[ محدّث ] استفسارات مرحلة التدقيق - المرحلة التاسعة ( 9 )

اقتباس:

---

المشاركة الأصلية كتبت بواسطة walaa19

سلام عليكم
هل بولندا مفتوحها في المرخله تاسعه

---

وعليكم السلام ورحمة الله وبركاته ..

نعم مفتوحه بولندا للمرحلة التاسعة للطب ..

بالتوفيق ..

اقتباس:

---

المشاركة الأصلية كتبت بواسطة safa mohamed

السلام عليكم
ابي استفسيرمنكم ,,, انا محرمي ابوي بس بالاول بيطلع معي الدولة اخوي هل هذا يؤثر ع عدم تكميل اوراقي او انهم ما ينزلو لي المكافاه حقت كل شهر يعني بابا بينزل بس بعدها بكده شهر ؟؟
اانا عادي اجيب قبول لغه الحين بدون ما احصل ع الضمان المالي بعدين اخذ منهم الضمان ؟؟؟
ومشكورة ...

---

وعليكم السلام ورحمة الله وبركاته ..

ما يأثر اختنا .. يطلع معك اخوك بعد ذلك تسويين طلب الغاء المرافق وتلغى جميع مخصصاته ويرجع السعوديه ويجي والدك ..

تقدري ولكن الافضل انك تنتظري الضمان المالي لأن المعاهد تتحدث بشكل مستمر وقتها ..

بالتوفيق ..

اقتباس:

---

المشاركة الأصلية كتبت بواسطة os111

السلام عليكم جميعاً
يا أخواني انا عندي استفسارين واتمنى اني اجد إجابات أكيدة على الأستفسارين:-
الأول: انا قدمت لزوجتي على الأبتعاث هي تخصصها للبكالوريوس رياض أطفال (تربوية) وطلب الأبتعاث كان لدراسة الماجستير تخصص تسويق ، هل تستطيع لو جاها قبول تقوم بدراسة اللغة وبعدها تحول التخصص من تسويق إلى رياض أطفال؟؟ (علماً ان تخصص رياض الاطفال غير مدرج من ضمن التخصصات المتاحة).
الثاني: انا موظف حكومي و راح اكون المحرم لزوجتي ، لو سويت التحاق للبعثة وضموني لدراسة الماجستير وهي بعدين ما استطاعت انها تكمل لسبب ما وقررت تترك البعثة هل استطيع اني انا اكمل دراستي ام يلغون دراستي حتى انا ؟؟
اتمنى يا اخواني واخواتي الاقي الإجابات الأكيدة لان خططي المستقبلية متوقفة على هالبعثة
شاكر ومقدر لكم

---

وعليكم السلام ورحمة الله وبركاته ..

- طبعا رياض الاطفال وبعض التخصصات يواجهون مشكله بامتداد التخصص .. ولكن لو تم قبولها فاكيد تقدر ترجع لتخصصها بعد اللغه وهذا هو الصحيح لمعادلة الشهادة بماستر ..

- اخوي انت ما تحتاج التحاق بالبعثه والانضمام .. انت مرافق والمرافق يحق له يدرس .. وبعثتك مرتبطه ببعثة زوجتك لأنها هي الاساسية ..

موفقين ان شاء الله ..

أقدر أغير محرمي لأبوي الان وكيف الطريقة..مع العلم إني برجع أعدل بعدين وأحط أخوي
يصير؟..وفيه سؤال ثاني ماني عارفة وين أسأله :/
أنا فيزياء تربوية..وناقصني مقررات عشان أكون زي خريجي كلية العلوم وش أسوي؟

اقتباس:

---

المشاركة الأصلية كتبت بواسطة AL3NOOD1989

أقدر أغير محرمي لأبوي الان وكيف الطريقة..مع العلم إني برجع أعدل بعدين وأحط أخوي
يصير؟..وفيه سؤال ثاني ماني عارفة وين أسأله :/
أنا فيزياء تربوية..وناقصني مقررات عشان أكون زي خريجي كلية العلوم وش أسوي؟

---

ايه اختنا عدلي يوم التدقيق ان شاء الله .. وبعد كذا بالملتقيات تقدرين تعدلين لأخوك مع ارفاق موافقه ولي امرك وصك الوكاله ..

انا اللي اعرفه أنه خريجين التربية ينقصهم مقررات كثيرة .. وبعض الجامعات وقفت تخصصات الكيمياء والفيزياء والاحياء انها ما تكون تربويه لأنه ما يدرس كثير بنفس العلم ..

ولكن ما يأثر عليك بالابتعاث ..

بالتوفيق ..

اقتباس:

---

المشاركة الأصلية كتبت بواسطة حرف..!

اختنا غالبية المعاهد مالها شروط .. كلها متطلبات بسيطة .. ما فيه شيء معقد ..

لذلك أي معهد ادخلي على متطلباته وشوفي ..

بالتوفيق ..

---

شُكراً حَرف للإجابة ،..
نَعم أعلم ذَلِك، لَكن هل بِإمكانِك إخباري عن معنى معهد "موقوف للتكدس" ؟
هل هذا يعني أنه سيكون مفتوح للدفعة التاسعة ولكن احتمال كبير أنه سيُمتلأ بِسرعة، لِذا.. يَجب الإسراع بالحجز قبل الناس؟

السلام عليكم
انا متخرج في الفصل الصيفي وسجلت في البرنامج والجامعة قالت لي انه راح تستلم وثيقة التخرج بذو القعدة ما ادري بوقت التدقيق هل يقبلون ورقة اثبات انني متخرج رسمية من الجامعة . علما انني خريج بكالريوس تخصص قانون

مساء الخير
ممكن استفسار
والدى بيكون ان شاء الله مرافق ومحرم لي بالنسبه للفيزا كيف تطلع له فهمت هنا امريكا مافيه اعتقد فيزا مرافق او محرم ومن لديه معلومه كيف بيكون وضع الوالد هناك وكيف تقضية وقته ارجو اللى يستطيع اعطائي معلومه شاكره له
وانا اختياري امريكا ثم كندا اللى عنده معلومات انا ان شاء الله بدرس ماستر قانون ايهما افضل الدولتين شاكره لكم مجهوداتكم

انا زوجتي مقدمة على المرحلة التاسعة دكتوراه بس يوم التدقيق راح نكون مسافرين خارج المملكة لظرف طارئ، هل استطيع عمل وكالة لشخص قريب ليستطيع الذهاب يوم التدقيق؟

ياليت احد يجاوبني لاعدمتكم

اقتباس:

---

المشاركة الأصلية كتبت بواسطة yeosuf

السلام عليكم
انا متخرج في الفصل الصيفي وسجلت في البرنامج والجامعة قالت لي انه راح تستلم وثيقة التخرج بذو القعدة ما ادري بوقت التدقيق هل يقبلون ورقة اثبات انني متخرج رسمية من الجامعة . علما انني خريج بكالريوس تخصص قانون

---

نعم تحضر ورقة إفادة تثبت أنك خريج وأنك أنهيت الساعات الدراسية .. بالتوفيق