 25 -12-2008
طبعا الجميع واجه قلق نفسي وشد عصبي اعلنوا النتايج وااااه وبعدها متى الملتقى اللي يقول شهر 11 واللي يقول 12 ومدري وشو إلين تحدد الملتقى وربكه الملتقى والحضور والقلق
وبعدها جت ازمة القبولات وانا عندي قبول وليش تجيبون لي قبول والتخصص هذا مايناسبني والجامعة ذي فيها عنصرية والمعهد هذا مليان عرب ومدري شنو .

وبعدها بقترة الفيزا وماادراك من الفيزا الابليكيش لحالة يسوى البعثة اسم ابو امك وولد خالك ابوك من الرضاع واتحداكم أحد يعرف جدة أم أبوه من عمها .

وطبعا كثير منكم عنده دوام يداوم الصباح ويلحق اذا عنده شغل في الوزارة أو السفارة او المكتب وقت البريك
المهم حالة نفسية من جد ... وترى باقي ما اشتريت اي شي .
قلت بأطلع من الجو البايخ اللي انا فيه من الليله ان شاء الله بصراحة جتني فكره من قبل أمس وانا اتسدح على الفراش .

كلمت واحد من الشباب عن الوضع كامل قال ابشر بعزك عندي الحل .. قلت اسلم .. قال.. عندي مخيم بعيد جهت رماااح مجهز من وإلى ملاعب وبيوت شعر وماجلان وكنود والحطب وشبت النار .. وكل شي ..
قلت قدام قال تاخذه ثلاثة ايام وطبعا الجوال ما يشتغل هناك
قال خل الجوال عندي واي اتصال احس انو مهم انا اكلمك على الكنود قلت اوك اتفقنا ..

فانا ان شاء الله راح اخذ الأهل الليلة وأعمامي ونروح نغير جو ..
وش رايكم في الفكرة ..
اتمنى انكم تغيرون الجو اللي انتو فيه لأنو بصراحة .. حسيت من تعاملي مع اناس اني من اقرب كلمة اتنرفز وشد مع الناس وزعل وسرعة في سواقه السيارة ..
والسلام عليكم

• نشر عبر تويتر
• نشر عبر فيسبوك
• نشر عبر جوجل