تسأل عن امتداد التخصص وفرص القبول؟..تغيير التخصص بعد الوصول لبلد الابتعاث؟ حياك

اكيد مش امتداد لاعلمياً ولا في عُرف الوزارة .. الي حيحصل انك لو ترشحتي نهائي حتتحولي للتسويق

الله يعطيك العافية يا أخ عبد الرؤوف

انت متأكد من امتداد الدراسات الاسلامية هو قانون

لان سمعت قبل كذا بأن الدراسات الاسلامية مالهم امتداد

وشكراً


( تمت المشاركة باستخدام تطبيق مبتعث )

جميل الله يعطيكم العافيه

أنا تخصصي سكن و ادارة مؤسسات

أبغى أعرف هما يحسبولي هوا تابع لإدارة ف يحطوني تسويق
أو يحسبو ماله امتداد

السؤال تكرر.. ياجماعة الخير المعادلة كالتالي

تخصصك للبكالريوس س = س ضمن تخصصات البعثة او تخصص دقيق منه = انطباق معنى امتداد التخصص
تخصصك للبكالريوس ص = ص غير موجود ضمن تخصصات البعثة ولا يعتبر تخصص دقيق او قريب = ليس هناك امتداد لتخصصك في البعثة

اذا حالتك الثانية فالوزارة إن عملت زي السنوات الماضية وقبلت جميع من تنطبق عليه الشروط الاساسية فحيحولوكم للتخصص المناسب ضمن تخصصات البعثة (عادة تسويق خصوصاً للدراسات الانسانية) .. لما تروحو هناك فيكم تغيرو لتخصصكم الاصلي تبع البكالريوس اذا جبتو قبول نهائي فيه

اتمنى وضحت الصورة

وضحت الصوره أستاذ عبدالرؤوف بخصوص إمتداد التخصص ، لكن انا استفساري إذا كان دراستي في ف البكالوريس شي وابي ادرس شي آخر ف الماستر ،

يعني ياطويل العمر انا تخصصي تقنية معلومات وحوسبه بكالوريس ، وابي ادرس MBA تخصص دقيق MIS ماستر أقدر او لا ؟

انا سمعت ان الـ MBA تخصص مهني والوزاره ماتسمح لـ المبتعث الا يدرس تخصص اكاديمي ويقدر يكمل عليه الدكتوراه ،

انتظري إفادتك اخ عبدالرؤوف ، شكراً جزيلاً

حياك عبدالله .. MBA اول مره اسمع أنو يصنف كبرنامج مهني .. قد يكون EMBA الي هو الاكسيكينف ام بي اي مختلف لأنو مصمم للتنفيذيين والغرض منه مختلف عن الام بي اي اللي نعرفو .. وشخصياً مرو علي طلاب خير الله في كندا واستراليا كانو يدرسو ام بي اي عام برضك وشهاداتهم تعادلت وامورهم طيبة, فالاكيد نقطة أنو مهني ومش اكاديمي شي واهي من راس الي خبرك .. أي نعم ممكن انو بعض البرامج في جامعات معينة يكون الام بي اي مصمم بشكل مايتوافق مع المعايير الاكاديمية زي المناهج وطرق التدريس والاسسمنت وهذي فيك تتأكد منها لو رجعت لقوائم الجامعات الموصى بها ومتى ماشفت أنو الام بي اي موجود فوضعط طيب ..

بعيداً عن هذا كلو أنت من الاساس طالب تقنية معلومات وحوسبة ومن الخلفية المتواضعه الي عندي أعتقد أنو مالو علاقة بالام اي اس خصوصاً وأنو الاثنين يدرسو في كليتين مختلفتين ( البزنس و الكمبيوتر ساينس) وبالتالي أنت حيكون لازم عليك أنك تنتبه لنقطة أنو الوزارة "قد" تقبل طلب تغيير التخصص فيما لو كان التخصص الي تبغا تحولو أعلى من تخصصك الحالي (ارجع لترتيب مستويات التخصصات الخاص بالوزارة).. هذا بالاضافة اساساً أنو عندك موضوع امتداد التخصص, يعني لو انت طالب بكالريوس كان موضوع تغيير التخصص من هذه الناحية حيسهل ولكن للماستر فيه صعوبة ولكن مش مستحيل ,حاول

يعطيك ألف عافية على صبرك وطولة بالك
روح ياخي ربي ينولك اللي تتمناه وأكثر وأجمل

انا خريجة فنون ودرست ماستر بجامعة الامام ادارة وتخطيط وحابة المجال ..
قدمت دكتوراه تسويق على امل التغيير في بلد الابتعاث دكتوراه اما في الموارد البشريه او القيادة ..
وضامنه القبول باذن الله لان معدلي عالي ..

لكن صدمت اني اقرا كثير يقول اقدر احول ... ولما سالت بالوزارة كانت اجاباتهم بالنفي ..

؟؟!!

اتوكل لو جاني قبول واروح اجرب ولا اقعد واقدم هنا !!

فنون - ادارة وتخطيط - موارد بشرية
فنون - ادارة وتخطيط - قيادة
فنون - ادارة وتخطيط - تسويق

3 سيناريوهات بمشكلتين ..

لو نشوف الموضوع من زاويتين , الوزارة والجامعات حيكون نوعاً ما مش سهل..

الوزارة ماعندها مانع تطلع الطالب والطالبة بمجرد انطباق الشروط ومن غير النظر للتخصصات ولكن الصعوبة حتكون في انك تكملي في التسويق (تخصص البعثة) لأنه فقط وفقط تخصص مجبورة عليه هذا 1.. 2 في حال توافق على تغيير التخصص( من تسويق الى تخصص ثاني) فبرضك فيه اشكالية انها بعيدة عن تخصص الماستر الي هي ياموارد او قيادة ولتخفيف التعقيد في هالنقطة فيك تشوفي فرص انك تكملي في تخصص الماستر على اقل تقدير .. هذا الوزارة أما الجامعات هناك فحطي ببالك أنو الدكتوراة تختلف عن الماستر لأنو القبول فيها ماحيكون كثيرأ متأثر بالمعدل زي ماانتي مفكرة ولو أنو مهم في حد ذاتو .. البيرسونال ستيتمنت او الأكاديمك سيتمنت اوف بيربز حتكون المساحة الي تقنعي فيها لجان القبول في الكليات إنك فعلاً ولأسباب حقيقة انك تكملي في التخصصات سواء (التسويق او الموارد او القيادة) ومش مجرد انك رغبانه فيهم بالاسم .. لاتتصوري أنو بالمعدل فيك تحصلي ع القبول لأنو المتطلبات الثانية في جامعات أمريكا وغيرها ثقلها أكبر من المعدل , لا بل بعض كليات ادراة الاعمال يكون فيها الجيمات هو الاعتبار الاثقل وزن ضمن متطلبات القبول..وبالتالي حطي ببالك أنو التقديم على الجامعات حيعتمد على رغبة مدعومة بدليل يثبت انك عارفة ومخططة لكل شي يتعلق بدراستك المستقبلية وافترضي دائماً انك قدام مشرف دكتوراة تحاولي تقنعية بأسباب تخليه يقبل يشرف عليك ومن هالاسباب : خلفيتك الاكاديمية في التخصص (الي طالعه عليه) , اعمالك السابقة سواء بحثية او غيرها في هالتخصص.. البربوزال حقك او المشكلة للي حتبحثي عنها في دراستك للدكتوراه وووووو ...