وش رايكم نجمع قطه كلنا وننزل مقاله بجريدة الرياض ؟
الطامح0 July 24th, 2013, 01:22 AM
7 " أنآ عادي ..أي شي....بس اهم شي صوتنا يوصل ..)
sun_flower July 24th, 2013, 01:28 AM
7 " يا اخوان لا تعملون اشياء تصير حجه عليكم ..
غدا اعتقد اختنا عهود رايحه الوزارة .. فما نستبق الاحداث ..
فلسفة الفوزان - مع الاسف - من هذا الشرط انه نظام برنامج لا يحق لاحد يعترض .. بمعنى زمان كانوا يقبلون معدلات جيد .. تغيرت الى جيدجدا ..
فهو بنظره انه هذا نظام وقرار ولا يحق لاحد يقول رجعوها الى جيد ..
ولكني اتمنى ان محاولاتكم تغير هذا القرار .. وحنا معكم ان شاء الله ..
حرف..! July 24th, 2013, 01:35 AM
7 " مسآء الخير ،
اول شي حاب اقولكم أني معكم قلباً وقالباً ومتابع موضوعكم بشكل يومي واتمنى ينحل هالموضوع ونفرح بـ إبتعاث جميع من لديه رغبه بالابتعاث ،
لكن انا أشوف أنكم تركزون محاولاتكم على الوزاره ومسؤولينها وتضغطون عليهم وتنشبون لهم ،
يعني ياحبايبي مثلاً جامعة الملك سعود طب يبون معدل 4.70 في التحضيريه ، مانقدر نروح نرفع عليهم قضيه ونرفعها للديوان او لمكافحة فساد
يعني الوزاره وضعهم سليم وبكل اريحيه بيقولون عندنا برنامج إبتعاث لكن بشروط وقيود وشرط إمتداد التخصص حاطينه في إستمارة التسجيل وماعندنا شي مستخبي ،
أنا معكم انه قرار مجحف ومفاجئ وبدون سوابق إنذار ، وانا معكم ان الملك امر بـ الابتعاث للجميع بدون عنصريه وتحيز لـ تخصص ما ،
لكن بعض المسؤوليين يحبون العنهجيه والتلاعب بالقرارات ..
وتقريباً حالياً برنامج الملك يتجه إتجاه برنامج حافز .. من بعد ماكان برنامج مكافئه لكل عاطل صار بقيود وشروط تعجيزيه ..
فـ انا اقولكم كثفوا الجهود على الوزاره واضغطوا عليهم بحجتكم الي انا اشوفها قويه جداً ومقنعه جداً
يعني من جد اللغات والتربيه الخاصه مافيه ماستر ف البلد يعني وش نسوي ووين نروح ! واللغه المفروض هم الاحق بـ الدراسه ف البلد الام لـ هذه اللغه ،
حجتكم قويه وانا قريت عدد من الاعضاء رتبها وسردها بشكل جيّد ، اهم شي لاتشتتون جهودكم ، يعني إعلاميين يبحثون عن اكشن " خطأ طبي ، فضيحه ، تلاعب وفساد وسرقه "
عندكم الوزير فما تحت ركزوا عليهم ، في برنامج ياهلا امريكا ، المبتعث الي كنسلوا بعثته وخسر وظيفته وعلى وشك ينهار ، راح للوزير وانحلت اموره ، تخيلو انه راح للديوان مثلاً ؟ او لبعض الاعلاميين ؟ او عرض مشكلته في صحيفه معينه ؟ دايركت الوزاره راح تدافع عن نفسها وتكشر عن انيابها وتقوله انت تلاعبت وانت ابتعثناك بكالوريس وتبي تدرس ماستر وانت سافرت السعوديه 3 مرات بدون اذن وووووو إلخ
الوزاره فيها ناس للحين عندها دم وإحساس ، والدكتور ماجد مشهود له بكل خير .. اتمنى لكم التوفيق
Mrr.Abdullah July 24th, 2013, 02:01 AM
7 "
ليش منزلين أغلب التخصصات في موقع التعليم العالي مع جامعات معترف فيها ...؟! وبـ أستماره التسجيل منزلين كم تخصصص!!!!
ليش مايقفلوها ...ولا عشان حلال على ناس وحرآم على ناس ..
الوضع جدا لايطاق....بثنوي معدل ترآكمي وتتعب سنين ..وبعدها تحصيلي وقدرات..وتتعب ووتتجتهد
تدخل الجامعه على قسم مالك رغبه فيه وتواصل وتدوس على نفسك..وبعد سنين محسوبه من عمرك تتخرج بمعدل عالي وتفوق
ويكبر حلمك بالأبتعاث واكمال الدراسه ...حتى يجي بكل سهوله منصب كبير بأصدار قرار تعسفي ارتجالي يمنع من الأبتعاث...لمآ ..؟!
لانك في السعودية ..ببساطه ينقتل حلمك ويندفن قدامك ...
نقطه ثانيه..يعني كل طلاب الجامعه تعبت..يعني الي مالهم أمتداد ماتعبت...ماسهرت ماجدت لذلك أسقط حقهم من الأبتعاث!!!!!
أصحاب العقول في نعمه...جد..كم بنت متحطمة وماتنام الليل
ثرثره**