المراحل الدراسية للإبتعاث .. ماهي المعلومات التي نعتمدها هنا ؟ (المرحلة التاسعة)

اقتباس:

---

المشاركة الأصلية كتبت بواسطة Al Noory

بخصوص الواسطة ثلاث ارباع اهلي طالعين واسطة !
يعني انت كذا تحطم حتى اللي ما استوفى الشروط !
خاصة طلاب الدراسات العليا مافي مجال يستوفي الشروط مهما حاول لان النتيجة طلعت خلاص
مو زي الثانوية يقدر يختبر مرة ثانية تحصيلي وقدرات ..

انا معدل من 5 هو 3.71 باقي 0.04 عشان استوفي الشروط معقولة قيمة صغيرة زي كذا تحرمني من البعثة للأبد؟!
رغم انو لما عادلت شهادتي من 4 استوفيت الشروط! لان معدلي صار 2.9 من 4 !!

فمدري هل ينفع اقدم المعادلة هذي وتكون مختومة من جامعتي ولا اريح نفسي واكلم واسطتي او اروح على حسابي :/
حرام يحطون حدود للمعدل والعمر .. يا ما ناس جابوا تفوق وتخرجوا بدون معلومة في راسهم وياما ناس مستواها عادي
لكن تلقى كل المواد اللي درستها فاهمتها عدل ..

على فكرة قرأت كذا تجربة لاشخاص ما استوفوا الشروط وراحو بدون واسطة لان بعض موظفين التدقيق يمشونهم عادي ويقبلون اوراقهم
يعني السالفة مزاج ولا واسطة ولا ايش بالضبط!!!

---

انا لا اقول شيء من عندي انا صاحبي 3.74 وماابتعث ..

بخصوص المعادلة .. لا تفيدك ... لانه لو شهادتك من السعودية فلن تقبل معادلتك .. ولو هي ليست سعودية تعادلينها في الوزارة عند المعادلات ..

اما الواسطة .. فانا اذكر ولد الدكتور ماجد الحربي اللي هو مدير البرنامج راح على حسابه .. ولربما هناك واسطات وانا قلت هالشي في الموضوع .. لكنه صعب ولازم واسطة قوية .. والوزارة خصوصا بالابتعاث متشددين بهالناحية ..

اكثر الواسطات اللي تصير بالابتعاث هو انه يروح واحد على حسابة يوم واحد ويتم الحاقه .. لكن ان يتم قبوله بالبرنامج بالواسطة فهذا شي صعب صعب جدا ( وقد يحصل نادرا ) ..

بخصوص التدقيق .. هناك طلاب يقولون رح للموظف يمكن يمشيك .. مالها دخل .. لو مشاك الموظف .. وجت الاوراق عند الشركة اللي بتأرشفها ( وهي شركة متعاملة معها الوزارة تأرشف البيانات الكترونيا ) اول مايدخلون بيانات الطالب ( اللي مشوه ) في النظام يرفض .. هذا كلام موظف من الشركة انه النظام مايقبل غير المستوفين ...

في الواقع هناك 3 مراحل تصفية .. 1- التسجيل .. وبكل بساطة من لم يستوف الشروط بالبيانات المسجلة .. 2- التدقيق .. وهو من لم يستوف الشروط بالاوراق .. 3- الارشفة ..

يااختي ابيك تقدمين .. وجربي .. راح انتظر منك رد هنا بما حصل لك فيما لو قبلتي او رفضتي ..

الله يوفقك .. وانا اوخيك مانيب ضدك بس انا اعطيك حقائق وانا لي سنوات كثيررة متابعة وقراءة ..

- - - مشاركة محدثة - - -

اقتباس:

---

المشاركة الأصلية كتبت بواسطة اوركيدا !

يعطيك العافية ي رب على هالشرح الوافي بس عندي كم سؤال كدا لأني حابه اقدم ان الله اراد على المرحلة التاسعة
انا فتحت بشوف التخصصات لكن للأسف كلها علمية وانا تخصصي تربية خاصة انجليزي مسار اضطرابات لغة وتواصل .. مالقيت ولا تخصص قريب من تخصصي او ادبي حتى ..ليش ماني عارفة
وكيف ممكن اوصل للجامعات وتخصصاتها الموجودة ؟
وهل فعلا لازم يكون بحسابي مبلغ معين قبل اسافر وكدا ؟

ويعطيك الف عافية ي رب

---

لا وانا اخوك بامكانك الابتعاث على تخصص التسويق .. واذا وصلتي للدولة حقت الابتعاث تجلبي قبول في التخصص اللي تبينه .. وتطلبين تحويل ^_^ .. دامك مستوفية الشروط ليش الحساب الخاص

اما بخصوص كيف توصلين للجامعات ..

اكتبي بقوقل .. الجامعات الموصى بها .. فيه رابطين له .. واحد يعمل والثاني خربان .. فشوفي انتي .. اختاري الدولة واكتبي التخصص بالانجليزي والمرحلة .. وبتلقين ان شاء الله

اخوي لو سمحت كنت بسالك اذا كان عندك خلفيه عن جامعات اميركا ..انا ان شاء الله راح اقدم بالمرحله التاسعه ومن الان بدات بمرحله البحث عن الجامعات والولايات .. وحابه ابتعث لمدينه سان دييغو وشفت المعهد المتاح هناك قالولي موجود ELS وقالو انه معهد مو قوي اذا عندك خلفيه اخوي عن المعهد تقدر تفيدني ...تاني شي هل جامعه san diegoo staty unevirsity تعترف بدا المعهد او لا ... اتمنى القى الرد وشكرا

اقتباس:

---

المشاركة الأصلية كتبت بواسطة Al Noory

بخصوص الواسطة ثلاث ارباع اهلي طالعين واسطة !
يعني انت كذا تحطم حتى اللي ما استوفى الشروط !
خاصة طلاب الدراسات العليا مافي مجال يستوفي الشروط مهما حاول لان النتيجة طلعت خلاص
مو زي الثانوية يقدر يختبر مرة ثانية تحصيلي وقدرات ..

انا معدل من 5 هو 3.71 باقي 0.04 عشان استوفي الشروط معقولة قيمة صغيرة زي كذا تحرمني من البعثة للأبد؟!
رغم انو لما عادلت شهادتي من 4 استوفيت الشروط! لان معدلي صار 2.9 من 4 !!

فمدري هل ينفع اقدم المعادلة هذي وتكون مختومة من جامعتي ولا اريح نفسي واكلم واسطتي او اروح على حسابي :/
حرام يحطون حدود للمعدل والعمر .. يا ما ناس جابوا تفوق وتخرجوا بدون معلومة في راسهم وياما ناس مستواها عادي
لكن تلقى كل المواد اللي درستها فاهمتها عدل ..

على فكرة قرأت كذا تجربة لاشخاص ما استوفوا الشروط وراحو بدون واسطة لان بعض موظفين التدقيق يمشونهم عادي ويقبلون اوراقهم
يعني السالفة مزاج ولا واسطة ولا ايش بالضبط!!!

---

الله يوفقك يا أخت النوري وبإذن الله انك بتطلعين بعثه سواءً بمزاج ، واسطه ، ع حسابك اهم شي انك تطلععين ،
لكن في مسألة الواسطه فـ الي عنده واسطه وضامنها يقضي حاجته بالكتمان ، ماله داعي يتكلم بها وثلاث ارباع اهلي طالعين بواسطه ويحسس الي ماعنده واسطه بالغبن
اما بخصوص الشروط فـ صعبه يفتحون الباب وزلام يكون فيه تنافسيه واولويه ولازم تكون فيه شروط للتحكم بالبرنامج مثله مثل أي برنامج آخر ، " مع إيماني التام أن لييس كل من لديه علامات عاليه وعمر صغير أفضل في الدراسه من صاحب العلامات المتدنيه والعمر الكبير ، لكن عندي إيمان تام ايضاً أن الي عنده هدف وطموح ماراح يوقفه وزاره ولا غيره "
وبخصوص حالات النقص الخفيف فـ المعدل او العمر فـ الوزاره فتحت باب آخر انك تروح على حسابك وراح يضمونك ،
بالعكس وزارة التعليم العالي وسستمها جميل جداً يعني فيه قيود وفيه شروط وفيه نظام وفيه خيار آخر ، يعني مايقفلونها بوجه الطالب إقفال تام ودائماً يكون فيه حل آخر
وانا اشوف بالعكس اذا كانت فيه شروط محدده وقيود ومطبقه بحذافيرها فهذا قمة العدل ، اما الاماكن الاخرى الي سرداحي مرداحي وبدون شروط وقيود وهنا مايحصلها الا الي معه واسطه والي ابوه يعرف فلان خوي فلان ..
الله يوفق الجميع وييسر امورهم ..

اقتباس:

---

المشاركة الأصلية كتبت بواسطة lofa

اخوي لو سمحت كنت بسالك اذا كان عندك خلفيه عن جامعات اميركا ..انا ان شاء الله راح اقدم بالمرحله التاسعه ومن الان بدات بمرحله البحث عن الجامعات والولايات .. وحابه ابتعث لمدينه سان دييغو وشفت المعهد المتاح هناك قالولي موجود ELS وقالو انه معهد مو قوي اذا عندك خلفيه اخوي عن المعهد تقدر تفيدني ...تاني شي هل جامعه san diegoo staty unevirsity تعترف بدا المعهد او لا ... اتمنى القى الرد وشكرا

---

معاهد اي ال اس تختلف من فرع لفرع ,, معظم فروعها رديئة .. لكن هناك فروع معروفة بجودتها مثل ميلواكي و سان دييغو ..

الافضل في اي ال اس انت تسأل طلاب في نفس الفرع الذي تريد

شكرااااااااااااااااااا

- - - مشاركة محدثة - - -

شكرااااااااااااااااااا

شكرا لك عالموضوع

الله يوفق الجميع لما هو خير

انا معدلي 75% أدب أنجليزي وباقي الشروط مستوفه
يعني ما يقبلوني ابتعاث ماستر؟

معناته أبدأ أراسل جامعه وادرس على حسابي ما أنتظر البرنامج ؟
أفيدوني :)

لو سمحتوا

يعني اللحين لازم يكون 80 ولا فيه مجال للاقل !

وبالنسبة لليدرس طب انا سمعت جامعه امريكا انه لازم تتدرس 4 سنين وبعدين التخصص

واستراليا بعد نفس الطريقة ..
هل كندا كذا !!
فاليت احد يفدني بخصوص هالموضوع من ناحية الجامعات اللي بعد الثانوية على طول بدون 4 سنين
وافضل الدول في طب الاسنان ؟؟

ومشكورين ..

انا مش قصدي اتفاخر بواسطتي او حاجة زي كذا ..

لكن في ناس اقل من الشروط المطلوبة وراحوا بدون واسطة!
ايش التفسير المنطقي الوحيد لهالشي غير المزاج؟

عموما انا انصح الكل يقدم سواء مستوفي او لا .. عندك واسطة او لا .. مقرر على حسابك او لا ..
جرب كل شي وضع امامك مجموعة خيارات .. الاهم انك جربت كل شي عشان ماتقول ياليت وياليت ..

ما انكتبت لك البعثة الحمدلله على كل حال .. في مجال على حسابك كويس مافي مجال الشكوى لله
كمل دراستك بديرتك ويادار مادخلك شر ..

استنفذ كل الخيارات اللي عندك بعدها راح تحس بقمة الراحة انك سويت اللي عليك لكن الله ماكتب
هذا اللي كنت حابة اقوله فقط