المراحل الدراسية للإبتعاث .. ماهي المعلومات التي نعتمدها هنا ؟ (المرحلة التاسعة)

يا اختي الايلتس مطلووووب للطب في اوروبا سوواء اسنان او غيره

^
^
^

طيب تخصص الصيدلة لـ اوروبا يحتاج آيلتس ؟؟

اوربا فقط طب
جميع الاقسام الاخرى للدول غير الاوربيه

طيب أنا جبت في الثانوي 91.48 والقدرات 81 بس التحصيلي 74
مافي أي طريقة ممكن أطلع بيها؟ واسطة؟

اختي خلي واسطتك رب العالمين هو نعم المولى ونعم النصير ..

قدمي على الجامعه وحسني درجتك وسجلي بالمرحلة العاشرة

موفقه ان شاء الله ..

إخواني عندي سؤال جواز السفر منتهي هل اقدر أسجل بياناتي وأجدده قبل التدقيق ولا لابد بجواز ساري المفعول عند التسجيل الرجاء الرد بأسرع وقت ايضا سؤال ثاني أنا الآن موظف في القطاع الخاص متى الوقت المناسب لأقدم استقالتي هل قبل التدقيق أو عند السفر ؟

بالنسبة للجواز عادي اهم شي تجدده قبل التدقيق .. وبيني وبينك وشوله متعب نفسك يوم واحد التجديد ..

انت غير مطالب بالاستقالة .. لكن من الممكن ان تأخذ اجازة من العمل .. او استقالة قبل السفر بقليل ..

وفي التدقيق عااااااادي تكون موظف .. دام الوظيفة على التأمينات الاجتماعية وليست حكومية

بخصوص الواسطة ثلاث ارباع اهلي طالعين واسطة !
يعني انت كذا تحطم حتى اللي ما استوفى الشروط !
خاصة طلاب الدراسات العليا مافي مجال يستوفي الشروط مهما حاول لان النتيجة طلعت خلاص
مو زي الثانوية يقدر يختبر مرة ثانية تحصيلي وقدرات ..

انا معدل من 5 هو 3.71 باقي 0.04 عشان استوفي الشروط معقولة قيمة صغيرة زي كذا تحرمني من البعثة للأبد؟!
رغم انو لما عادلت شهادتي من 4 استوفيت الشروط! لان معدلي صار 2.9 من 4 !!

فمدري هل ينفع اقدم المعادلة هذي وتكون مختومة من جامعتي ولا اريح نفسي واكلم واسطتي او اروح على حسابي :/
حرام يحطون حدود للمعدل والعمر .. يا ما ناس جابوا تفوق وتخرجوا بدون معلومة في راسهم وياما ناس مستواها عادي
لكن تلقى كل المواد اللي درستها فاهمتها عدل ..

على فكرة قرأت كذا تجربة لاشخاص ما استوفوا الشروط وراحو بدون واسطة لان بعض موظفين التدقيق يمشونهم عادي ويقبلون اوراقهم
يعني السالفة مزاج ولا واسطة ولا ايش بالضبط!!!

جزاك. الله خير

يعطيك العافية ي رب على هالشرح الوافي بس عندي كم سؤال كدا لأني حابه اقدم ان الله اراد على المرحلة التاسعة
انا فتحت بشوف التخصصات لكن للأسف كلها علمية وانا تخصصي تربية خاصة انجليزي مسار اضطرابات لغة وتواصل .. مالقيت ولا تخصص قريب من تخصصي او ادبي حتى ..ليش ماني عارفة
وكيف ممكن اوصل للجامعات وتخصصاتها الموجودة ؟
وهل فعلا لازم يكون بحسابي مبلغ معين قبل اسافر وكدا ؟

ويعطيك الف عافية ي رب