انا موظف وارغب بالابتعاث ...ساعدوني

وعليكم السلام

بالعكس انت فرصتك اكيدة ان شاء الله..
لانك معيد..
ما ادري اذا قرأت القرار اللي جا دا الترم .. انه حث اعضاء هيئة التدريس على الابتعاث الخارجي..
يعني لما تيجي تقدم بعثة تقدم عن طريق الجامعة.. و الامور جدا ميسرة بإذن الله
و طالما انه تخصص علمي والمعيدين لازم يكملوا ماجستير فقدم بعثة وربنا يسهلك..
واصلا ساروا ما بيقبلوا غير ابتعاث خارجي للاقسام العلمية..

لالالالا

لا تفصل ولا تاخد اجازة
انت قدم عن طريق الجامعة وهم يعطوك تفرغ 6 سنين ماجستير ودكتوراه..

دا السؤال اتركه لاهل الخبرة..

برضو دا اتركه لاهل الخبرة
بس اعتقد انه يصرفوا للمرافق نص الراتب على ما سمعت..
وعموما اذا اتزوجت خلي زوجتك تكمل معاك

وربنا يوفقك و يوفقنا

اشكرك اختي فعلا على النصائح
اختى انا لست معيد حاليا ...لكن مقدم على الاعادة في الجامعة ..انا معلم
اختي ارجو نصحي

قرر قبل ان تعمل اي شي

الله يوفقك وييسر امرك

انا عندي حل افضل
تعال اخدك مرافق معايا

العفوو .. ادعيلي ربنا يسهلي اموري

بصراحة انا انصحك انك ما تترك وظيفتك .. لانو الواحد سار ما يتوظف غير بطلوع الروح
و قد ايش ناس بيتخرجوا و جالسين سنين يدوروا على وظيفة..
يعني البعثة ان شاء الله اذا سرت معيد حتتسهلك امووووووووركتييير لانها عن طريق الجامعة ..
و اذا مرررة نفسك تروح بعثة قدم على اجازة بس لا تترك عملك ..

انت استخير برضو..
بس انا اشوف تفضل في وظيفتك وقدم على الاعادة و ادعي ربنا يسهلك الخير ..

وكل تأخيرة فيها خيرة

وربنا يوفقك ويوفقنا ^_^

ماخاب من استشار وماندم من استخار

مسائك ورد . كل انسان ولة وجهة نظر ..
اذا تبغى نصيحتي ( انا دايما افكر مو سترايت لازم لف ودوران )
بحكم انى شايف مدرسين جو مبتعثين .
بقولك اللي صاير ..
اولا : تفكيرك مية مية ( حط هدفك الابتعاث ) واركن الوظيفة على جنب . ما اقولك افصل
اعطيها فولتارين ابرة مسكنة . بتقولي كيف .
النقطة الاولى شوف هل في بعثات من عملك والا لا .. اذا في قدم اذا مافي شوف الانظمة وتقدر تتعامل معها باحتراف . يعني 1 عندك اجازة طالب تقدر تقدم اجازة طالب وهي للدراسة على حسابك الخاص للمدة اللي نفسك فيها وطبعا يتوقف راتبك . وهذة النقطة ما اظن تبغاها . لانة حتى لو سافرت وطلبت تنظم للبرنامج بيقولو انت موظف حكومي . وومنوع ضمك .
النقطة الجميلة واللي اعجبتني صراحة . واللي شايف اغلب المبتعثين مسوينها الموظفين .
مرااااااااااافق مرااااااااااااااافق مراااااااااااااااافق
اذا خطبت وتزوجت طالبة مبتعثة مية مية تطلع مرافق واجازتك استثنائية من العمل ما يصير لوظيفتك شي
وبعد تنظم للبرنامج لانك لما بترسل اوراقك للبعثة بترسل صورة من الاجازة الاستثنائية .
ادرس وارجع عجبتك وظيفتك كان بها اذا اعطوك قريد اعلى ما اعطوك استقالة وشوف عرض احسن .
لو انت ابتعثت من العمل الزامي لما ترجع 5 سنوات ما تفصل من العمل او تطالب بسداد جميع مصاريف بالعثة .
اخيرا والله الموفق .
الزوجة اذا انت مبتعث من العمل وهي مرافقة لها راتب كامل كاي مرافقة من البرنامج .
اذا انت مرافق لها لك مرتب مرافق وفور انضمامك للبعثة يتحول راتبك من مرافق لطالب مبتعث . فتصيرو انتم الاثنين مبتعثين . والله الميسر لامورك . وشكرا

الله يسلمك اختى ...
والله فكرة روعة ..انحلت المشكلة
ههههههههههههههههه
انا شكلي بغير وجهتي ..بدل ما يكون الجمال والاهل والمكانه هي اولاوياتي ...بخليها تكون مبتعثة
هههههههههههه

تسلم تسلم على النصائح الي تنم على عقلية متفتحة فعلا...
الله يوفقك ويرجعك لأهلك سالم غانم