تجربتك الشخصية / تعلمت من الابتعاث: نصائحك للقادمين شاركونا تدوينها .

معلومة يغفل عنها الكثير من المبتعثين أول ما ياصلون

... لازم أول ما تاصل ,, تقول للمعهد أو الجامعة الي انت فيها ... ان عندك تأمين صحي من الملحقية ,, وانك ما تبي تأمينهم
اذا ما قلتولهم وما الغوا تأمينهم ,,, بتضطر تدفع كل شهر ما يقارب 100 $ ... وهم ما يعلمونك بالفاتورة الا بآخر السنة .... ولأننا حنا مدفوع عننا ما نهتم بالفاتورة ,, فما نتابعها وبالأخير ننصدم انه علينا مبلغ وقدره بسبة التأمين هذا ... والملحقية لو تاقف شجرة ما رح يدفعونه عنك ...

لأنه بارشادات تأمين المبتعثين الي يجيك بالايميل ,, مكتوب لازم تلغي التأمين حق المعهد لكن أغلبنا يغفل عن هذا لكثرة التعليمات ولانه مكتوب بخط صغير

أنا الحمد لله لاحظت أول شهر ... مع أني قايله للمشرفة ان عندي تأمين ,. لكنها كانت جديدة مو فاهمة على سوالف المبتعثين ... فاشتركتلي بهالتأمين ,,

أول مشاركة أقرأها في هذا الموضوع
أنا زيكم مقدم ع المرحلة التاسعة و ربنا ييسرها لنا و لكم
الي كنت بفيدك فيه اني سافرت لكندا - فانكوفر من 12 June ال 12 July هذه السنة و بالنسبة لجهاز الكمبيوتر تبعي كان الويندوز أصلي لكن 80% من التطبيقات و الأفلام و المحتويات مكركة و غير أصلية، طبعاً كنت شايله معي بيدي و كنت عارف انهم ما راح يفتشونه ،لذا تطمني أكثر ما عندهم يقولون طلعي الاب توب من الشنطة و خليه جنبها في الحاوية اللي تمر من تحت الاشعة و هذي صارت لما رجعت من كندا و بس.
بالنسبة للشنط الأوزان تكون محددة لكل راكب بعض الخطوط 23 كيلو و بعضها 25 كيلو و إذا كان قروب مع بعض زيكم 8 تحسب كلها مع بعض يعني 25*8 لكم 200 كيلو لكم كلكم.
و الشنطة محدده بأبعاد معينة (حجم معين) و كمان تاخذين معاك شنطة اللاب و اليد داخل الطيارة.

و نصيحتي لك و للي معاك خل معاكم ملابس قلييلة و وفروا فلوس الملابس و الجزم و العطور و المكياج و الأجهزة الإليكترونية و أشتروا من هناك لأنها أجود و أرخص و كل الماركاات موجودة هناك و هذي تجربتي شخصياً أشتريت ملابس كثيييير هنا و لما شفت الدنيا هناك قولت المره الجايه لما أسافر أن شاء الله ما راح اشتري أي ملابس من هنا (من السعودية) حتى لو أسافر بسروال و فنيلة(داخلية) .وإذا حابه تتأكدين من كلامي أدخلي على مواقع الماركات بامتداد كندا مثال (Lancأ´me Canada - Beauty, Cosmetics & Fragrances. Make Up, Skin Care, Anti-Aging & Skincare for Men - ZARA Canada - Official Website) و شوفي الأسعار.

أخيراً بالنسبة للإستقبال و السكن كان فيه الشباب في النادي السعودي بفانكوفر يستقبلون القادمين من السعودية و كان مجرد تطوع منهم جزاهم الله خير و هذا رابطهم و ما أدري عن المدن و المقاطعات الثانية.
ط¬ظ…ط¹ظٹط© ط§ظ„ط·ظ„ط¨ط© ط§ظ„ط³ط¹ظˆط¯ظٹظٹظ† ظپظٹ ظ…ظ‚ط§ط·ط¹ط© ط¨ط±ظٹطھط´ ظƒظˆظ„ظˆظ…ط¨ظٹط§ - ظƒظ†ط¯ط§ : ط§ظ„ط¢ظ†: طھط¯ط´ظٹظ† ط®ط¯ظ…ط© ط§ط³طھظ‚ط¨ط§ظ„ ط§ظ„ظ‚ط§ط¯ظ…ظٹظ† ط§ظ„ط¬ط¯ط¯ ط¹ط¨ط± ط§ظ„ظ…ظˆظ‚ط¹ ط§ظ„ط§ظ„ظƒطھط±ظˆظ†ظٹ

الله يوفقك و ييسر لك أمورك أختي
اعذريني ع الإطالة

بسأل سؤال مضحك شوي ههههههههههههههههههه

الحين الولد عادي يجي معه مرافق او بسس البنت؟
يعني مثلا لو انا رحت على خير يقدر حد يروح معي؟

لا اخوي ماله مرافق .. الا والدته لو كان هو العائل الوحيد لها ..

بالتوفيق ..

السلام عليكم ورحمه الله وبركاته اخواني جميع الطلاب المبتعثين او اللي قادمين على حسابهم الخاص احب انبهكم على شغله مهم جدا جداا جدااااا خاصه في المطارات وخاصه الطلاب اللي اول مره يجون امريكا احب انبه على شغله التكاسي اللي بدون شركه ويجونك عند الرحلات القادمه من السعوديه ويتصيدون للسعودين و اول ما تطلع يجونك يقولون لك تبي تاكسي المصيبه انه يضحكون على الطلاب وياخذون منهم فوق 500 دولار والمشوار 10 دولار القصه هذي حصلت لي قبل سنتين اول وصول لي امريكا محد نبهني على هذي الشغله جاني واحد قلي تاكسي قلت له اوكي و وصلني واخذ مني 300 دولار وانا كنت احسب انه عادي لآنها اول مره لكن بعد سنتين اليوم رحت المطار استقبل صاحبي ولقيت نفس الشركه اللي اخذت مني الفلوس موجوده والطلاب اي احد يجيهم يروحون معه فا حبيت انبه الطلاب انهم هذي شركه نصابه وان بره على طول اول ما يطلع يلقى شركه التاكسي اللي لونها اصفر اللي هي التكاسي الرسميه وارخص بكثثثثيييير من الحراميه اللي يتصيدون للسعودين لا والمشكله يضيعهم يقولهم التكاسي فوق وهو نصاب التكاسي قدامهم اول ما يطلع من الشارع وانبه لا يركب الى مع التكاسي الصفره حتى العرب صارو ينصبون على السعودين المهم كلمت كذا واحد كان بيروح معاهم ونبهته المهم حق الاشخاص الحراميه حس انه في غلط ان محد راضي يركب معاهم وعرف اني جالس انبهم جا وقلي ليش انت تسوي كذا قلت له ان ما ارضى على اي سعودي انه ينضحك عليه جا قلي السعودين فلوسكم كثيره وانتم اغبياء قلت له هين فا حبيت انبهكم رجاء اي احد بيسافر ينتبه انه ما يركب مع الاشخاص اللي اول ما يطلع يجونه يقولون له تاكسي في ((مطار نيويورك)) اذا تبي تاكسي اطلع بره على الشارع طوالي بتلقى سيارات لونها اصفر غيرها لا تركب هذي مضمونه وافضل وياريت الحاضر يبلغ الغايب اي استفسار انا في خدمتكم دعواتكم لي بالتوفيق و بالتوفيق لكم بدراستكم وشكرا ……..

افضل شيئ في مطار نيويورك واغلب المطارات هذي الشركة
SuperShuttle New York | JFK Online Reservations | JFK Airport Shuttle | JFK Shuttle Service | NYC Shuttle | NYC Airport Shuttle
واغلب العرب يتصيد السعوديين والرحلات القادميين منها ،، واصلا فيه تنبيه في المطار انك ماتركب الا التكاسي المصرح لها لمصلحتك ،،

السلام عليكم
انا مرافق من المرحلة الثامنة وفي بلد الدراسة اكتب لكم .. دعواتكم
الف مبروك للمرشحين والمرشحات
اهم نصيحة اقدمها لكم هي عند حجز التذاكر من الطيار تأكد بنفسك بقراءة التذاكر او الحجز بأنه ضمن الحقائب والشنط حتى آخر محطة لك.. لا تكن مثلنا وثقت في موظف الطيار وقال حاضر حاضر والحقيقة انه كذب علينا فقد تعبت تعبا شديدا في امريكا ودفعت على كل حقيبة في الطيران الداخلي كون معي عائلة واطفال .. يحدث هذا بإستمرار مع غالب المبتعثين وانوي تقديم شكوى ضده .. تعلم كيف تقرأ التذاكر وأقرأها عنده لكي لا يعتذر عن التعديل فيما بعد .. كانت تجربتي قاسية لولا الإطالة لبسطتها لكم .. تخللها جر الشنط الى ومن الفندق في ساعات قليلة مع ارهاق السفر والأطفال .. لا زلت ادعي على المصري اللي غشنا الله يجازيه على نيته

السلام عليكم و رحمة الله و بركاته
أقترح على كل من عنده استفسار أو حاب يعرف شيء معين بخصوص السفر ، الرحلات ، التذاكر ، الحقائب ، الأوزان ، شركات الطيران ، المطارات ، المدن ، التكاسي أو الفنادق بزيارة موقع المسافرون العرب ياهوو.
مفيييد جداً

وموفقين

السلام عليكم ورحمة الله وبركاته ..
كل عام وانتم بخير ...

كلنا يتعب للحصول على الشهادة الدنيوية ويتغافل عن الوظيفة الحقيقية للانسان والشهادة الاخروية ..لذا احببت ان انصحكم لوجة الله عزوجل قبل مجيئكم لبلد الابتعاث ...كما قال الرسول صلى الله علية وسلم "بلغوا عني ولو اية"1- قال تعالى "ربنا لاتجعلنا فتنة للذين كفروا"

اي لاتجعل الاسلام يهان بسببك ويفتتن بقية الناس بهذا الدين ..بمعنى اوضح ..احذر ان تشوة صورة الاسلام سواء بسوء الاخلاق او الذهاب لاماكن مشبوهة او عدم الحفاظ على صلواتك وغيرها ...

او التهاون بالحجاب ووضع المكياج والعطر ولبس الضيق وغيرها ...


2- ستواجة ان المساجد هناك بحاجة ماسة للدعم المعنوي والمالي ..فلاتنسى اخوتك بما تجود به نفسك ..فأعلم من يجيب معه قران مترجم بين كل سفرة وسفرة ..وحتى لايقع في المشاكل يجيب عدد بسيط كاستعمال شخصي ...وهو صدقة جارية لك


3- ان لاتاتي لبلد الابتعاث الا و قبولك اللغة مع الدرجة سواء ماستر او بكالوريوس او دكتوراة في يدك لان الكثير لايحسب حساب هذة الخطوة فيأتي الى هناك ويتندم بانه لم يحسب للامور اهميتها...


وجزاكم الله خير ...

عندي ملاحظه علي رقم 3 : كيف اُحضر قبول لغه وجامعه في نفس الوقت طيب موعد الدراسه في الجامعه ما يتعارض مع موعد بدأ الدراسه في المعهد ؟؟

أرجو منك التوضيح