[ محدّث ] استفسارات مرحلة التدقيق - المرحلة التاسعة ( 9 )

اقتباس:

---

المشاركة الأصلية كتبت بواسطة .اناهي.

الله يسعدكم اللي خبر يفيدني
موعد التدقيق الساعه 4 العصر, هل اقدر ادقق بالصباح؟ ولا ملزمه بالوقت المحدد؟
لان سفر وطياره ودوام, راح اضطر اغيب يومين

---

اتوقع مسموح لك بس يكون في نفس اليوم و راح يوقعونك على ورقة انك جيتي في غير موعدك .

صك الوكاله اللى سويته بنفس صيغه وكاله الاخت نقاء المرفقه .. ولكن مفتوح بدون تحديد الدوله لاني لسا مو عارفه اذا راح يخلوني اختار الرغبه الثالثه ولا
ولكن المشكله اني ارسلت صورة من صك الوكاله للاستاذه هيفاء
وقالت لابد من ذكر الاقامه معها اقامه دائمه ببلد الابتعاث
لايشترط ذكر الدوله

فايش اسوي الحين هل صك الوكاله ينرفض عشان مو مكتوب فيه اقامه دائمه؟!

اقتباس:

---

المشاركة الأصلية كتبت بواسطة طموح فتاة 2013

طيب مشكوور اخوي
مكتبة نافا للترجمه المعتمده حد سمع عنها ؟؟

---

اسمه مكتب ناف للترجمة المعتمدة
انا ترجمت عنده ورقتين من قبل .. موقعه في مدينة الأحساء (بجانب مستشفى المانع)
ممكن تتواصلين معهم عبر حسابهم بتويتر .. وموجود رقمهم ايضاً
ممكن تتصلين عليهم ~

السلام عليكم للجميع
عندي سؤال واحس اني ضايعه انا موعد التدقيق لي بكرة الاثنين وانا حاطه ثلاث رغبات للبلدان الاولي امريكا الثانيه ايرلند الثالثه كندا وراح ادرس ماجستير
وسؤالي هل ملزومه اني اعبي 1- النموذج التوضيحي لااستماره التقديم علي الجامعات الاجنبيه او 2- استمارة التقديم علي الجامعات الاجنبيه المطلوب تعبئتها وإحضارها لمركز التدقيق
هذا لقيته في موقع الوزراه مافهمت احد يقول للمقدمين علي اوربا واسيا واحد يقول للدرسات العليا وانا ماعرفت لها مدري اعبيها ولالا
افيدوني جزاكم الله الف خير
وشكرا للجميع

اقتباس:

---

المشاركة الأصلية كتبت بواسطة demahsh

السلام عليكم
انا طالبه مقدمة على بعثه للماجستير و للاسف وثيقة التخرج لم تصدر نظرا لسفر الدكتور المسؤول عن توقيعها ولكن استطيع توفير رسالة باللغه العربية تنص على اني متخرجه من جامعة الامير محمد بن فهد مع ذكر المعدل و المزيد من المعلومات عني و مصدقه بالاضافه الى ترانسكربت بالانجليزي فقط و مصدق علما بان الجامعه لا تصدره معرب ... سؤالي هل تعتبر اوراقي سليمة و استطيع الذهاب لموعدي للتدقيق ام سيتم رفض اوراقي؟؟؟

---

لا ما عندك مشاكل تعتبر افادة اوراقك سليمة

كتبت رد طويل وطار =(

عموماً يعطيكم العافية اللي ساعدونا وماقصروا
والمشرفين ربي يسعدكم ويوفقكم يارب

الحمدلله تدقيقي كان امس السبت بالخبر
مع اول دفعة الفترة الصباحية
الساعة 8 ونص
اول مادخلت اعطونا ارقام
وجلسنا ننتظر وننتظر وننتظر
وكل ساعة يقولون شوي ونبدأ ،الى الساعة 11 :(
وقالوا ان اسفين بس الشبكة عطلانة..
قالوا علشان احنا اول دفعة وفيه مشاكل بالشبكة ،وان شاء الله انتوا مايحصل معكم مشاكل ابد.

اعطيت أوراقي للوالد قسم الرجال
والحمدلله دققت وخلصت
- كان اسمي بالإنجليزي بالشهادة غير الجواز ،ومادققوا عليه ابداً ،واخذوا شهادة الثانوية الاصل عندهم.
...و صك الوكالة علشان اخوي بيكون مرافقي ما طلبوه من ابوي !
"" كنت محتاجه تعديل بيانات (درجة القدرات + رقم الجواز ) والحمدلله عدلوهم.

الحمدلله بشكل عام التدقيق كان سهل ومريح
ومافيه زحمة ابداً ،بس علشان الشبكة كانت عطلانة
غيرها كل شي تمام ومتعاونين الحمدلله.
''وهناك موجودة اجهزة حاسب وطابعات والآت تصوير
وكل شي سهل ان شاء الله.


وربي يوفق الجميع يارب
دعواتگم =)

( تمت المشاركة باستخدام تطبيق مبتعث )

اقتباس:

---

المشاركة الأصلية كتبت بواسطة saam60

اسمه مكتب ناف للترجمة المعتمدة
انا ترجمت عنده ورقتين من قبل .. موقعه في مدينة الأحساء (بجانب مستشفى المانع)
ممكن تتواصلين معهم عبر حسابهم بتويتر .. وموجود رقمهم ايضاً
ممكن تتصلين عليهم ~

---

طيب يعطيك العافيه

اقتباس:

---

المشاركة الأصلية كتبت بواسطة الفرواله

السلام عليكم للجميع
عندي سؤال واحس اني ضايعه انا موعد التدقيق لي بكرة الاثنين وانا حاطه ثلاث رغبات للبلدان الاولي امريكا الثانيه ايرلند الثالثه كندا وراح ادرس ماجستير
وسؤالي هل ملزومه اني اعبي 1- النموذج التوضيحي لااستماره التقديم علي الجامعات الاجنبيه او 2- استمارة التقديم علي الجامعات الاجنبيه المطلوب تعبئتها وإحضارها لمركز التدقيق
هذا لقيته في موقع الوزراه مافهمت احد يقول للمقدمين علي اوربا واسيا واحد يقول للدرسات العليا وانا ماعرفت لها مدري اعبيها ولالا
افيدوني جزاكم الله الف خير
وشكرا للجميع

---

وعليكم السلام .
مشرفينا يقولون انه مو مهم لكندا او امريكا ، انتي مو خسرانه شي لو عبيتي النموذج الثاني " الاول لا تعبيه هو مجرد توضيحي " .

المشكله النموذج الثاني ماهو راضي يفتح لما اجي ابغي افتحه يقول لي اسم المستخدم وكلمه المرور مدري ويش يقصد فيها

شباب انا رحت دققت اليوم بالخبر وكان التدقيق مره سريع
بس حبيت اعرف متئ تتغير حالة الطلب ؟ الي في الموقع ؟

( تمت المشاركة باستخدام تطبيق مبتعث )