( المرحلة الأولى ) دورة اللغة الانجليزية لـ مبتعثين المرحلة التاسعة من ملتقيات مبتعث

السلام عليكم ..

ما ادري هل مسموح احط رابط خارجي او لا !
على العموم بالاضافة للي قالته اختنا عهود ، هذا موقع تحضير بسيط لاختبار الايلتس و انشأت الموقع استاذه كنديه من تورنتو .
( Good Luck IELTS - Advice, Tips, and Guides to the IELTS Exam ) اتمنى تستفيدون منه .


بخصوص الطلاب اللي يحضرون للاختبار في فترة اللغة .
نصيحة لوجه الله لا تأجل انك تختبر اول ما توصل هناك ، كل شهرين او ثلاث اختبر و لا تنتظر النتيجه مباشرة سجل في الاختبار
اللي بعده و هكذا لانه مع التحضير و التمرس صدقوني تجيبون درجة زينه .


و هذا رابط صفحة اليوتيوب لجمعية الطلاب السعوديين في البرتش كولومبيا ، كندا
عنوان موضوعهم ( ضع الايلتس في جيبك ) ( YouTube )

الله يعطيكم الف عافيهه

بس احس اني مشوش شوي انا مبتدىء من وين ابدا بالضبط !!

تبدا استعداد لفترة اللغة او تحضير للاختبارات الدولية ؟

..

حنا طلاب اللغات و الترجمة راح نساعدكم بكل اللي تبونه باذن الله و نبين لكم كل خطوه تبونها و الاساسيات اللي تمشون عليها .
الله يوفقكم و يوفقنا و نكون اكثر من اخوه سواء هنا او برا .

لا انا للحين بآقي لي اخر سنه بالثانوي وبعدها ببتعث باذن الله
بس اللي محبطني اللغه ودي اكون بها ممتاز قبل لا ابتعث علشان اقدر اتاقلم

فسؤالي بردي اللي فوق من وين ابدا بالضبط بالدوره الموجوده بالموضوع !! لان فيها خانات كثيره

في انتظاركم

ودي #

ابدا باللي تشوفه ممتع بالنسبة لك .
طبق هالقاعدة على تعلمك ( و حنا صغار كيف تعلمنا اللغة ؟ كنا بس نسمع و نحاول ننطق مثلهم ما تعلمنا قواعد ولا شيء ) طبق هالشيء
استمع ثم استمع ثم استمع من افلام و اليوتيوب و اي شيء تبيه . استمع و حاول تنطق مثلهم ، خلال فترة بسيطه اضمن لك يكون الاكسنت عندك راااااائع
اخر شيء تعلم القواعد و تعلم الاشياء البسيطه فيه . القواعد مو مخليها اخر شيء للتخويف لاوالله بس لان الانسان ما يحب اللي تسبب له ضغط و هذه فطره فينا عشان كذا خله اخر شيء المهم تسمع و تنقطه و بتتطور بددددددددري . حب اللغة و صدقني تبدع ، الله يوفقك .

حبيبي والله ويوفقنا اجمعين , وشيء مهم برضو نتساعد وشيء اكيد حنا اخوان

انا فاهم والاكسنت عادي ممكن مع القراءه يمشي الحال
وفاهم ان الاستماع شيء اساسي وانا ضعيف بالاستماع يعني يوم اسمع شيء ما اعرفها الا لما اقراها مع السمع
اكون انا عارف الكلمه اول بس ما انتبه لها وقت السمع
وبالنسبه للافلام انا احب اشوف افلام بس ما احس اني استفيد لاني احط تركيزي مع الترجمه
ممكن استفيد بالاكسنت بس صدقني بيكون كل تركيزي مع مفهوم القصه بالترجمه يعني !!
بس سمعت اني لو احط ترجمه انقلش مع الفلم بستفيد كثير بس للحين ما جربتها
لاني خايف امل تخيل اشوف فلم ساعتين وانا ماني فاهم شيء بالقصه هههه علشان كذا كل ما ابي اجرب اقول مره ثانيه او فلم ثاني

فمدري والله وش تشورون علي اشوف افلام ترجمه انقلش
موقع مضمون فيه دورات مفيده احد مجربها

وبالنسبه للمعاهد مافيه بالمدينه اللي انا فيها الا معهد فتح جديد البريطاني السعودي اذا احد يعرف عنه خلفيه يقولي

وطبعا اكيد باذن الله مجرب الدوره ذي اللي بالموضوع لانها مبدئيا كويسه ويعطيكم الف عافيه
حتى الحمد لله بديت باول محادثه ,
وان شاء الله يا رب استمر فيها واستفيد

صدقت حنا ما نبي نفوت الفلم و نبي نستمتع فيه بدون التركيز على النص فقط .
طيب انا عندي لك حل ، بعد ما تتابع الفلم و خلاص استمتع فيه حوله لجزء تمرين ، بتقول كيف ؟ شوف بعد ما تخلص الفلم بعده بفترة شغله مرة ثانية بس بسبتيتل انغلش و اذا مر عليك مشهد كذا شدك وقفه و اقرا النص حقه كذا مره بعدين شغله و ردد مع الممثل كانك انت اللي تقوله و صدقني بتحس بمتعه .
اتبع فلمها على اليوتيوب جداا مفيد هالشخص الله يوفقه .

و حنا هنا نساعدك باللي تبي .

يب اعرف فلمها , واول ماشفت البرنامج ذا ع اليوتيوب قلت خلاص بمشي معه
بس مشكلتي ما استمر ع الشيء , مدري ليه !!

اذا عندك سكايب او بي بي علشان اتواصل معك يكون افضل