تجربتك الشخصية / تعلمت من الابتعاث: نصائحك للقادمين شاركونا تدوينها .

متى يجي اليوم الي انقل فية خبراتي الى هذا المنتدى
الله كريم

الابتعاث شي خيالي فيه امورة حلوة ومرة تغيير حياه بالكامل اكل ملبس شرب يختلف عن السعودية

الامريكان شعب ودود وصديق بغض النظر عن الحكومة بسطاء جدا مايلتفتون لاحد متعاونين

بالنسبة للدراسة بالبداية بتكون صعبة خصوصا اللي لغته ضعيفه لكن معا الوقت الامور تتغير

الله سبحانه وتعالى قال ( فان معا العسر يسرا / ان معا العسر يسرا ) اتكلو على الله والامور بتظبط ان شاء الله

سوف اتكلم عن اخطائي بتجربتي في الابتعاث..انا الحين لي اربع شهور وونص بالبعثه.. اول خطاء لم اتاكد من مستويات المعهد ولم اسال المعهد عن عدد المستويات برغم ان موقع المعهد كان يشير الى ٦ مستويات..لكن بالحقيقه المعهد عباره عن ١٠ مستويات بواقع ٥ مستويات كل سنه ..ف ماراح تستفيد من ميزة انهاء مستويات المعهد وتدخل الجامعه بدون ايلتس وتوفل الا اذا بديت من مستويات متقدمه.. عكس مثلا معهد els الي هو عباره عن ١٢ ليفل ومدة كل ليفل شهر.. ولا توجد اجازات... ف بسنه يمديك تجتاز المعهد وبالتالي تُعفى عن الايلتس او التوفل... مع اني افضل للطالب الحصول ع الايلتس او التوفل.......... الخطاء الثاني كان قيامي ب تاثيث السكن وترتيبه وكني جالس لفتره طويله وهذا غلط..لانه احتمال انقل واغير الولايه ف بكذا اكون خسرت قيمة الاثاث.. كان المفترض بما اني بمرحلة اللغه ان يكون الاثاث بسيط ورخيص ... الخطاء الثالث كان عدم جلب نقود كاش. ف كنت قد احضرت الفلوس ببطاقة الفيزه علشان اسوي عملية كاش ادفانس ولكن العمليه ماضبطت مما اضطرني لسحب المبالغ كاش. وكانت الرسوم عاليه جدا.. فالكاش افضل وسيله.. الخطاء الرابع. اني اخترت مدينه غاليه ومشهوره .. وتوجد مدن وولايات رخيصه جدا وايضا حلوه.. ف انصح بالولايات الرخيصه والمتوسطه ... هذي ابرز الاخطاء التي وقعت فيها .. اتمنى محد يكررها..

^^^ الله يعينك ياصديقي الغالي على الغربه نصحتك اجلس بالديرة معي لكن رأسك يابس

هههههاي عساك سالم قلنا نغير جو ^_^

وشبه جو الديره هداك الله الشمس تعطيك فيتامين (د) يجونا سياح عشان هالفيتامين ^_^

أنا مقدم ع المرحلة التاسعه .. دعواتكم

شد انتباهي كلامك عن المعهد ؟ وش الافضل المعهد تبع الجامعه او معهد تجاري ؟ وايش رايك في معهد كابلان

ثانياً : انت تطرقت للولايه الي انت فيها وتقول غاليه ؟ هل تقصد نيويورك ؟

وااااااو ... جاتني صدمة حضارية لمن سمعت أخويا مراحل الإبتعاث يقول خلي معاك ١٠ الاف ريال ..
أنا طالب دوبي متخرج من ثانوية عامة يعني مو موظف أصرف على نفسي .. وبعدين مو الملحقية تصرف علينا ؟

بالتوفق شباب

اخواني .. سؤال مهم :

اختيار الجامعات القوية والمقدور عليها بإذن الله يكون بأي مدى من التصنيف ؟
مثلاً : الجامعات من الترتيب 50 - 100 على العالم .. ولا من 100 - 200 ولا من 200 - 300 ؟