هنا تجمع من ليس لهم امتداد تخصص ..

ايوووه ذي اللي نبي نوصله ، عشان كذا هم يقولون ترى اللي رجعوا من الابتعاث ما لقوا وضايف ! بالله كيف يوضفونهم و هم كذا ؟ حنا بنطلع تسويق بس مستحيل ادرسه راح احول منه للتخصص المكمل للبكالوريوس و بكذا يصير عندي ٦ سنوات بتخصصي . بالله مو فرصتي اكبر بهالطريق ؟
بس الوزارة مو مدرجته و هذه مشكلتنا في الاساس .

اتوقع والله اعلم ان هالشرط يطبق بعد ما يسافر الشخص للبلد الميتعث لجلها . عشان يحول للتخصص الممتد للبكالوريوس . و اللي يثبتلي انهم للحين ما رفضوا طلباتنا و حلوها تحت التدقيق . يارب خير .

بغض النظر لو عندي تربوي بتوضف . اعرف شخص عنده تربوي و هذه سنته الثالثه وهو ينتظر .
و شخص خلص البكالوريوس و اختبر قدرات و اشتغل مدرب في معهد و راتبه ٩٩٠٠ في الشهر لمدة سنة .
و شخص ٣ شهوووور من بعد اتمامه للماستر و توضف في الجامعة اللي كنت فيها . وشلون لو قلنا ان عنده دكتوراه كان توضف اسرع و اسرع .

هناك حلول بس كل شخص يتبع الطريق المريح له . الله يوفقكم و يوفقنا .

انا مع اخوي علي
وشوله ادرس سنه كامله ع الفاضي ؟
وقبلي خواتي معهم تربوي لهم سنين ما توظفو
انا راح اعتمد ع كلام اخوي مراحل واروح التدقيق واعتبر نفسي خلاص مقبوله
بدور معاهد الحين ( بس مدري متى ينزلون القائمه المحدثه )!!

وين الي بتروح للوزير ^_^ روحي للوزاره راجعيهم.. زياده الخير خيرين.. بالنسبه للقائمه تلقينها بموضوعي ( روابط مهمه لمبتعثي امريكا)

- - - مشاركة محدثة - - -

الدنيا ارزاق ياعلي كل انسان بياخذ نصيبه.. ماتدري وش نصيبك..الله كريم

..

حبيت اسالكم الوزارة ترفض اللي البكالوريوس تبعه انتساب ؟؟

الملحقية تحدث المعاهد بشكل دوري .. واخر تحديث كان بـ 24 - JULY يعني قبل اسبوع تقريبا .. اضغط هنــــا .. ولكن أفضل التحديثات بعد الضمان المالي ..

بالتوفيق ..

ههههههههههههه سعودي
بعد العيد بروح له و شكرا ع الرابط
شكرا حرف

الانتساب غير مقبول في البرنامج ..

بالتوفيق ..

لاعدمناك يااحلى مهندس بالعالم

بالفعل .. كافحت عشان ادخل تخصص كنت راغبته جدا قبل الانقلش وواشتغلت عشان ادخل له من درجات استوفيت الشروط وفجاه غيروها رفعو فيها ولا انقبلت
رجعت اخدت سنه وجبت معدل عالي وقدمت على تحويل ولا انقبلت
وجاني قبول في مجال مقارب له لكن ربي ماكتب وبقيت على الانقلش
فالموضوع جد ارزاق سواء دبلوم سواء اعاده سواء ماجستير او دكتوراه او حتى ابتعاث
وكثير ناس حاولو قد مايقدرو لكن مانكتبت لهم وبالاخير انكتبلهم توظيف في تعليم عام
لكن المطلوب منا نسعى والله يكتب اللي فيه الخير

بالنسبه للامتداد القرار منطقي بجوانبه لكن مبدئيا هنا معيق قبل الابتعاث وبيكون جدا مفيد لو بعد الابتعاث وبالنسبه للوظائف اعتقد كل واحد فينا مسؤول عن نفسه وقراره هنا من قبل لايطلع
كلنا نعرف مجالات تخصصاتنا وسوق العمل لكن هذا مايمنع انك بنفسك تخلق الفرص ولاتبدا تتحلطم انه ماحصلت وظيفه تناسب تخصصك
قبل كم سنه كان فيه احتياج لكن الان الامور كل مالها تتغير فكون عامل انت كمان للتغيير
اللي قاهرني في الهاشتاق ان نظرة العامه للتخصصات الادبيه قاصره واعتقد نظرة الوزاره تماثلها ان ماكانت تشابهها لذلك من البدايه حددو تخصصات البرامج
تمنيت لو احد وسع نظرته ومداركه لكل تخصص ومدى الاحتياج فيه بغض النظر عن علمي او ادبي انت محتاجهم بالبلد اكثر من انك تحدد جانب معين ينبني فيه والبقيه على حالها عدم

نقطة أخيره استفدت جداً من التجمع تبع اللغويات للماجستير والدكتوراه وانصح كل من ليه ميول لغويه يقرأه وان كان طويل بس مفيد جدا
http://www.mbt3th.us/vb/forum8/threa...l#.UfwvJBY0pUQ

الله يكتبلنا التوفيق