السلام عليكم ورحمة الله وبركاته ,,,,
أعتذر عن التأخير ولكن يشهد الله بأني جلست 3 ساعات كاملة بوزارة التعليم العالي ...
قبل كل شيء يا جماعة الخير أستهدو بالله وقولو الحمد لله على كل حال ..
..
اليوم الساعة 11 صباحا كنت بوزارة التعليم العالي , وكان معي خطابين ( واحد موجه للدكتور ماجد الحربي ) ( والخطاب الآخر موجه للدكتور وكيل الوزارة ناصر الفوزان )
المهم ماحبيت أدخل على الدكتور ناصر الفوزان ومن ثم أدخل على الدكتور ماجد الحربي , بحكم ان الفوزان منصبه أكبر من الحربي , الفوزان وكيل الوزارة , والحربي مدير برنامج الابتعاث
المهم سألت عن الدكتور ماجد الحربي وقالو لي أنه للأسف ماداوم اليوم وفيه موظف آخر بالنيابه عنه أسمه محفوظ الزهراني , وقالي زميلي تبي تدخل على محفوظ قلت يلا نجرب , المهم دخلت على ألأخ محفوظ الزهراني وسألته عن امتداد التخصص وقالي اي نعم في أمر من الوكيل ناصر الفوزان بخصوص امتداد التخصص وانه حنا مشددين على هالنقطة , قلتله زوجتي خريجة أنجليزي وش الحل ؟ ومعدلها ممتاز , قالي للأسف لا يوجد لها أمتداد !!! سألته كيف لا يوجد أمتداد والانجليزي من أهم التخصصات و و و و و الخ , المهم الأخ محفوظ قالي للأسف مالهم أمتداد , وسألته عن التخصصات الأخرى اللي مالها أمتداد وفعلا قالي كلهم سوف ينرفضون ! قلتله طيب وبالنسبة لخيار آخر , قالي برضوا أي احد يحط خيار آخر أو يكذب بالبيانات سوف ينرفض
المهم طلعت من عنده ورحت دخلت على الدكتور ناصر الفوزان ,
الدكتور ناصر الفوزان شخص ذكي جدا ويملك حجه وأي شخص يبي يقابله لازم تكون حجته قوية ...
المهم دخلت سلمت عليه وجلست وعطيته الخطاب
وللمعلومية الخطاب كتبته شامل لكل المتخرجين لغة أنجليزية , المهم قرأ الخطاب وقالي والله يا ولدي للأسف هذي السنة أمتداد التخصص ما يساعد على قبول أي شخص متخرج أنجليزي , سألته كيف يا دكتور ناصر ما يساعد , الانجليزي أهم لغة واهم تخصص , قالي يا ولدي حنا عندنا تكدس ! قلتله يا دكتور ناصر اسمحلي لكن ما عندنا تكدس , انا زوجتي خريجة بكالوريس أنجليزي وتبي تكمل ماستر وكل اللي يدرسون ماستر هنا وليس استنقاص في أحد ولكن كلهم ( هنود أو أردنين ) ويوجد فرق كبير بين بلد اللغة الأم والناطقين بها , وبين الاجانب اللي يدرسون عندنا ,, قالي كلامك صحيح لكن هذا النظام , قلتله طيب يا دكتور انا أكلمك بصفتي أتكلم عن كل خريجين الانجليزي , وش الحل وش نسوي ؟ قالي أطلع على حسابك ومن ثم ألتحق بالبعثه ,, قلتله يا دكتور مب الكل عنده أمكانية مادية ويقدر يطلع ,, قالي والله هذا هو الحل الوحيد ,,, قلتله يا دكتور ترا كلنا عيالكم وبناتكم تساعدو معنا والبعثه للجميع ,, قالي والله هذا قرار مافيه تغيير ,, قلت على خير في امان الله ,
والمهم طلعت من عنده وقابلت خويي وقالي خويي مالك الا نائب الوزير ( أحمد السيف ) وبأذن الله خويي بيرتب لي موعد الأسبوع الجاي وبقابل معالي نائب الوزير ..
والحمد لله على كل حال , كان ودي أفرحكم وأفرح نفسي لكن هذا والله العظيم اللي حصل ويلا نقول خيره والخيره فيما أختاره الله وما ندري هل ممكن يغيرون رأيهم أو لا ,, والله يعين
نقطة أخيرة : لم أقابل الدكتور ماجد الحربي لانه ماكان موجود ...
الطامح0 July 18th, 2013, 04:50 PM
7 " 
LinkBack URL
About LinkBacks
انا بعد انتظرررر على نار .
الانتظااااااااار صعب أن شاء الله خير